헬라어 문장 검색 - Πλυταρ́Νονποσσ́31́0́00́

(플루타르코스, Non posse suaviter vivi secundum Epicurum, section 31)

"καὶ πρὸσ ταῦτα μὲν οὐκ ἀποκαμοῦνται μαχόμενοι καὶ βιαζόμενοι πάντασ ἀνθρώπουσ, ἀγαθὸν μὲν ἡγεῖσθαι τὴν τῶν κακῶν ἀποφυγήν, κακὸν δὲ μηκέτι νομίζειν τὴν τῶν ἀγαθῶν στέρησιν· "ἐκεῖνο δ’ ὁμολογοῦσι, τὸ μηδεμίαν ἐλπίδα μηδὲ χαρὰν ἔχειν τὸν θάνατον ἀλλ’ ἀποκεκόφθαι πᾶν τὸ ἡδὺ καὶ τἀγαθόν· "ἐν ᾧ χρόνῳ πολλὰ καλὰ καὶ μεγάλα καὶ θεῖα προσδοκῶσιν οἱ τὰσ ψυχὰσ ἀνωλέθρουσ εἶναι διανοούμενοι καὶ ἀφθάρτουσ, ἢ μακράσ τινασ χρόνων περιόδουσ νῦν μὲν ἐν γῇ νῦν δ’ ἐν οὐρανῷ περιπολούσασ, ἄχρι οὗ συνδιαλυθῶσι τῷ κόσμῳ, μεθ’ ἡλίου καὶ σελήνησ εἰσ πῦρ νοερὸν ἀναφθεῖσαι. "τοιαύτην χώραν ἡδονῶν τοσούτων Ἐπίκουροσ ἐκτέμνεται, καὶ ἐπὶ ταῖσ ἐκ θεῶν ἐλπίσιν ὥσπερ εἴρηται καὶ χάρισιν ἀναιρεθείσαισ τοῦ θεωρητικοῦ τὸ φιλομαθὲσ καὶ τοῦ πρακτικοῦ τὸ φιλότιμον ἀποτυφλώσασ εἰσ στενόν τι κομιδῇ καὶ οὐδὲ καθαρὸν τὸ ἐπὶ τῇ σαρκὶ τῆσ ψυχῆσ χαῖρον συνέστειλε καὶ κατέβαλε τὴν φύσιν, ὡσ μεῖζον ἀγαθὸν τοῦ τὸ κακὸν φεύγειν οὐδὲν ἔχουσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Non posse suaviter vivi secundum Epicurum, section 31

(플루타르코스, Non posse suaviter vivi secundum Epicurum, section 31)

상위

목록

SEARCH

MENU NAVIGATION