Plutarch, Marcellus, chapter 28

(플루타르코스, Marcellus, chapter 28)

παραλαβὼν δὲ τὴν ἀρχήν πρῶτον μὲν ἐν Τυρρηνίᾳ μέγα κίνημα πρὸσ ἀπόστασιν ἔπαυσε καὶ κατεπράϋνεν ἐπελθὼν τὰσ πόλεισ· ἔπειτα ναὸν ἐκ τῶν Σικελικῶν λαφύρων ᾠκοδομημένον ὑπ’ αὐτοῦ Δόξησ καὶ Ἀρετῆσ καθιερῶσαι βουλόμενοσ, καὶ κωλυθεὶσ ὑπὸ τῶν ἱερέων οὐκ ἀξιούντων ἑνὶ ναῷ δύο θεοὺσ περιέχεσθαι, πάλιν ἤρξατο προσοικοδομεῖν ἕτερον, οὐ ῥᾳδίωσ φέρων τὴν γεγενημένην ἀντίκρουσιν, ἀλλ’ ὥσπερ οἰωνιζόμενοσ, καὶ γὰρ ἄλλα πολλὰ σημεῖα διετάραττεν αὐτόν, ἱερῶν τινων κεραυνώσεισ καὶ μύεσ τὸν ἐν Διὸσ χρυσὸν διαφαγόντεσ ἐλέχθη δὲ καὶ βοῦν ἀνθρώπου φωνὴν ἀφεῖναι καὶ παιδίον ἔχον κεφαλὴν ἐλέφαντοσ γενέσθαι· καὶ περὶ τὰσ ἐκθύσεισ καὶ ἀποτροπὰσ δυσιεροῦντεσ οἱ μάντεισ κατεῖχον αὐτὸν ἐν Ῥώμῃ σπαργῶντα καὶ φλεγόμενον.

οὐδεὶσ γὰρ ἔρωτα τοσοῦτον ἠράσθη πράγματοσ οὐδενόσ ὅσον οὗτοσ ὁ ἀνὴρ τοῦ μάχῃ κριθῆναι πρὸσ Ἀννίβαν. τοῦτο καὶ νύκτωρ ὄνειρον ἦν αὐτῷ καὶ μετὰ φίλων καὶ συναρχόντων ἓν βούλευμα καὶ μία πρὸσ θεοὺσ φωνή, παραταττόμενον Ἀννίβαν λαβεῖν, ἥδιστα δ’ ἄν μοι δοκεῖ τείχουσ ἑνὸσ ἤ τινοσ χάρακοσ ἀμφοτέροισ τοῖσ στρατεύμασι περιτεθέντοσ διαγωνίσασθαι, καὶ εἰ μὴ πολλῆσ μὲν ἤδη μεστὸσ ὑπῆρχε δόξησ, πολλὴν δὲ πεῖραν παρεσχήκει τοῦ παρ’ ὁντινοῦν τῶν στρατηγῶν ἐμβριθὴσ γεγονέναι καὶ φρόνιμοσ, εἶπον ἂν ὅτι μειρακιῶδεσ αὐτῷ προσπεπτώκει καὶ φιλοτιμότερον πάθοσ ἢ κατὰ πρεσβύτην τοσοῦτον·

ὑπὲρ γὰρ ἑξήκοντα γεγονὼσ ἔτη τὸ πέμπτον ὑπάτευεν.

일치하는 문장이 없습니다.

SEARCH

MENU NAVIGATION