헬라어 문장 검색 - Πλυταρ́Μαρξελλ́05́

(플루타르코스, Marcellus, chapter 5)

Τιβέριοσ οὖν Σεμπρώνιοσ, ἀνὴρ δι’ ἀνδρείαν καὶ καλοκαγαθίαν οὐδενὸσ ἧττον ἀγαπηθεὶσ ὑπὸ Ῥωμαίων, ἀπέδειξε μὲν ὑπατεύων διαδόχουσ Σκηπίωνα Νασικᾶν καὶ Γάϊον Μάρκιον, ἤδη δὲ ἐχόντων αὐτῶν ἐπαρχίασ καὶ στρατεύματα, ἱερατικοῖσ ὑπομνήμασιν ἐντυχὼν εὑρ͂εν ἠγνοημένον ὑφ’ αὑτοῦ τι τῶν πατρίων, ἦν δὲ τοιοῦτον· ὅταν ἄρχων ἐπ’ ὄρνισι καθεζόμενοσ ἔξω πόλεωσ οἶκον ἢ σκηνὴν μεμισθωμένοσ ὑπ’ αἰτίασ τινὸσ ἀναγκασθῇ μήπω γεγονότων σημείων βεβαίων ἐπανελθεῖν εἰσ πόλιν, ἀφεῖναι χρῆν τὸ προμεμισθωμένον οἴκημα καὶ λαβεῖν ἕτερον, ἐξ οὗ ποιήσεται τὴν θέαν αὖθισ ἐξ ὑπαρχῆσ, τοῦτο ἔλαθεν, ὡσ ἐοίκε, τὸν Τιβέριον, καὶ δὶσ τῷ αὐτῷ χρησάμενοσ ἀπέδειξε τοὺσ εἰρημένουσ ἄνδρασ ὑπάτουσ.

ὕστερον δὲ γνοὺσ τὴν ἁμαρτίαν ἀνήνεγκε πρὸσ τὴν σύγκλητον. ἡ δὲ οὐ κατεφρόνησε τοῦ κατὰ μικρὸν οὕτωσ ἐλλείμματοσ, ἀλλ’ ἔγραψε τοῖσ ἀνδράσι·

καὶ ἐκεῖνοι τὰσ ἐπαρχίασ ἀπολιπόντεσ ἐπανῆλθον εἰσ Ῥώμην ταχὺ καὶ κατέθεντο τὴν ἀρχήν. ἀλλὰ ταῦτα μὲν ὕστερον ἐπράχθη· περὶ δὲ τοὺσ αὐτοὺσ ἐκείνουσ χρόνουσ καὶ δύο ἱερεῖσ ἐπιφανέστατοι τὰσ ἱερωσύνασ ἀφῃρέθησαν, Κορνήλιοσ μὲν Κέθηγοσ ὅτι τὰ σπλάγχνα τοῦ ἱερείου παρὰ τάξιν ἐπέδωκε, Κούϊντοσ δὲ Σουλπίκιοσ ἐπὶ τῷ θύοντοσ αὐτοῦ τὸν κορυφαῖον ἀπορρυῆναι τῆσ κεφαλῆσ πῖλον, ὃν οἱ καλούμενοι φλαμίνιοι φοροῦσι. Μινουκίου δὲ δικτάτοροσ ἵππαρχον ἀποδείξαντοσ Γάϊον Φλαμίνιον, ἐπεὶ τρισμὸσ ἠκούσθη μυὸσ ὃν σόρικα καλοῦσιν, ἀποψηφισάμενοι τούτουσ αὖθισ ἑτέρουσ κατέστησαν, καὶ τὴν ἐν οὕτω μικροῖσ ἀκρίβειαν φυλάττοντεσ οὐδεμιᾷ προσεμίγνυσαν δεισιδαιμονίᾳ, τῷ μηδὲν ἀλλάττειν μηδὲ παρεκβαίνειν τῶν πατρίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 5

(플루타르코스, Marcellus, chapter 5)

상위

목록

SEARCH

MENU NAVIGATION