Plutarch, Marcellus, chapter 30

(플루타르코스, Marcellus, chapter 30)

ἀλλ’ ἐπιθαυμάσασ τὸ παράλογον τῆσ τελευτῆσ τὸν μὲν δακτύλιον ἀφείλετο, τὸ δὲ σῶμα κοσμήσασ πρέποντι κόσμῳ καὶ περιστείλασ ἐντίμωσ ἔκαυσε καὶ τὰ λείψανα συνθεὶσ εἰσ κάλπιν ἀργυρᾶν, καὶ χρυσοῦν ἐμβαλὼν στέφανον, ἀπέστειλε πρὸσ τὸν υἱόν. τῶν δὲ Νομάδων τινὲσ περιτυχόντεσ τοῖσ κομίζουσιν ὡρ́μησαν ἀφαιρεῖσθαι τὸ τεῦχοσ, ἀντιλαμβανομένων δ’ ἐκείνων ἐκβιαζόμενοι καὶ μαχόμενοι διέρριψαν τὰ ὀστᾶ. τοῖσ μὲν Νομάσιν ἐπέθηκε δίκην, οὐκέτι δὲ κομιδῆσ ἢ συλλογῆσ τῶν λειψάνων ἐφρόντισεν, ὡσ δὴ κατὰ θεόν τινα καὶ τῆσ τελευτῆσ καὶ τῆσ ἀταφίασ παραλόγωσ οὕτω τῷ Μαρκέλλῳ γενομένησ, ταῦτα μὲν οὖν οἱ περὶ Κορνήλιον Νέπωτα καὶ Οὐαλέριον Μάξιμον ἱστορήκασι·

Λίβιοσ δὲ καὶ Καῖσαρ ὁ Σεβαστὸσ κομισθῆναι τήν ὑδρίαν πρὸσ τὸν υἱὸν εἰρήκασι καὶ ταφῆναι λαμπρῶσ.

ἦν δὲ ἀνάθημα Μαρκέλλου δίχα τῶν ἔν Ῥώμῃ γυμνάσιον μὲν ἐν Κατάνῃ τῆσ Σικελίασ, ἀνδριάντεσ δὲ καὶ πίνακεσ τῶν ἐκ Συρακουσῶν ἔν τε Σαμοθρᾴκῃ παρὰ τοῖσ θεοῖσ, οὓσ Καβείρουσ ὠνόμαζον, καὶ περὶ Λίνδον ἐν τῷ ἱερῷ τῆσ Ἀθηνᾶσ, ἐκεῖ δὲ αὐτοῦ τῷ ἀνδριάντι τοῦτ’ ἦν ἐπιγεγραμμένον, ὡσ Ποσειδώνιόσ φησι, τὸ ἐπίγραμμα· οὗτόσ τοι Ῥώμησ ὁ μέγασ, ξένε, πατρίδοσ ἀστήρ, Μάρκελλοσ κλεινῶν Κλαύδιοσ ἐκ πατέρων.

ἑπτάκι τὰν ὑπάταν ἀρχὰν ἐν Ἄρηϊ φυλάξασ, τὸν πολὺν ἀντιπάλοισ ὃσ κατέχευε φόνον. . τήν γὰρ ἀνθύπατον ἀρχήν, ἣν δὶσ ἦρξε, ταῖσ πέντε προσκατηρίθμησεν ὑπατείαισ ὁ τὸ ἐπίγραμμα ποιήσασ. γένοσ δ’ αὐτοῦ λαμπρὸν ἄχρι Μαρκέλλου τοῦ Καίσαροσ ἀδελφιδοῦ διέτεινεν, ὃσ Ὀκταβίασ ἦν τῆσ Καίσαροσ ἀδελφῆσ υἱὸσ ἐκ Γαϊού Μαρκέλλου γεγονώσ, ἀγορανομῶν δὲ Ῥωμαίων ἐτελεύτησε νυμφίοσ, Καίσαροσ θυγατρὶ χρόνον οὐ πολὺν συνοικήσασ.

εἰσ δὲ τιμὴν αὐτοῦ καὶ μνήμην Ὀκταβία μὲν ἡ μήτηρ τήν βιβλιοθήκην ἀνέθηκε, Καῖσαρ δὲ θέατρον ἐπιγράψασ Μαρκέλλου.

일치하는 문장이 없습니다.

SEARCH

MENU NAVIGATION