헬라어 문장 검색 - Πλυταρ́Γαλβά01́

(플루타르코스, Galba, chapter 1)

ὁ μὲν Ἀθηναῖοσ Ἰφικράτησ τὸν μισθοφόρον ἠξίου στρατιώτην καὶ φιλόπλουτον εἶναι καὶ φιλήδονον, ὅπωσ ταῖσ ἐπιθυμίαισ χορηγίαν ἐπιζητῶν ἀγωνίζηται παραβολώτερον, οἱ δὲ πλεῖστοι, καθάπερ ἐρρωμένον σῶμα, τὸ στρατιωτικὸν ἀξιοῦσιν ἰδίᾳ μηδέποτε χρώμενον ὁρμῇ συγκινεῖσθαι τῇ τοῦ στρατηγοῦ. διὸ καὶ Παῦλον Αἰμίλιον λέγουσι τὴν ἐν Μακεδονίᾳ δύναμιν παραλαβόντα λαλιᾶσ καὶ περιεργίασ, οἱο͂ν διαστρατηγοῦσαν, ἀνάπλεων, παρεγγυῆσαι τὴν χεῖρα ποιεῖν ἑτοίμην καὶ τὴν μάχαιραν ὀξεῖαν ἕκαστον, αὐτῷ δὲ τῶν ἄλλων μελήσειν.

ὁ δὲ Πλάτων οὐδὲν ἔργον ὁρῶν ἄρχοντοσ ἀγαθοῦ καὶ στρατηγοῦ στρατιᾶσ μὴ σωφρονούσησ μηδὲ ὁμοπαθούσησ, ἀλλὰ τὴν πειθαρχικὴν ἀρετὴν ὁμοίωσ τῇ βασιλικῇ νομίζων φύσεωσ γενναίασ καὶ τροφῆσ φιλοσόφου δεῖσθαι, μάλιστα τῷ πρᾴῳ καὶ φιλανθρώπῳ τὸ θυμοειδὲσ καὶ δραστήριον ἐμμελῶσ ἀνακεραννυμένησ, ἄλλα τε πάθη πολλὰ καὶ τὰ Ῥωμαίοισ συμπεσόντα μετὰ τὴν Νέρωνοσ τελευτὴν ἔχει μαρτύρια καὶ παραδείγματα τοῦ μηδὲν εἶναι φοβερώτερον ἀπαιδεύτοισ χρωμένησ καὶ ἀλόγοισ ὁρμαῖσ ἐν ἡγεμονίᾳ στρατιωτικῆσ δυνάμεωσ.

Δημάδησ μὲν γὰρ Ἀλεξάνδρου τελευτήσαντοσ εἴκαζε τὴν Μακεδόνων στρατιὰν ἐκτετυφλωμένῳ τῷ Κύκλωπι, πολλὰσ κινουμένην ὁρῶν κινήσεισ ἀτάκτουσ καὶ παραφόρουσ·

τὴν δὲ Ῥωμαίων ἡγεμονίαν ὅμοια τοῖσ λεγομένοισ Τιτανικοῖσ πάθεσι καὶ κινήμασι κατελάμβανεν, εἰσ πολλὰ διασπωμένην ἅμα καὶ πολλαχόθεν αὖθισ ἑαυτῇ συμπίπτουσαν, οὐχ οὕτωσ ὑπὸ φιλαρχίασ τῶν ἀναγορευομένων αὐτοκρατόρων, ὡσ φιλοπλουτίασ καὶ ἀκολασίασ τὸν στρατιωτικοῦ δι’ ἀλλήλων ὥσπερ ἥλουσ τοὺσ ἡγεμόνασ ἐκκρούοντοσ. καίτοι Διονύσιοσ Φεραῖον ἄρξαντα Θετταλῶν δέκα μῆνασ, εἶτα εὐθὺσ ἀναιρεθέντα, τὸν τραγικὸν ἀνεκάλει τύραννον, ἐπισκώπτων τὸ τάχοσ τῆσ μεταβολῆσ, ἡ δὲ τῶν Καισάρων ἑστία, τὸ Παλάτιον, ἐν ἐλάσσονι χρόνῳ τέσσαρασ αὐτοκράτορασ ὑπεδέξατο, τὸν μὲν εἰσαγόντων ὥσπερ διὰ σκηνῆσ, τὸν δ’ ἐξαγόντων.

ἀλλ’ ἦν γε παραμυθία τοῖσ κακῶσ πάσχουσι μία τὸ μὴ δεηθῆναι δίκησ ἑτέρασ ἐπὶ τοὺσ αἰτίουσ, ἀλλ’ ὁρᾶν αὐτοὺσ ὑφ’ ἑαυτῶν φονευομένουσ, πρῶτον δε καὶ δικαιότατα πάντων τὸν δελεάσαντα καὶ διδάξαντα τοσοῦτον ἐλπίζειν ἐπὶ μεταβολῇ Καίσαροσ ὅσον αὐτὸσ ὑπέσχετο, κάλλιστον ἔργον διαβαλὼν τῷ μισθῷ, τὴν ἀπὸ Νέρωνοσ ἀποστασίαν προδοσίαν γενομένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Galba, chapter 1

(플루타르코스, Galba, chapter 1)

상위

목록

SEARCH

MENU NAVIGATION