헬라어 문장 검색 - Πλυταρ́Θυαεστι

(플루타르코스, Quaestiones Convivales, book 7, Τίσι μάλιστα χρηστέον ἀκροάμασι παρὰ δεῖπνον. 10:)

"νήφοντασ ἀκούω λόγουσ· "ὥσθ’ ὁ οἶνοσ ἡμᾶσ ἀδικεῖν οὐκ ἐοίκεν οὐδὲ κρατεῖν. δέδια δὴ μὴ καὶ αὐτὸσ εὐθύνασ ὑπόσχω· "καίτοι τὰ πολλὰ περικοπτέα τῶν ἀκροαμάτων ἐστί· "πρώτην τραγῳδίαν, ὡσ οὐ πάνυ τι συμποτικὸν ἀλλὰ σεμνότερον βοῶσαν καὶ σκευωρουμένην πραγμάτων ὑποκρίσεισ πάθοσ ἐχόντων καὶ οἶκτον. "ἀποπέμπω δὲ τῆσ ὀρχήσεωσ τὴν Πυλάδειον, ὀγκώδη καὶ παθητικὴν καὶ πολυπρόσωπον οὖσαν· "αἰδοῖ δὲ τῶν ἐγκωμίων ἐκείνων, ἃ Σωκράτησ περὶ ὀρχήσεωσ διῆλθε, δέχομαι τὴν Βαθύλλειον αὐτόθεν πέζαν τοῦ κόρδακοσ ἁπτομένην, Ἠχοῦσ ἤ τινοσ Πανὸσ ἢ Σατύρου σὺν Ἔρωτι κωμάζοντοσ ὑπόρχημά τι διατιθεμένην. "τῶν δὲ κωμῳδιῶν ἡ μὲν ἀρχαία διὰ τὴν ἀνωμαλίαν ἀνάρμοστοσ ἀνθρώποισ πίνουσιν· "ἥ τε γὰρ ἐν ταῖσ λεγομέναισ παραβάσεσιν αὐτῶν σπουδὴ καὶ παρρησία λίαν ἄκρατόσ ἐστι καὶ σύντονοσ, ἥ τε πρὸσ τὰ σκώμματα καὶ βωμολοχίασ εὐχέρεια δεινῶσ κατάκοροσ καὶ ἀναπεπταμένη καὶ γέμουσα ῥημάτων ἀκόσμων καὶ ἀκολάστων ὀνομάτων· "ἔτι δ’ ὥσπερ ἐν τοῖσ ἡγεμονικοῖσ δείπνοισ ἑκάστῳ παρέστηκε τῶν κατακειμένων οἰνοχόοσ, οὕτω δεήσει γραμματικὸν ἑκάστῳ τὸ καθ’ ἕκαστον ἐξηγεῖσθαι, τίσ ὁ Λαισποδίασ παρ’ Εὐπόλιδι καὶ ὁ Κινησίασ παρὰ Πλάτωνι καὶ ὁ Λάμπων παρὰ Κρατίνῳ, καὶ τῶν κωμῳδουμένων ἕκαστοσ· "ὥστε γραμματοδιδασκαλεῖον ἡμῖν γενέσθαι τὸ συμπόσιον ἢ κωφὰ καὶ ἄσημα τὰ σκώμματα διαφέρεσθαι. "περὶ δὲ τῆσ νέασ κωμῳδίασ τί ἂν ἀντιλέγοι τισ; "οὕτω γὰρ ἐγκέκραται τοῖσ συμποσίοισ, ὡσ μᾶλλον ἂν οἴνου χωρὶσ ἢ Μενάνδρου διακυβερνῆσαι τὸν πότον. "ἥ τε γὰρ λέξισ ἡδεῖα καὶ πεζὴ κατέσπαρται τῶν πραγμάτων, ὡσ μήθ’ ὑπὸ νηφόντων καταφρονεῖσθαι μήτ’ οἰνωμένουσ ἀνιᾶν· "γνωμολογίαι τε χρησταὶ καὶ ἀφελεῖσ ὑπορρέουσαι καὶ τὰ σκληρότατα τῶν ἠθῶν ὥσπερ ἐν πυρὶ τῷ οἴνῳ μαλάττουσι καὶ κάμπτουσι πρὸσ τὸ ἐπιεικέστερον· "ἥ τε τῆσ σπουδῆσ πρὸσ τὴν παιδιὰν ἀνάκρασισ ἐπ’ οὐδὲν ἂν πεποιῆσθαι δόξειεν ἀλλ’ ἢ πεπωκότων καὶ διακεχυμένων ἡδονὴν ὁμοῦ καὶ ὠφέλειαν. "ἔχει δὲ καὶ τὰ ἐρωτικὰ παρ’ αὐτῷ καιρὸν πεπωκόσιν ἀνθρώποισ, καὶ ἀναπαυσομένοισ μετὰ μικρὸν ἀπιοῦσι παρὰ τὰσ ἑαυτῶν γυναῖκασ· "οὔτε παιδὸσ ἔρωσ ἄρρενόσ ἐστιν ἐν τοσούτοισ δράμασιν, αἵ τε φθοραὶ τῶν παρθένων εἰσ γάμον ἐπιεικῶσ καταστρέφουσι· "τὰ δὲ πρὸσ ἑταίρασ, ἂν μὲν ὦσιν ἰταμαὶ καὶ θρασεῖαι, διακόπτεται σωφρονισμοῖσ τισιν ἢ μετανοίαισ τῶν νέων· "ταῖσ δὲ χρησταῖσ καὶ ἀντερώσαισ ἢ πατήρ τισ ἀνευρίσκεται γνήσιοσ, ἢ χρόνοσ τισ ἐπιμετρεῖται τῷ ἔρωτι, συμπεριφορὰν αἰδοῦσ· "ἔχων φιλάνθρωπον. "ταῦτα δ’ ἀνθρώποισ ἄλλο μὲν τι πράττουσιν ἴσωσ οὐδεμιᾶσ σπουδῆσ ἄξιά ἐστίν· "ἐν δὲ τῷ πίνειν οὐ θαυμάσαιμ’ ἄν, εἰ τὸ τερπνὸν αὐτῶν καὶ γλαφυρὸν ἅμα καὶ πλάσιν τινὰ καὶ κατακόσμησιν ἐπιφέρει, συνεξομοιοῦσαν τὰ ἤθη τοῖσ ἐπιεικέσι καὶ φιλανθρώποισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 7, Τίσι μάλιστα χρηστέον ἀκροάμασι παρὰ δεῖπνον. 10:

(플루타르코스, Quaestiones Convivales, book 7, Τίσι μάλιστα χρηστέον ἀκροάμασι παρὰ δεῖπνον. 10:)

상위

목록

SEARCH

MENU NAVIGATION