Plutarch, Marcellus, chapter 14

(플루타르코스, Marcellus, chapter 14)

τότε δ’ ἐν Σικελίᾳ πρῶτον μὲν ἀδικηθεὶσ ὑπὸ Ἱπποκράτουσ στρατηγοῦ στρατηγοῦ, ὃσ Καρχηδονίοισ χαριζόμενοσ καὶ τυραννίδα κτώμενοσ αὑτῷ πολλοὺσ διέφθειρε Ῥωμαίων πρὸσ Λεοντίνοισ, εἷλε τὴν τῶν Λεοντίνων πόλιν κατὰ κράτοσ, καὶ Λεοντίνουσ μὲν οὐκ ἠδίκησε, τῶν δὲ αὐτομόλων ὅσουσ ἔλαβε μαστιγώσασ ἀπέκτεινε. τοῦ δ’ Ἱπποκράτουσ πρῶτον μὲν λόγον εἰσ τὰσ Συρακούσασ προπέμψαντοσ ὡσ Λεοντίνουσ ἡβηδὸν ἀποσφάττει Μάρκελλοσ, ἔπειτα δὲ τεταραγμένοισ ἐπιπεσόντοσ καὶ τὴν πόλιν καταλαβόντοσ, ἄρασ Μάρκελλοσ τῷ στρατῷ παντὶ πρὸσ τὰσ Συρακούσασ ἐχώρει.

καὶ καταστρατοπεδεύσασ πλησίον εἰσέπεμψε μὲν πρέσβεισ περὶ τῶν ἐν Λεοντίνοισ διδάξοντασ, ὡσ δὲ οὐδὲν ἦν ὄφελοσ μὴ πειθομένων Συρακουσίων ἐκράτουν γὰρ οἱ περὶ τὸν Ἱπποκράτην, προσβολὰσ ἐποιεῖτο κατὰ γῆν ἅμα καὶ κατὰ θάλατταν, Ἀππίου μὲν τὸν πεζὸν ἐπάγοντοσ στρατόν, αὐτὸσ δὲ πεντήρεισ ἔχων ἑξήκοντα παντοδαπῶν ὅπλων καὶ βελῶν πλήρεισ, ὑπὲρ δὲ μεγάλου ζεύγματοσ νεῶν ὀκτὼ πρὸσ ἀλλήλασ συνδεδεμένων μηχανὴν ἄρασ ἐπέπλει πρὸσ τὸ τεῖχοσ, τῷ πλήθει καὶ τῇ λαμπρότητι τῆσ παρασκευῆσ καὶ τῇ δόξῃ τῇ περὶ αὑτὸν πεποιθώσ· ἧσ ἄρα λόγοσ οὐδεὶσ ἦν Ἀρχιμήδει καὶ τοῖσ Ἀρχιμήδουσ μηχανήμασιν.

ὧν ὡσ μὲν ἔργον ἄξιον σπουδῆσ οὐδὲν ὁ ἀνὴρ προὔθετο, γεωμετρίασ δὲ παιζούσησ ἐγεγόνει πάρεργα τὰ πλεῖστα, πρότερον φιλοτιμηθέντοσ Ιἕρωνοσ τοῦ βασιλέωσ καὶ πείσαντοσ Ἀρχιμήδη τρέψαι τι τῆσ τέχνησ ἀπὸ τῶν νοητῶν ἐπὶ τὰ σωματικά καὶ τὸν λόγον ἁμῶσ γέ πωσ δι’ αἰσθήσεωσ μίξαντα ταῖσ χρείαισ ἐμφανέστερον καταστῆσαι τοῖσ πολλοῖσ.

