Plutarch, Marcellus, chapter 1

(플루타르코스, Marcellus, chapter 1)

Μᾶρκον δὲ Κλαύδιον τὸν πεντάκισ ὑπατεύσαντα Ῥωμαίων Μάρκου μὲν υἱὸν γενέσθαι λέγουσι, κληθῆναι δὲ τῶν ἀπὸ τῆσ οἰκίασ πρῶτον Μάρκελλον, ὅπερ ἐστὶν Ἀρήϊον, ὥσ φησι Ποσειδώνιοσ. ἦν γὰρ τῇ μὲν ἐμπειρίᾳ πολεμικόσ, τῷ δὲ σώματι ῥωμαλέοσ, τῇ δὲ χειρὶ πλήκτησ, τῇ δὲ φύσει φιλοπόλεμοσ κἀν τούτῳ δὴ πολὺ τὸ γαῦρον καὶ ἀγέρωχον ἐπιφαίνων ἐν τοῖσ ἀγῶσι, τῷ δὲ ἄλλῳ τρόπῳ σώφρων, φιλάνθρωποσ, Ἑλληνικῆσ παιδείασ καὶ λόγων ἄχρι τοῦ τιμᾶν καὶ θαυμάζειν τοὺσ κατορθοῦντασ ἐραστήσ, αὐτὸσ δὲ ὑπ’ ἀσχολιῶν ἐφ’ ὅσον ἦν πρόθυμοσ ἀσκῆσαι καὶ μαθεῖν οὐκ ἐξικόμενοσ. οἳ νέοι μὲν ὄντεσ περὶ Σικελίαν Καρχηδονίοισ, ἀκμάζοντεσ δὲ Γαλάταισ ὑπὲρ αὐτῆσ Ἰταλίασ ἐπολέμουν, ἤδη δὲ γηρῶντεσ Ἀννίβᾳ πάλιν συνείχοντο καὶ Καρχηδονίοισ, οὐκ ἔχοντεσ, ὥσπερ οἱ πολλοὶ, διὰ γῆρασ ἀνάπαυσιν στρατειῶν, ἀλλ’ ἐπὶ στρατηγίασ πολέμων καὶ ἡγεμονίασ κατ’ εὐγένειαν καὶ ἀρετὴν ἀγόμενοι.

일치하는 문장이 없습니다.

SEARCH

MENU NAVIGATION