헬라어 문장 검색 - Πλυταρ́Μαρξελλ́29́

(플루타르코스, Marcellus, chapter 29)

οὐ μὴν ἀλλὰ θυσιῶν καὶ καθαρμῶν ὧν ὑπηγόρευον οἱ μάντεισ γενομένων ἐξῆλθε μετὰ τοῦ συνάρχοντοσ ἐπὶ τόν πόλεμον, καὶ πολλὰ μεταξὺ Βαντίασ πόλεωσ καὶ Βενυσίασ καθήμενον ἠρέθιζε τόν Ἀννίβαν. ὁ δὲ εἰσ μάχην μὲν οὐ κατέβαινεν, αἰσθόμενοσ δὲ πεμπομένην ὑπ’ αὐτῶν στρατιὰν ἐπὶ Λοκροὺσ τοὺσ Ἐπιζεφυρίουσ, κατὰ τόν περὶ Πετηλίαν λόφον ὑφεὶσ ἐνέδρασ πεντακοσίουσ καὶ δισχιλίουσ ἀπέκτεινε, τοῦτο Μάρκελλον ἐξέφερε τῷ θυμῷ πρὸσ τὴν μάχην, καὶ προσῆγεν ἄρασ ἐγγυτέρω τὴν δύναμιν. ἦν δὲ μεταξὺ τῶν στρατοπέδων λόφοσ ἐπιεικῶσ μὲν εὐερκήσ, ὕλησ δὲ παντοδαπῆσ ἀνάπλεωσ·

εἶχε δὲ καὶ σκοπὰσ περικλινεῖσ ἐπ’ ἀμφότερα, καὶ ναμάτων ὑπεφαίνοντο πηγαὶ καταρρεόντων, ἐθαύμαζον οὖν οἱ Ῥωμαῖοι Ἀννίβαν ὅτι πρῶτοσ ἐλὼν εὐφυᾶ τόπον οὕτωσ οὐ κατέσχεν, ἀλλ’ ἀπέλιπε τοῖσ πολεμίοισ. τῷ δὲ ἄρα καλὸν μὲν ἐνστρατοπεδεῦσαι τὸ χωρίον ἐφαίνετο, πολὺ δὲ κρεῖττον ἐνεδρεῦσαι·

καὶ πρὸσ τοῦτο μᾶλλον αὐτῷ χρῆσθαι βουλόμενοσ ἐνέπλησε τὴν ὕλην καὶ τὰσ κοιλάδασ ἀκοντιστῶν τε πολλῶν καὶ λογχοφόρων, πεπεισμένοσ ἐπάξεσθαι δι’ εὐφυϊάν αὐτὰ τὰ χωρία τοὺσ Ῥωμαίουσ. οὐδὲ ἀπεψεύσθη τῆσ ἐλπίδοσ·

εὐθὺσ γὰρ ἦν πολὺσ ἐν τῷ στρατοπέδῳ τῶν Ῥωμαίων λόγοσ ὡσ χρὴ τὸ χωρίον καταλαμβάνειν, καὶ διεστρατήγουν ὅσα πλεονεκτήσουσι τοὺσ πολεμίουσ, μάλιστα μὲν ἐκεῖ στρατοπεδεύσαντεσ, εἰ δὲ μή, τειχίσαντεσ τόν λόφον. ἔδοξεν οὖν τῷ Μαρκέλλῳ μετ’ ὀλίγων ἱπποτῶν ἐπελάσαντι κατασκέψασθαι. καὶ λαβὼν τόν μάντιν ἐθύετο· καὶ τοῦ πρώτου πεσόντοσ ἱερείου δείκνυσιν αὐτῷ τὸ ἧπαρ οὐκ ἔχον κεφαλὴν ὁ μάντισ. ἐπιθυσαμένου δὲ τὸ δευτέρον ἥ τε κεφαλὴ μέγεθοσ ὑπερφυὲσ ἀνέσχε καὶ τἆλλα φαιδρὰ θαυμαστῶσ διεφάνη, καὶ λύσιν ἔχειν ὁ τῶν πρώτων φόβοσ ἔδοξεν.

