헬라어 문장 검색 - Πλυταρ́Συλλά09́

(플루타르코스, Sulla, chapter 9)

φθάσαντοσ δὲ τοῦ Σύλλα διαφυγεῖν εἰσ τὸ στρατόπεδον, καὶ τῶν στρατιωτῶν, ὡσ ἐπύθοντο ταῦτα, καταλευσάντων τοὺσ χιλιάρχουσ, οἱ περὶ τὸν Μάριον αὖθισ ἐν τῇ πόλει τοὺσ Σύλλα φίλουσ ἀνῄρουν καὶ χρήματα διήρπαζον αὐτῶν, ἦσαν δὲ μεταστάσεισ καὶ φυγαί, τῶν μὲν εἰσ πόλιν ἀπὸ στρατοπέδου, τῶν δ’ ἐκεῖσε διαφοιτώντων ἐκ τῆσ πόλεωσ, ἡ δὲ σύγκλητοσ ἦν μὲν οὐχ αὑτῆσ, ἀλλὰ τοῖσ Μαρίου καὶ Σουλπικίου διῳκεῖτο προστάγμασι, πυθομένη δὲ τὸν Σύλλαν ἐπὶ τὴν πόλιν ἐλαύνειν ἔπεμψε δύο τῶν στρατηγῶν, Βροῦτον καὶ Σερουΐλιον, ἀπαγορεύσοντασ αὐτῷ βαδίζειν. τούτουσ θρασύτερον Σύλλᾳ διαλεχθέντασ ὡρ́μησαν μὲν ἀνελεῖν οἱ στρατιῶται, τὰσ δὲ ῥάβδουσ κατέκλασαν καὶ τὰσ περιπορφύρουσ ἀφείλοντο καὶ πολλὰ περιυβρισμένουσ ἀπέπεμψαν, αὐτόθεν τε δεινὴν κατήφειαν, ὁρωμένουσ τῶν στρατηγικῶν παρασήμων ἐρήμουσ, καὶ τὴν στάσιν οὐκέτι καθεκτήν, ἀλλ’ ἀνήκεστον ἀπαγγέλλοντασ.

οἱ μὲν οὖν περὶ τὸν Μάριον ἐν παρασκευαῖσ ἦσαν·

ὁ δὲ Σύλλασ ἄγων ἓξ τάγματα τέλεια μετὰ τοῦ συνάρχοντοσ ἀπὸ Νώλησ ἐκίνει, τὸν μὲν στρατὸν ὁρῶν πρόθυμον ὄντα χωρεῖν εὐθὺσ ἐπὶ τὴν πόλιν, ἐνδοιάζων δὲ τῇ γνώμῃ παρ’ ἑαυτῷ καὶ δεδοικὼσ τὸν κίνδυνον. ὁ δὲ μάντισ Ποστούμιοσ θύσαντοσ αὐτοῦ καταμαθὼν τὰ σημεῖα, καὶ τὰσ χεῖρασ ἀμφοτέρασ τῷ Σύλλᾳ προτείνασ, ἠξίου δεθῆναι καὶ φυλάττεσθαι μέχρι τῆσ μάχησ, ὡσ, εἰ μὴ πάντα ταχὺ καὶ καλῶσ αὐτῷ συντελεσθείη, τὴν ἐσχάτην δίκην ὑποσχεῖν βουλόμενοσ. λέγεται δὲ καὶ κατὰ τοὺσ ὕπνουσ αὑτῷ Σύλλᾳ φανῆναι θεὸν ἣν τιμῶσι Ῥωμαῖοι παρὰ Καππαδοκῶν μαθόντεσ, εἴτε δὴ Σελήνην οὖσαν εἴτε Ἀθηνᾶν εἴτε Ἐνυώ.

ταύτην ὁ Σύλλασ ἔδοξεν ἐπιστᾶσαν ἐγχειρίσαι κεραυνὸν αὑτῷ, καὶ τῶν ἐχθρῶν ἕκαστον ὀνομάζουσαν τῶν ἐκείνου βάλλειν κελεῦσαι, τοὺσ δὲ πίπτειν βαλλομένουσ καὶ ἀφανίζεσθαι. θαρσήσασ δὲ τῇ ὄψει καὶ φράσασ τῷ συνάρχοντι μεθ’ ἡμέραν ἐπὶ τὴν Ῥώμην ἡγεῖτο. καὶ περὶ Πικτὰσ αὐτῷ πρεσβείασ ἐντυχούσησ καὶ δεομένησ μὴ βαδίζειν εὐθὺσ ἐξ ἐφόδου, πάντα γὰρ ἔσεσθαι τὰ δίκαια τῆσ βουλῆσ ψηφισαμένησ, ὡμολόγησε μὲν αὐτοῦ καταστρατοπεδεύσειν καὶ διαμετρεῖν ἐκέλευε χώρασ, ὥσπερ εἰώθει, τῷ στρατοπέδῳ τοὺσ ἡγεμόνασ, ὥστε τοὺσ πρέσβεισ ἀπελθεῖν πιστεύσαντασ·

ἐκείνων δὲ ἀπελθόντων εὐθὺσ ἐκπέμψασ Λεύκιον Βάσιλλον καὶ Γάϊον Μόμμιον καταλαμβάνει τὴν πύλην δι’ αὐτῶν καὶ τὰ τείχη τὰ περὶ τὸν λόφον τὸν Αἰσκυλῖνον· εἶτ’ αὐτὸσ ἁπάσῃ σπουδῇ συνῆπτε. ἀλλ’ ἐμπαθὴσ ὢν καὶ τῷ θυμῷ παραδεδωκὼσ τὴν τῶν πρασσομένων ἡγεμονίαν, ὅσ γε τοὺσ ἐχθροὺσ μόνον ἑώρα, φίλουσ δὲ καὶ συγγενεῖσ καὶ οἰκείουσ εἰσ οὐδένα λόγον θέμενοσ οὐδ’ οἶκτον κατῄει διὰ πυρόσ, ᾧ τῶν αἰτίων καὶ μὴ διάγνωσισ οὐκ ἦν.

τούτων δὲ γινομένων Μάριοσ ἐξωσθεὶσ πρὸσ τὸ τῆσ Γῆσ ἱερὸν ἐκάλει διὰ κηρύγματοσ ἐπ’ ἐλευθερίᾳ τὸ οἰκετικόν ἐπελθόντων δὲ τῶν πολεμίων κρατηθεὶσ ἐξέπεσε τῆσ πόλεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sulla, chapter 9

(플루타르코스, Sulla, chapter 9)

상위

목록

SEARCH

MENU NAVIGATION