Plutarch, Sulla, chapter 33

(플루타르코스, Sulla, chapter 33)

ἔξω δὲ τῶν φονικῶν καὶ τὰ λοιπὰ τοὺσ ἀνθρώπουσ ἐλύπει. δικτάτορα μὲν γὰρ ἑαυτὸν ἀνηγόρευσε, δι’ ἐτῶν ἑκατὸν εἴκοσι τοῦτο τὸ γένοσ τῆσ ἀρχῆσ ἀναλαβών. ἐψηφίσθη δὲ αὐτῷ πάντων ἄδεια τῶν γεγονότων, πρὸσ δὲ τὸ μέλλον ἐξουσία θανάτου, δημεύσεωσ, κληρουχιῶν, κτίσεωσ, πορθήσεωσ, ἀφελέσθαι βασιλείαν, καὶ ᾧ βούλοιτο χαρίσασθαι. τὰσ δὲ διαπράσεισ τῶν δεδημευμένων οἴκων οὕτωσ ὑπερηφάνωσ ἐποιεῖτο καὶ δεσποτικῶσ ἐπὶ βήματοσ καθεζόμενοσ, ὥστε τῶν ἀφαιρέσεων ἐπαχθεστέρασ αὐτοῦ τὰσ δωρεὰσ εἶναι, καὶ γυναιξὶν εὐμόρφοισ καὶ λυρῳδοῖσ καὶ μίμοισ καὶ καθάρμασιν ἐξελευθερικοῖσ ἐθνῶν χώρασ καὶ πόλεων χαριζομένου προσόδουσ, ἐνίοισ δὲ γάμουσ ἀκουσίωσ ζευγνυμένων γυναικῶν.

Πομπήϊον γέ τοι βουλόμενοσ οἰκειώσασθαι τὸν Μάγνον, ἣν μὲν εἶχε γαμετὴν ἀφεῖναι προσέταξεν, Αἰμιλίαν δέ, Σκαύρου θυγατέρα καὶ Μετέλλησ τῆσ ἑαυτοῦ γυναικόσ, ἀποσπάσασ Μανίου Γλαβρίωνοσ ἐγκύμονα, συνῴκισεν αὐτῷ·

ἀπέθανε δὲ ἡ κόρη παρὰ τῷ Πομπηϊῴ τίκτουσα. Λουκρητίου δὲ Ὀφέλλα τοῦ Μάριον ἐκπολιορκήσαντοσ αἰτουμένου καὶ μετιόντοσ ὑπατείαν πρῶτον μὲν ἐκώλυεν ὡσ δὲ ἐκεῖνοσ ὑπὸ πολλῶν σπουδαζόμενοσ εἰσ τὴν ἀγορὰν ἐνέβαλε, πέμψασ τινὰ τῶν περὶ αὐτὸν ἑκατονταρχῶν ἀπέσφαξε τὸν ἄνδρα, καθεξόμενοσ αὐτὸσ ἐπὶ βήματοσ ἐν τῷ Διοσκουρείῳ καὶ τὸν φόνον ἐφορῶν ἄνωθεν, τῶν δὲ ἀνθρώπων τὸν ἑκατοντάρχην συλλαβόντων καὶ προσαγαγόντων τῷ βήματι, σιωπῆσαι κελεύσασ τοὺσ θορυβοῦντασ αὐτὸσ ἔφη κελεῦσαι τοῦτο, καὶ τὸν ἑκατοντάρχην ἀφεῖναι προσέταξεν.

일치하는 문장이 없습니다.

SEARCH

MENU NAVIGATION