Plutarch, Non posse suaviter vivi secundum Epicurum, section 25

(플루타르코스, Non posse suaviter vivi secundum Epicurum, section 25)

"ποιεῖν, οὐ μιμήσομαί σε, ὦ Ἀριστόδημε· "σὺ μὲν γὰρ ἐφοβήθησ τὰ τούτου λέγειν· "ἐγὼ δὲ χρήσομαι τοῖσ σοῖσ· "ὀρθῶσ γάρ μοι διαιρεῖν ἔδοξασ εἰσ τρία γένη τοὺσ ἀνθρώπουσ, τὸ τῶν ἀδίκων καὶ πονηρῶν, δεύτερον δὲ τὸ τῶν πολλῶν καὶ ἰδιωτῶν, τρίτον δὲ τὸ τῶν ἐπιεικῶν καὶ νοῦν ἐχόντων. "οἱ μὲν οὖν ἄδικοι καὶ πονηροὶ τὰσ καθ’ Αἵδου δίκασ καὶ τιμωρίασ δεδιότεσ καὶ φοβούμενοι κακουργεῖν καὶ διὰ τοῦτο μᾶλλον ἡσυχίαν ἄγοντεσ ἥδιον βιώσονται καὶ ἀταρακτότερον. "οὐ γὰρ Ἐπίκουροσ ἄλλῳ τινὶ τῆσ ἀδικίασ οἰέται δεῖν ἀπείργειν ἢ φόβῳ κολάσεων, ὥστε καὶ προσεμφορητέον ἐκείνοισ τῆσ δεισιδαιμονίασ καὶ κινητέον ἐπ’ αὐτοὺσ ἅμα τὰ ἐξ οὐρανοῦ καὶ γῆσ δείματα καὶ χάσματα καὶ φόβουσ καὶ ὑπονοίασ, εἰ μέλλουσιν ἐκπλαγέντεσ ὑπὸ τούτων ἐπιεικέστερον ἔχειν καὶ πραότερον. "λυσιτελεῖ γὰρ· "αὐτοῖσ τὰ μετὰ τὸν θάνατον φοβουμένοισ μὴ ἀδικεῖν ἢ ἀδικοῦσιν ἐπισφαλῶσ ἐν τῷ βίῳ διάγειν καὶ περιφόβωσ.

일치하는 문장이 없습니다.

SEARCH

MENU NAVIGATION