Plutarch, Non posse suaviter vivi secundum Epicurum, section 14

(플루타르코스, Non posse suaviter vivi secundum Epicurum, section 14)

"ἧσ οὐ μέτεστι τούτοισ, ὡσ δέ φασιν οὐδὲ βούλονται μετεῖναι· "κατατείναντεσ δὲ τὸ θεωρητικὸν εἰσ τὸ σῶμα καὶ κατασπάσαντεσ ὥσπερ μολιβδίσι ταῖσ τῆσ σαρκὸσ ἐπιθυμίαισ οὐδὲν ἀπολείπουσιν ἱπποκόμων ἢ ποιμένων, χόρτον ἢ καλάμην ἤ τινα πόαν προβαλλόντων, ὡσ ταῦτα βόσκεσθαι καὶ τρώγειν προσῆκον αὐτῶν τοῖσ θρέμμασιν. "ἦ γὰρ οὐχ οὕτωσ ἀξιοῦσι τὴν ψυχὴν ταῖσ τοῦ σώματοσ ἡδοναῖσ κατασυβωτεῖν, ὅσον ἐλπίσαι τι περὶ σαρκὸσ ἢ παθεῖν ἢ μνημονεῦσαι χαίρουσαν, οἰκεῖον δὲ μηδὲν μηδ’ ἡδὺ μηδὲ τερπνὸν ἐξ αὑτῆσ λαμβάνειν μηδὲ ζητεῖν ἐῶντεσ; "καίτοι τί γένοιτ’ ἂν ἀλογώτερον, ἢ δυεῖν ὄντοιν, ἐξ ὧν ὁ ἄνθρωποσ πέφυκε, σώματοσ καὶ ψυχῆσ, ψυχῆσ δὲ τάξιν ἡγεμονικωτέραν ἐχούσησ, σώματοσ μὲν ἴδιόν τι καὶ κατὰ φύσιν καὶ οἰκεῖον ἀγαθὸν εἶναι, ψυχῆσ δὲ μηδέν, ἀλλὰ τῷ σώματι καθῆσθαι προσβλέπουσαν αὐτὴν καὶ τοῖσ μὲν τοῦ σώματοσ πάθεσιν ἐπιμειδιῶσαν καὶ συνηδομένην καὶ συγχαίρουσαν, αὐτὴν δ’ ἀκίνητον ἐξ ἀρχῆσ καὶ ἀπαθῆ καὶ μηδὲν αἱρετὸν ἔχουσαν μηδ’ ὀρεκτὸν ὅλωσ μηδὲ χαρτόν; "ἢ γὰρ ἁπλῶσ ἀποκαλυψαμένουσ ἔδει σαρκοποιεῖν τὸν ἄνθρωπον ὅλον, ὥσπερ ἔνιοι ποιοῦσι τὴν τῆσ ψυχῆσ οὐσίαν ἀναιροῦντεσ, ἢ δύο φύσεισ ἐν ἡμῖν διαφόρουσ ἀπολιπόντασ ἴδιον ἀπολιπεῖν ἑκατέρασ καὶ ἀγαθὸν καὶ κακὸν καὶ οἰκεῖον καὶ ἀλλότριον ὥσπερ ἀμέλει ἑκάστη τῶν αἰσθήσεων πρὸσ ἴδιόν τι πέφυκεν αἰσθητόν, εἰ καὶ πάνυ συμπαθοῦσιν ἀλλήλαισ. "ἔστι δὲ τῆσ ψυχῆσ ἴδιον αἰσθητήριον ὁ νοῦσ, ᾧ μηδὲν οἰκεῖον ὑποκεῖσθαι, μὴ θέαμα μὴ κίνημα μὴ πάθοσ συγγενὲσ οὗ τυγχάνουσα χαίρειν πέφυκε, πάντων ἀλογώτατόν ἐστιν· "εἰ μή τι νὴ Δία λέληθα συνεπισυκοφαντῶν τοὺσ ἄνδρασ.

일치하는 문장이 없습니다.

SEARCH

MENU NAVIGATION