헬라어 문장 검색 - Πλυταρ́Συλλά27́

(플루타르코스, Sulla, chapter 27)

Σύλλασ δὲ διὰ Θετταλίασ καὶ Μακεδονίασ καταβὰσ ἐπὶ θάλατταν παρεσκευάζετο χιλίαισ ναυσὶ καὶ διακοσίαισ ἀπὸ Δυρραχίου διαβάλλειν εἰσ Βρεντέσιον. ἡ δὲ Ἀπολλωνία πλησίον ἐστί, καὶ πρὸσ αὕτη τὸ Νύμφαιον, ἱερὸσ τόποσ ἐκ χλοερᾶσ νάπησ καὶ λειμώνων ἀναδιδοὺσ πυρὸσ πηγὰσ σποράδασ ἐνδελεχῶσ ῥέοντοσ, ἐνταῦθά φασι κοιμώμενον ἁλῶναι σάτυρον, οἱο͂ν οἱ πλάσται καὶ γραφεῖσ εἰκάζουσιν, ἀχθέντα δὲ ὡσ Σύλλαν ἐρωτᾶσθαι δι’ ἑρμηνέων πολλῶν ὅστισ εἰή· φθεγξαμένου δὲ μόλισ οὐδὲν συνετῶσ, ἀλλὰ τραχεῖάν τινα καὶ μάλιστα μεμιγμένην ἵππου τε χρεμετισμῷ καὶ τράγου μηκασμῷ φωνὴν ἀφέντοσ, ἐκπλαγέντα τὸν Σύλλαν ἀποδιοπομπήσασθαι.

μέλλοντοσ δὲ τοὺσ στρατιώτασ διαπεραιοῦν, καὶ δεδιότοσ μὴ τῆσ Ἰταλίασ ἐπιλαβόμενοι κατὰ πόλεισ ἕκαστοι διαρρυῶσι, πρῶτον μὲν ὤμοσαν ἀφ’ αὑτῶν παραμενεῖν καὶ μηδὲν ἑκουσίωσ κακουργήσειν τὴν Ἰταλίαν, ἔπειτα χρημάτων δεόμενον πολλῶν ὁρῶντεσ, ἀπήρχοντο καὶ συνεισέφερον ὡσ ἕκαστοσ εἶχεν εὐπορίασ.

οὐ μὴν ἐδέξατο τὴν ἀπαρχὴν ὁ Σύλλασ, ἀλλ’ ἐπαινέσασ καὶ παρορμήσασ διέβαινεν, ὥσ φησιν αὐτόσ, ἐπὶ πεντεκαίδεκα στρατηγοὺσ πολεμίουσ πεντήκοντα καὶ τετρακοσίασ σπείρασ ἔχοντασ, ἐκδηλότατα τοῦ θεοῦ τὰσ εὐτυχίασ προσημαίνοντοσ αὐτῷ. θύσαντοσ μὲν γὰρ εὐθέωσ ᾗ διέβη περὶ Τάραντα, δάφνησ στεφάνου τύπον ἔχων ὁ λοβὸσ ὤφθη, καὶ λημνίσκων δύο κατηρτημένων, μικρὸν δὲ πρὸ τῆσ διαβάσεωσ ἐν Καμπανίᾳ περὶ τὸ Τίφατον ὄροσ ἡμέρασ ὤφθησαν δύο τράγοι μεγάλοι συμφερόμενοι καὶ πάντα δρῶντεσ καὶ πάσχοντεσ ἃ συμβαίνει μαχομένοισ ἀνθρώποισ.

ἦν δὲ ἄρα φάσμα, καὶ κατὰ μικρὸν αἰρόμενον ἀπὸ γῆσ διεσπείρετο πολλαχοῦ τοῦ ἀέροσ εἰδώλοισ ἀμαυροῖσ ὅμοιον, εἶτα οὕτωσ ἠφανίσθη. καὶ μετ’ οὐ πολὺν χρόνον ἐν τῷ τόπῳ τούτῳ Μαρίου τοῦ νέου καὶ Νορβανοῦ τοῦ ὑπάτου μεγάλασ δυνάμεισ ἐπαγαγόντων, ὁ Σύλλασ οὔτε τάξιν ἀποδοὺσ οὔτε λοχίσασ τὸ οἰκεῖον στράτευμα, ῥώμῃ δὲ προθυμίασ κοινῆσ καὶ φορᾷ τόλμησ ἀποχρησάμενοσ ἐτρέψατο τοὺσ πολεμίουσ καὶ κατέκλεισεν εἰσ Καπύην πόλιν τὸν Νορβανόν, ἑπτακισχιλίουσ ἀποκτείνασ.

τοῦτο αἴτιον αὐτῷ γενέσθαι φησὶ τοῦ μὴ διαλυθῆναι τοὺσ στρατιώτασ κατὰ πόλεισ, ἀλλὰ συμμεῖναι καὶ καταφρονῆσαι τῶν ἐναντίων πολλαπλασίων ὄντων, ἐν δὲ Σιλβίῳ φησὶν οἰκέτην Ποντίου θεοφόρητον ἐντυχεῖν αὐτῷ λέγοντα παρὰ τῆσ Ἐνυοῦσ κράτοσ πολέμου καὶ νίκην ἀπαγγέλλειν εἰ δὲ μὴ σπεύσειεν, ἐμπεπρήσεσθαι τὸ Καπιτώλιον ὃ καὶ συμβῆναι τῆσ ἡμέρασ ἐκείνησ ἧσ ὁ ἄνθρωποσ προηγόρευσεν ἦν δὲ αὕτη πρὸ μιᾶσ νωνῶν Κυντιλίων, ἃσ νῦν Ιοὐλίασ καλοῦμεν.

ἔτι δὲ Μάρκοσ Λεύκολλοσ, εἷσ τῶν ὑπὸ Σύλλᾳ στρατηγούντων, περὶ Φιδεντίαν ἑκκαίδεκα σπείραισ πρὸσ πεντήκοντα τῶν πολεμίων ἀντιταχθεὶσ τῇ μὲν προθυμίᾳ τῶν στρατιωτῶν ἐπίστευεν, ἀνόπλουσ δὲ τοὺσ πολλοὺσ ἔχων ὤκνει.

βουλευομένου δὲ αὐτοῦ καὶ διαμέλλοντοσ, ἀπὸ τοῦ πλησίον πεδίου λειμῶνα ἔχοντοσ αὔρα φέρουσα μαλακὴ πολλὰ τῶν ἀνθέων ἐπέβαλε τῇ στρατιᾷ καὶ κατέσπειρεν, αὐτομάτωσ ἐπιμένοντα καὶ περιπίπτοντα τοῖσ θυρεοῖσ καὶ τοῖσ κράνεσιν αὑτῶν, ὥστε φαίνεσθαι τοῖσ πολεμίοισ ἐστεφανωμένουσ, γενόμενοι δὲ ὑπὸ τούτου προθυμότεροι συνέβαλον καὶ νικήσαντεσ ὀκτακισχιλίουσ ἐπὶ μυρίοισ ἀπέκτειναν καὶ τὸ στρατόπεδον εἷλον. οὗτοσ ὁ Λεύκολλοσ ἀδελφὸσ ἦν Λευκόλλου τοῦ Μιθριδάτην ὕστερον καὶ Τιγράνην καταπολεμήσαντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 27

(플루타르코스, Sulla, chapter 27)

상위

목록

SEARCH

MENU NAVIGATION