헬라어 문장 검색 - Πλυταρ́Μαρξελλ́19́

(플루타르코스, Marcellus, chapter 19)

καὶ τούτων ἐχομένων ἅμα φάει διὰ τῶν Ἑξαπύλων ὁ Μάρκελλοσ κατῄει, μακαριζόμενοσ ὑπὸ τῶν ὑφ’ ἑαυτὸν ἡγεμόνων. αὐτόσ μέντοι λέγεται κατιδὼν ἄνωθεν καὶ περισκεψάμενοσ τῆσ πόλεωσ τὸ μέγεθοσ καὶ τὸ κάλλοσ ἐπὶ πολὺ δακρῦσαι τῷ μέλλοντι γίνεσθαι συμπαθήσασ, ἐννοήσασ οἱο͂ν ἐξ οἱού σχῆμα καὶ μορφὴν ἀμείψει μετὰ μικρόν ὑπὸ τοῦ στρατοπέδου διαφορηθεῖσα. τῶν γὰρ ἡγεμόνων οὐδεὶσ μὲν ἦν ὁ τολμῶν ἐναντιοῦσθαι τοῖσ στρατιώταισ αἰτουμένοισ δι’ ἁρπαγῆσ ὠφεληθῆναι, πολλοὶ δὲ καὶ πυρπολεῖν καὶ κατασκάπτειν ἐκέλευον.

ἀλλὰ τοῦτον μὲν οὐδὲ ὅλωσ προσήκατο τὸν λόγον ὁ Μάρκελλοσ, μάλα δὲ ἄκων βιασθεὶσ ἔδωκεν ἀπὸ χρημάτων καὶ ἀνδραπόδων ὠφελεῖσθαι, τῶν δὲ ἐλευθέρων σωμάτων ἀπεῖπεν ἅψασθαι, καὶ διεκελεύσατο μήτε ἀποκτεῖναί τινα μήτε αἰσχῦναι μήτε ἀνδραποδίσασθαι Συρακουσίων. οὐ μὴν ἀλλὰ καίπερ οὕτω μετριάσαι δόξασ οἰκτρὰ πάσχειν ἡγεῖτο τήν πόλιν, καὶ τὸ συμπαθοῦν καὶ τὸ συναλγοῦν ὅμωσ ἐν τοσούτῳ μεγέθει χαρᾶσ ἡ ψυχὴ διέφαινεν ὁρῶντοσ ἐν βραχεῖ χρόνῳ πολλῆσ καὶ λαμπρᾶσ ἀφανισμὸν εὐδαιμονίασ, λέγεται γὰρ οὐκ ἐλάττονα τοῦτον ἢ τὸν ὕστερον ἀπὸ Καρχηδόνοσ διαφορηθέντα πλοῦτον γενέσθαι·

καὶ γὰρ τήν ἄλλην πόλιν οὐ μετὰ πολὺν χρόνον ἁλοῦσαν ἐκ προδοσίασ ἐβιάσαντο διαρπάσαι, πλὴν τῶν βασιλικῶν χρημάτων· ταῦτα δὲ εἰσ τὸ δημόσιον ἐξῃρέθη. μάλιστα δὲ τὸ Ἀρχιμήδουσ πάθοσ ἠνίασε Μάρκελλον.

ἔτυχε μὲν γὰρ αὐτόσ τι καθ’ ἑαυτὸν ἀνασκοπῶν ἐπὶ διαγράμματοσ· καὶ τῇ θεωρίᾳ δεδωκὼσ ἅμα τήν τε διάνοιαν καὶ τήν πρόσοψιν οὐ προῄσθετο τήν καταδρομὴν τῶν Ῥωμαίων οὐδὲ τήν ἅλωσιν τῆσ πόλεωσ, ἄφνω δὲ ἐπιστάντοσ αὐτῷ στρατιώτου καὶ κελεύοντοσ ἀκολουθεῖν πρὸσ Μάρκελλον οὐκ ἐβούλετο πρὶν ἢ τελέσαι τὸ πρόβλημα καὶ καταστῆσαι πρὸσ τήν ἀπόδειξιν. ὁ δὲ ὀργισθεὶσ καὶ σπασάμενοσ τὸ ξίφοσ ἀνεῖλεν αὐτόν.

ἕτεροι μὲν οὖν λέγουσιν ἐπιστῆναι μὲν εὐθὺσ ὡσ ἀποκτενοῦντα ξιφήρη τὸν Ῥωμαῖον, ἐκεῖνον δ’ ἰδόντα δεῖσθαι καὶ ἀντιβολεῖν ἀναμεῖναι βραχὺν χρόνον, ὡσ μὴ καταλίπῃ τὸ ζητούμενον ἀτελὲσ καὶ ἀθεώρητον, τὸν δὲ οὐ φροντίσαντα διαχρήσασθαι. καὶ τρίτοσ ἐστὶ λόγοσ, ὡσ κομίζοντι πρὸσ Μάρκελλον αὐτῷ τῶν μαθηματικῶν ὀργάνων σκιόθηρα καὶ σφαίρασ καὶ γωνίασ, αἷσ ἐναρμόττει τὸ τοῦ ἡλίου μέγεθοσ πρὸσ τήν ὄψιν, στρατιῶται περιτυχόντεσ καὶ χρυσίον ἐν τῷ τεύχει δόξαντεσ φέρειν ἀπέκτειναν.

ὅτι μέντοι Μάρκελλοσ ἤλγησε καὶ τὸν αὐτόχειρα τοῦ ἀνδρὸσ ἀπεστράφη καθάπερ ἐναγῆ, τοὺσ δὲ οἰκείουσ ἀνευρὼν ἐτίμησεν, ὁμολογεῖται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 19

(플루타르코스, Marcellus, chapter 19)

상위

목록

SEARCH

MENU NAVIGATION