헬라어 문장 검색 - Πλυταρ́Νονποσσ́21́

(플루타르코스, Non posse suaviter vivi secundum Epicurum, section 21)

δεῖ μὲν γὰρ ἀμέλει τῆσ περὶ θεῶν δόξησ ὥσπερ ὄψεωσ λήμην ἀφαιρεῖν τὴν δεισιδαιμονίαν εἰ δὲ τοῦτ’ ἀδύνατον, μὴ συνεκκόπτειν μηδὲ τυφλοῦν τὴν πίστιν, ἣν οἱ πλεῖστοι περὶ θεῶν ἔχουσιν. αὕτη δ’ ἐστὶν οὐ φοβερά τισ οὐδὲ σκυθρωπὴ καθάπερ οὗτοι πλάττουσι, διαβάλλοντεσ τὴν πρόνοιαν, ὥσπερ παισὶν Ἔμπουσαν ἢ Ποινὴν ἀλιτηριώδη καὶ τραγικὴν ἐπιτετραμμένην. δεδιότεσ γὰρ ὥσπερ ἄρχοντα χρηστοῖσ ἤπιον ἐπαχθῆ δὲ φαύλοισ, ἑνὶ φόβῳ, δι’ ὃν οὐκ ἀδικοῦσι, πολλῶν ἐλευθεροῦνται τῶν ἐπὶ τῷ ἀδικεῖν καὶ παρ’ αὑτοῖσ ἀτρέμα τὴν κακίαν ἔχοντεσ οἱο͂ν ἀπομαραινομένην ἧττον ταράττονται τῶν χρωμένων αὐτῇ καὶ τολμώντων εἶτ’ εὐθὺσ δεδιότων καὶ μεταβαλλομένων.

ἡ δὲ τῶν πολλῶν καὶ ἀμαθῶν καὶ οὐ πάνυ;

μοχθηρῶν διάθεσισ πρὸσ τὸν θεὸν ἔχει μὲν ἀμέλει τῷ σεβομένῳ καὶ τιμῶντι μεμιγμένον τινὰ σφυγμὸν καὶ φόβον, καὶ δεισιδαιμονία κέκληται· μυριάκισ πλεῖόν ἐστι καὶ μεῖζον αὐτῇ τὸ εὐέλπι καὶ περιχαρὲσ καὶ πᾶσαν εὐπραξίασ ὄνησιν ὡσ ἐκ θεῶν οὖσαν εὐχόμενον καὶ δεχόμενον.

δῆλον δὲ τεκμηρίοισ τοῖσ μεγίστοισ·

οὔτε γὰρ διατριβαὶ τῶν ἐν ἱεροῖσ οὔτε καιροὶ τῶν ἑορτασίμων οὔτε πράξεισ οὔτ’ ὄψεισ εὐφραίνουσιν ἕτεραι μᾶλλον ὧν ὁρῶμεν ἢ δρῶμεν αὐτοὶ περὶ τοὺσ θεούσ, ὀργιάζοντεσ ἢ χορεύοντεσ ἢ θυσίαισ παρόντεσ ἢ τελεταῖσ. οὐ γὰρ ὡσ τυράννοισ τισὶν ἢ δεινοῖσ κολασταῖσ ὁμιλοῦσα τηνικαῦτα ἡ ψυχὴ περίλυπόσ ἐστι καὶ ταπεινὴ καὶ δύσθυμοσ, ὅπερ εἰκὸσ ἦν· ἡδομένῳ μέχρι μέθησ καὶ γέλωτοσ καὶ παιδιᾶσ ἐφίησιν ἑαυτήν ἐν μὲν τοῖσ ἐρωτικοῖσ, ὡσ ὁ ποιητὴσ εἴρηκε καί τε γέρων καὶ γρῆυσ, ἐπὴν χρυσῆσ Ἀφροδίτησ μνήσωνται, καὶ τοῖσιν ἐπηέρθη φίλον ἦτορ·

γρῆυσ οὐδὲ πένησ καὶ ἰδιώτησ ἀλλὰ καὶ παχυσκελὴσ ἀλετρὶσ πρὸσ μύλην κινουμένη καὶ οἰκότριβεσ καὶ θῆτεσ ὑπὸ γήθουσ καὶ χαρμοσύνησ ἀναφέρονται, πλουσίοισ δὲ καὶ βασιλεῦσιν ἑστιάσεισ καὶ πανδαισίαι τινὲσ πάρεισιν ἀεί·

αἱ δ’ ἐφ’ ἱεροῖσ καὶ θυηπολίαισ, καὶ ὅταν ἔγγιστα τοῦ θείου τῇ ἐπινοίᾳ ψαύειν δοκῶσι μετὰ τιμῆσ καὶ σεβασμοῦ, πολὺ διαφέρουσαν ἡδονὴν καὶ χάριν ἔχουσι.

ταύτησ οὐδὲν ἀνδρὶ μέτεστιν ἀπεγνωκότι τῆσ προνοίασ.

αὐλὸν μὲν γὰρ ἑτέρων ἑορτῶν καὶ στέφανον ἀφαιροῦμεν, θεοῦ δὲ θυσίᾳ μὴ παρόντοσ, ὥσπερ ἱερὸν δοχῆσ, ἄθεόν ἐστι καὶ ἀνεόρταστον καὶ ἀνενθουσίαστον τὸ λειπόμενον, μᾶλλον δ’ ὅλον ἀτερπὲσ αὐτῷ καὶ λυπηρόν·

ὑποκρίνεται γὰρ εὐχὰσ καὶ προσκυνήσεισ, οὐδὲν δεόμενοσ, διὰ τὸν φόβον τῶν πολλῶν καὶ φθέγγεται φωνὰσ ἐναντίασ οἷσ φιλοσοφεῖ·

καὶ θύων μὲν ὡσ μαγείρῳ παρέστηκε τῷ ἱερεῖ σφάττοντι, θύσασ δ’ ἄπεισι λέγων τὸ Μενάνδρειον ἔθυον οὐ προσέχουσιν οὐδέν μοι θεοῖσ·

μὴ φθονεῖν μηδ’ ἀπεχθάνεσθαι τοῖσ πολλοῖσ, οἷσ χαίρουσιν ἕτεροι πράττοντεσ, αὐτοὺσ δυσχεραίνοντασ πᾶν γὰρ ἀναγκαῖον πρᾶγμ’ ἀνιηρὸν ἔφυ κατὰ τὸν Εὐήνον.

ᾗ καὶ τοὺσ δεισιδαίμονασ οὐ χαίροντασ ἀλλὰ φοβουμένουσ οἰόνται θυσίαισ καὶ τελεταῖσ ὁμιλεῖν, μηδὲν ἐκείνων αὐτοὶ διαφέροντεσ, εἴ γε δὴ διὰ φόβον ταὐτὰ δρῶσιν, οὐδ’ ἐλπίδοσ χρηστῆσ ὅσον ἐκεῖνοι μεταλαγχάνοντεσ, ἀλλὰ μόνον δεδιότεσ καὶ ταραττόμενοι μὴ φανεροὶ γένωνται τοὺσ πολλοὺσ παραλογιζόμενοι καὶ φενακίζοντεσ·

ἑλικτὰ κοὐδὲν ὑγιὲσ ἀλλὰ πᾶν πέριξ ἐπαμπεχομένοισ καὶ ἀποκρυπτομένοισ διὰ φόβον ἃσ ἔχουσι δόξασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Non posse suaviter vivi secundum Epicurum, section 21

(플루타르코스, Non posse suaviter vivi secundum Epicurum, section 21)

상위

목록

SEARCH

MENU NAVIGATION