헬라어 문장 검색 - Πλυταρ́Μαρξελλ́06́

(플루타르코스, Marcellus, chapter 6)

̣ Ὡσ δ’ οὖν ἐξωμόσαντο τὴν ἀρχὴν οἱ περὶ τὸν Φλαμίνιον, διὰ τῶν καλουμένων μεσοβασιλέων ὕπατοσ ἀποδείκνυται Μάρκελλοσ, καὶ παραλαβὼν τὴν ἀρχὴν ἀποδείκνυσιν αὑτῷ συνάρχοντα Γναῖον Κορνήλιον. ἐλέχθη μὲν οὖν ὡσ πολλὰ συμβατικὰ τῶν Γαλατῶν λεγόντων, καὶ τῆσ βουλῆσ εἰρηναῖα βουλομένησ, ὁ Μάρκελλοσ ἐξετράχυνε τὸν δῆμον ἐπὶ τὸν πόλεμον οὐ μὴν ἀλλὰ καὶ γενομένησ εἰρήνησ ἀνακαινίσαι τὸν πόλεμον οἱ Γαισάται δοκοῦσι, τὰσ Ἄλπεισ ὑπερβαλόντεσ καὶ τοὺσ Ἰνσόμβρουσ ἐπάραντεσ· τρισμύριοι γὰρ ὄντεσ προσεγένοντο πολλαπλασίοισ ἐκείνοισ οὖσι καὶ μέγα φρονοῦντεσ εὐθὺσ ἐπ’ Ἀκέρρασ ὡρ́μησαν, πόλιν ὑπὲρ ποταμοῦ Πάδου ἀνῳκισμένην.

ἐκεῖθεν δὲ μυρίουσ τῶν Γαισατῶν ὁ βασιλεὺσ Βριτόματοσ ἀναλαβὼν τὴν περὶ Πάδον χώραν ἐπόρθει. ταῦτα Μάρκελλοσ πυθόμενοσ τὸν μὲν συνάρχοντα πρὸσ Ἀκέρραισ ἀπέλιπε τὴν πεζὴν καὶ βαρεῖαν ὁμοῦ πᾶσαν ἔχοντα δύναμιν καὶ τῶν ἱππέων μέροσ τρίτον, αὐτὸσ δὲ τοὺσ λοιποὺσ ἱππεῖσ ἀναλαβὼν καὶ τοὺσ ἐλαφροτάτουσ τῶν ὁπλιτῶν περὶ ἑξακοσίουσ ἤλαυνεν, οὔτε ἡμέρασ οὔτε νυκτὸσ ἀνιεὶσ τὸν δρόμον, ἑώσ ἐπέβαλε τοῖσ μυρίοισ Γαισάταισ περὶ τὸ καλούμενον Κλαστίδιον, Γαλατικὴν κώμην οὐ πρὸ πολλοῦ Ῥωμαίοισ ὑπήκοον γεγενημένην.

ἀναλαβεῖν δὲ καὶ διαναπαῦσαι τὸν στρατὸν οὐχ ὑπῆρξεν αὐτῷ·

ταχὺ γὰρ αἴσθησιν τοῖσ βαρβάροισ ἀφικόμενοσ παρέσχε, καὶ κατεφρονήθη πεζῶν μὲν ὀλίγων παντάπασιν ὄντων σὺν αὐτῷ, τὸ δ’ ἱππικὸν ἐν οὐδενὶ λόγῳ τῶν Κελτῶν τιθεμένων, κράτιστοι γὰρ ὄντεσ ἱππομαχεῖν καὶ μάλιστα τούτῳ διαφέρειν δοκοῦντεσ, τότε καὶ πλήθει πολὺ τὸν Μάρκελλον ὑπερέβαλλον. ὁ δὲ Μάρκελλοσ, ὡσ μὴ φθαῖεν αὐτὸν ἐγκυκλωσάμενοι καὶ περιχυθέντεσ ὀλιγοστὸν ὄντα, τὰσ ἴλασ ἦγε πόρρω τῶν ἱππέων καὶ περιήλαυνε, λεπτὸν ἐκτείνων τὸ κέρασ, ἄχρι οὗ μικρὸν ἀπέσχε τῶν πολεμίων, Ἤδη δέ πωσ εἰσ ἐμβολὴν ἐπιστρέφοντοσ αὐτοῦ συντυγχάνει τὸν ἵππον πτυρέντα τῇ γαυρότητι τῶν πολεμίων ἀποτραπέσθαι καὶ βίᾳ φέρειν ὀπίσω τὸν Μάρκελλον.

ὁ δὲ τοῦτο δείσασ μὴ ταραχὴν ἐκ δεισιδαιμονίασ τοῖσ Ῥωμαίοισ ἐνεργάσηται, ταχὺ περισπάσασ ἐφ’ ἡνίαν τῷ χαλινῷ καὶ περιστρέψασ τὸν ἵππον ἐναντίον τοῖσ πολεμίοισ, τὸν ἥλιον αὐτὸσ προσεκύνησεν, ὡσ δὴ μὴ κατὰ τύχην, ἀλλ’ ἕνεκα τούτου τῇ περιαγωγῇ χρησάμενοσ·

οὕτω γὰρ ἔθοσ ἐστὶ Ῥωμαίοισ προσκυνεῖν τοὺσ θεοὺσ περιστρεφομένοισ, καὶ αὐτὸν ἤδη προσμιγνύντα τοῖσ ἐναντίοισ προσεύξασθαι τῷ Φερετρίῳ Διῒ τὰ κάλλιστα τῶν παρὰ τοῖσ πολεμίοισ ὅπλων καθιερώσειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 6

(플루타르코스, Marcellus, chapter 6)

상위

목록

SEARCH

MENU NAVIGATION