οἱ δὲ μάντεισ ταῦτα μᾶλλον ἔφασαν δεδιέναι καὶ ταράττεσθαι· λαμπροτάτων γὰρ ἐπ’ αἰσχίστοισ καὶ σκυθρωποτάτοισ ἱεροῖσ γενομένων ὕποπτον εἶναι τῆσ μεταβολῆσ τὴν ἀτοπίαν. ἀλλὰ γὰρ τὸ πεπρωμένον οὐ πῦρ, οὐ σιδαροῦν σχήσει τεῖχοσ, κατὰ Πίνδαρον, ἐξῄει τόν τε συνάρχοντα Κριοπῖνον παραλαβὼν καὶ τόν υἱὸν χιλιαρχοῦντα καὶ τοὺσ σύμπαντασ ἱππεῖσ εἴκοσι καὶ διακοσίουσ, ὧν Ῥωμαῖοσ οὐδεὶσ ἦν, ἀλλ’ οἱ μὲν ἄλλοι Τυρρηνοί, τεσσαράκοντα δὲ Φρεγελλανοί, πεῖραν ἀρετῆσ καὶ πίστεωσ ἀεὶ τῷ Μαρκέλλῳ δεδωκότεσ. ὑλώδουσ δὲ τοῦ λόφου καὶ συνηρεφοῦσ ὄντοσ ἀνὴρ καθήμενοσ ἄνω σκοπὴν εἶχε τοῖσ πολεμίοισ, αὐτὸσ οὐ συνορώμενοσ, καθορῶν δὲ τῶν Ῥωμαίων τὸ στρατόπεδον.

καὶ τὰ γινόμενα τούτου φράσαντοσ τοῖσ λοχῶσι, προσελαύνοντα τόν Μάρκελλον ἐάσαντεσ ἐγγὺσ προσελθεῖν ἐξαίφνησ ἀνέστησαν, καὶ περιχυθέντεσ ἅμα πανταχόθεν ἠκόντιζον, ἔπαιον, ἐδίωκον τοὺσ φεύγοντασ, συνεπλέκοντο τοῖσ ὑφισταμένοισ·

οὗτοι δ’ ἦσαν οἱ τεσσαράκοντα Φρεγελλανοί. καὶ τῶν Τυρρηνῶν εὐθὺσ ἐν ἀρχῇ διατρεσάντων αὐτοὶ συστραφέντεσ ἠμύνοντο πρὸ τῶν ὑπάτων, ἄχρι οὗ Κρισπῖνοσ μὲν ἀκοντίσμασι δυσὶ βεβλημένοσ ἐπέστρεψεν εἰσ φυγὴν τόν ἵππον, Μάρκελλον δέ τισ λόγχῃ πλατείᾳ διὰ τῶν πλευρῶν διήλασεν, ἣν λαγκίαν καλοῦσιν.

οὕτω δὲ καὶ τῶν Φρεγελλανῶν οἱ περιόντεσ ὀλίγοι παντάπασιν αὐτὸν μὲν πεσόντα λείπουσι, τόν δ’ υἱὸν ἁρπάσαντεσ τετρωμένον φεύγουσιν ἐπὶ τὸ στρατόπεδον. ἐγένοντο δὲ νεκροὶ μὲν οὐ πολλῷ τῶν τεσσαράκοντα πλειουσ, αἰχμάλωτοι δὲ τῶν μὲν ῥαβδούχων πέντε, τῶν δὲ ἱππέων εἴκοσι δυεῖν δέοντεσ, ἐτελεύτησε δὲ καὶ Κρισπῖνοσ ἐκ τῶν τραυμάτων οὐ πολλὰσ ἡμέρασ ἐπιβιώσασ.

καὶ πάθοσ τοῦτο Ῥωμαίοισ συνέπεσε πρότερον οὐ γεγονόσ, ἀμφοτέρουσ ἐξ ἑνὸσ ἀγῶνοσ τοὺσ ὑπάτουσ ἀποθανεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 29

(플루타르코스, Marcellus, chapter 29)

상위

목록

SEARCH

MENU NAVIGATION