Plutarch, Galba, chapter 25 2:

οἱ δὲ παρόντεσ οὐκ εἰών, ἀλλὰ τοῖσ ξίφεσι γυμνοῖσ περιϊόντεσ αὐτοῦ τὸ φορεῖον ἐκέλευον αἴρεσθαι, παραφθεγγομένου πολλάκισ ἀπολωλέναι καὶ τοὺσ φορειαφόρουσ ἐπιταχύνοντοσ. ἐξήκουον γὰρ ἔνιοι θαυμάζοντεσ μᾶλλον ἢ ταραττόμενοι διὰ τὴν ὀλιγότητα τῶν ἀποτετολμημένων, φερομένῳ δὲ οὕτω δι’ ἀγορᾶσ ἀπήντησαν ἕτεροι τοσοῦτοι, καὶ πάλιν κατὰ τρεῖσ καὶ τέτταρασ ἄλλοι προσεπέλαζον.