τὴν γὰρ ἀγαπωμένην ταύτην καὶ περιβόητον ὀργανικὴν ἤρξαντο μὲν κινεῖν οἱ περὶ Εὔδοξον καὶ Ἀρχύταν, ποικίλλοντεσ τῷ γλαφυρῷ γεωμετρίαν, καὶ λογικῆσ καὶ γραμμικῆσ ἀποδείξεωσ οὐκ εὐποροῦντα προβλήματα δι’ αἰσθητῶν καὶ ὀργανικῶν παραδειγμάτων ὑπερείδοντεσ, ὡσ τὸ περὶ δύο μέσασ ἀνὰ λόγον πρόβλημα καὶ στοιχεῖον ἐπὶ πολ λὰ τῶν γραφομένων ἀναγκαῖον εἰσ ὀργανικὰσ ἐξῆγον ἀμφότεροι κατασκευάσ, μεσογράφουσ τινὰσ ἀπὸ καμπύλων γραμμῶν καὶ τμημάτων μεθαρμόζοντεσ·

ἐπεὶ δὲ Πλάτων ἠγανάκτησε καὶ διετείνατο πρὸσ αὐτούσ ὡσ ἀπολλύντασ καὶ διαφθείροντασ τὸ γεωμετρίασ ἀγαθόν, ἀπὸ τῶν ἀσωμάτων καὶ νοητῶν ἀποδιδρασκούσησ ἐπὶ τὰ αἰσθητά, καὶ προσχρωμένησ αὖθισ αὖ σώμασι πολλῆσ καὶ φορτικῆσ βαναυσουργίασ δεομένοισ, οὕτω διεκρίθη γεωμετρίασ ἐκπεσοῦσα μηχανική, καὶ περιορωμένη πολὺν χρόνον ὑπὸ φιλοσοφίασ μία τῶν στρατιωτίδων τεχνῶν ἐγεγόνει.

καὶ μέντοι καὶ Ἀρχιμήδησ, Ιἕρωνι τῷ βασιλεῖ συγγενὴσ ὢν καὶ φίλοσ, ἔγραψεν ὡσ τῇ δοθείσῃ δυνάμει τὸ δοθὲν βάροσ κινῆσαι δυνατόν ἐστι·

καὶ νεανιευσάμενοσ, ὥσ φασι, ῥώμῃ τῆσ ἀποδείξεωσ εἶπεν ὡσ, εἰ γῆν εἶχεν ἑτέραν, ἐκίνησεν ἂν ταύτην μεταβὰσ εἰσ ἐκείνην. θαυμάσαντοσ δὲ τοῦ Ιἕρωνοσ, καὶ δεηθέντοσ εἰσ ἔργον ἐξαγαγεῖν τὸ πρόβλημα καὶ δεῖξαί τι τῶν μεγάλων κινούμενον ὑπὸ σμικρᾶσ δυνάμεωσ, ὁλκάδα τριάρμενον τῶν βασιλικῶν πόνῳ μεγάλῳ καὶ χειρὶ πολλῇ νεωλκηθεῖσαν, ἐμβαλὼν ἀνθρώπουσ τε πολλοὺσ καὶ τὸν συνήθη φόρτον, αὐτὸσ ἄπωθεν καθήμενοσ, οὐ μετὰ σπουδῆσ, ἀλλὰ ἠρέμα τῇ χειρὶ σείων ἀρχήν τινα πολυσπάστου προσηγάγετο λείωσ καὶ ἀπταίστωσ καὶ ὥσπερ διὰ θαλάττησ ἐπιθέουσαν.

ἐκπλαγεὶσ οὖν ὁ βασιλεὺσ καὶ συννοήσασ τῆσ τέχνησ τὴν δύναμιν, ἔπεισε τὸν Ἀρχιμήδην ὅπωσ αὐτῷ τὰ μὲν ἀμυνομένῳ, τὰ δ’ ἐπιχειροῦντι μηχανήματα κατασκευάσῃ πρὸσ πᾶσαν ἰδέαν πολιορκίασ, οἷσ αὐτὸσ μὲν οὐκ ἐχρήσατο, τοῦ βίου τὸ πλεῖστον ἀπόλεμον καὶ πανηγυρικὸν βιώσασ, τότε δ’ ὑπῆρχε τοῖσ Συρακουσίοισ εἰσ δέον ἡ παρασκευή καὶ μετὰ τῆσ παρασκευῆσ ὁ δημιουργόσ.

일치하는 문장이 없습니다.

SEARCH

MENU NAVIGATION