Plutarch, Marcellus, chapter 9

(플루타르코스, Marcellus, chapter 9)

Ἀννίβου δὲ ἐμβαλόντοσ εἰσ Ἰταλίαν ἐπέμφθη μὲν ὁ Μάρκελλοσ ἐπὶ Σικελίαν στόλον ἄγων ἐπεὶ δὲ ἡ περὶ Κάννασ ἀτυχία συνέπεσε καὶ Ῥωμαίων οὐκ ὀλίγαι μυριάδεσ ἐν τῇ μάχῃ διεφθάρησαν, ὀλίγοι δὲ σωθέντεσ εἰσ Κανύσιον συνεπεφεύγεσαν, ἦν δὲ προσδοκία τὸν Ἀννίβαν εὐθὺσ ἐπὶ τὴν Ῥώμην ἐλᾶν, ὅπερ ἦν κράτιστον τῆσ δυνάμεωσ ἀνῃρηκότα, πρῶτον μὲν ὁ Μάρκελλοσ ἀπὸ τῶν νεῶν ἔπεμψε τῇ πόλει φυλακὴν πεντακοσίουσ καὶ χιλίουσ ἄνδρασ, ἔπειτα δόγμα τῆσ βουλῆσ δεξάμενοσ εἰσ Κανύσιον παρῆλθε, καὶ τοὺσ ἐκεῖ συνειλεγμένουσ παραλαβὼν ἐξήγαγε τῶν ἐρυμάτων ὡσ οὐ προησόμενοσ τὴν χώραν. Ῥωμαίοισ δὲ τῶν ἡγεμονικῶν καὶ δυνατῶν ἀνδρῶν οἱ μὲν ἐτεθνήκεσαν ἐν ταῖσ μάχαισ, Φαβίου δὲ Μαξίμου τοῦ πλεῖστον ἔχοντοσ ἀξίωμα πίστεωσ καὶ συνέσεωσ, τὸ λίαν ἀπηκριβωμένον ἐν τοῖσ ὑπὲρ τοῦ μὴ παθεῖν λογισμοῖσ ὡσ ἀργὸν ἐπὶ τὰσ πράξεισ καὶ ἄτολμον ᾐτιῶντο·

καὶ νομίζοντεσ ἀποχρῶντα τοῦτον ἔχειν πρὸσ ἀσφάλειαν, οὐ διαρκῆ δὲ πρὸσ ἄμυναν στρατηγόν, ἐπὶ τὸν Μάρκελλον ἀφεώρων, καὶ τὸ θαρραλέον αὐτοῦ καὶ δραστήριον πρὸσ τὴν ἐκείνου κεραννύντεσ καὶ ἁρμόττοντεσ εὐλάβειαν καὶ πρόνοιαν, ποτὲ μὲν ἀμφοτέρουσ ἅμα χειροτονοῦντεσ ὑπάτουσ, ποτὲ δὲ ἐν μέρει, τὸν μὲν ὕπατον, τὸν δὲ ἀνθύπατον, ἐξέπεμπον.

ὁ δὲ Ποσειδώνιόσ φησι τὸν μὲν Φάβιον θυρεὸν καλεῖσθαι, τὸν δὲ Μάρκελλον ξίφοσ, αὐτὸσ δὲ ὁ Ἀννίβασ ἔλεγε τὸν μὲν Φάβιον ὡσ παιδαγωγὸν φοβεῖσθαι, τὸν δὲ Μάρκελλον ὡσ ἀνταγωνιστήν ὑφ’ οὗ μὲν γὰρ κωλύεσθαι κακόν τι ποιεῖν, ὑφ’ οὗ δὲ καὶ πάσχειν.

일치하는 문장이 없습니다.

SEARCH

MENU NAVIGATION