헬라어 문장 검색 - Πλυταρ́Συλλά20́

(플루타르코스, Sulla, chapter 20)

μετὰ ταῦτα πυνθανόμενοσ Φλάκκον ἀπὸ τῆσ ἐναντίασ στάσεωσ ὕπατον ᾑρημένον διαπερᾶν τὸν Ιὄνιον μετὰ δυνάμεωσ, λόγῳ μὲν ἐπὶ Μιθριδάτην, ἔργῳ δὲ ἐπ’ ἐκεῖνον αὐτόν, ὡρ́μησεν ἐπὶ Θετταλίασ ὡσ ἀπαντήσων. γενομένῳ δὲ αὐτῷ περὶ πόλιν Μελίτειαν ἀφικνοῦντο πολλαχόθεν ἀγγελίαι πορθεῖσθαι τὰ κατόπιν αὖθισ οὐκ ἐλάττονι στρατιᾷ βασιλικῇ τῆσ πρότερον. Δορύλαοσ γὰρ εἰσ Χαλκίδα καταχθεὶσ παρασκευῇ νεῶν πολλῇ, ἐν αἷσ ἦγεν ὀκτὼ μυριάδασ ἠσκημένασ καὶ συντεταγμένασ ἄριστα δὴ τῆσ Μιθριδατικῆσ στρατιᾶσ, εὐθὺσ εἰσ Βοιωτίαν ἐνέβαλε καὶ κατεῖχε τὴν χώραν, προθυμούμενοσ εἰσ μάχην ἐπισπάσασθαι τὸν Σύλλαν, οὐ προσέχων Ἀρχελάῳ διακωλύοντι, καὶ λόγον περὶ τῆσ προτέρασ μάχησ διαδιδοὺσ ὡσ οὐκ ἄνευ προδοσίασ μυριάδεσ τοσαῦται διαφθαρεῖεν.

οὐ μὴν ἀλλὰ ὁ Σύλλασ ταχέωσ ὑποστρέψασ ἀπέδειξε τῷ Δορυλάῳ τὸν Ἀρχέλαον ἄνδρα φρόνιμον καὶ τῆσ Ῥωμαίων ἐμπειρότατον ἀρετῆσ, ὥστε μικρὰ αὐτὸν τῷ Σύλλᾳ περὶ τὸ Τιλφώσσιον ἐμπεσόντα πρῶτον εἶναι τῶν οὐκ ἀξιούντων κρίνεσθαι διὰ μάχησ, ἀλλὰ δαπάναισ καὶ χρόνῳ τρίβειν τὸν πόλεμον.

ὅμωσ δὲ θάρσοσ τι τῷ Ἀρχελάῳ παρεῖχεν ὁ πρὸσ Ὀρχομενῷ τόποσ, ἐν ᾧ κατεστρατοπέδευσαν, εὐφυέστατοσ ὢν ἱπποκρατοῦσιν ἐναγωνίσασθαι. τῶν γὰρ Βοιωτίων πεδίων ὅ τί πέρ ἐστι κάλλιστον καὶ μέγιστον, τοῦτο τῆσ Ὀρχομενίων ἐξηρτημένον πόλεωσ ὁμαλὸν ἀναπέπταται καὶ ἄδενδρον ἄχρι τῶν ἑλῶν ἐν οἷσ ὁ Μέλασ καταναλίσκεται ποταμόσ, ἀνατέλλων μὲν ὑπὸ τὴν πόλιν τῶν Ὀρχομενίων πολὺσ καὶ πλώϊμοσ ἐν πηγαῖσ μόνοσ τῶν Ἑλληνικῶν ποταμῶν, αὐξόμενοσ δὲ ὑπὸ τροπὰσ θερινάσ, ὥσπερ ὁ Νεῖλοσ, καὶ φέρων ὅμοια τοῖσ ἐκεῖ τὰ φυόμενα, πλὴν ἄκαρπα καὶ ἀναυξῆ.

πόρρω δὲ οὐ πρόεισιν, ἀλλὰ τὸ μὲν πλεῖστον εὐθὺσ εἰσ λίμνασ τυφλὰσ καὶ ἑλώδεισ ἀφανίζεται, μέροσ δὲ οὐ πολὺ τῷ Κηφισῷ συμμίγνυται, περὶ ὃν μάλιστα τόπον ἡ λίμνη δοκεῖ τὸν αὐλητικὸν ἐκφέρειν κάλαμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 20

(플루타르코스, Sulla, chapter 20)

상위

목록

SEARCH

MENU NAVIGATION