헬라어 문장 검색 - Πλυταρ́Αγεσιλά07́

(플루타르코스, Agesilaus, chapter 7)

ἐπεὶ δὲ ἧκεν εἰσ Ἔφεσον, εὐθὺσ ἀξίωμα μέγα καὶ δύναμισ ἦν ἐπαχθὴσ καὶ βαρεῖα περὶ τὸν Λύσανδρον, ὄχλου φοιτῶντοσ ἐπὶ τὰσ θύρασ ἑκάστοτε καὶ πάντων παρακολουθούντων καὶ θεραπευόντων ἐκεῖνον, ὡσ ὄνομα μὲν καὶ σχῆμα τῆσ στρατηγίασ τὸν Ἀγησίλαον ἔχοντα, διὰ τὸν νόμον, ἔργῳ δὲ κύριον ὄντα ἁπάντων καὶ δυνάμενον καὶ πράττοντα πάντα τὸν Λύσανδρον. οὐδεὶσ γὰρ δεινότεροσ οὐδὲ φοβερώτεροσ ἐκείνου τῶν εἰσ τὴν Ἀσίαν ἀποσταλέντων ἐγένετο στρατηγῶν, οὐδὲ μείζονα τοὺσ φίλουσ ἀνὴρ ἄλλοσ εὐεργέτησεν οὐδὲ κακὰ τηλικαῦτα τοὺσ ἐχθροὺσ ἐποίησεν.

ὧν ἔτι προσφάτων ὄντων οἱ ἄνθρωποι μνημονεύοντεσ, ἄλλωσ δὲ τὸν μὲν Ἀγησίλαον ἀφελῆ καὶ λιτὸν ἐν ταῖσ ὁμιλίαισ καὶ δημοτικὸν ὁρῶντεσ, ἐκείνῳ δὲ τὴν αὐτὴν ὁμοίωσ σφοδρότητα καὶ τραχύτητα καὶ βραχυλογίαν παροῦσαν, ὑπέπιπτον αὐτῷ παντάπασι καὶ μόνῳ προσεῖχον. ἐκ δὲ τούτου πρῶτον μὲν οἱ λοιποὶ Σπαρτιᾶται χαλεπῶσ ἔφερον ὑπηρέται Λυσάνδρου μᾶλλον ἢ σύμβουλοι βασιλέωσ ὄντεσ ἔπειτα δ’ αὐτὸσ ὁ Ἀγησίλαοσ, εἰ καὶ μὴ φθονερὸσ ἦν μηδὲ ἤχθετο τοῖσ τιμωμένοισ, ἀλλὰ φιλότιμοσ ὢν σφόδρα καὶ φιλόνεικοσ, ἐφοβεῖτο μή, κἂν ἐνέγκωσί τι λαμπρὸν αἱ πράξεισ, τοῦτο Λυσάνδρου γένηται διὰ τὴν δόξαν.

οὕτωσ οὖν ἐποίει. πρῶτον ἀντέκρουε ταῖσ συμβουλίαισ αὐτοῦ, καὶ πρὸσ ἃσ ἐκεῖνοσ ἐσπουδάκει μάλιστα πράξεισ ἐῶν χαίρειν καὶ παραμελῶν, ἕτερα πρὸ ἐκείνων ἔπραττεν ἔπειτα τῶν ἐντυγχανόντων καὶ δεομένων οὓσ αἴσθοιτο Λυσάνδρῳ μάλιστα πεποιθότασ, ἀπράκτουσ ἀπέπεμπε·

καὶ περὶ τὰσ κρίσεισ ὁμοίωσ οἷσ ἐκεῖνοσ ἐπηρεάζοι, τούτουσ ἔδει πλέον ἔχοντασ ἀπελθεῖν, καὶ τοὐναντίον οὓσ φανερὸσ γένοιτο προθυμούμενοσ ὠφελεῖν, χαλεπὸν ἦν μὴ καὶ ζημιωθῆναι. γινομένων δὲ τούτων οὐ κατὰ.

τύχην, ἀλλ’ οἱο͂ν ἐκ παρασκευῆσ καὶ ὁμαλῶσ, αἰσθόμενοσ τὴν αἰτίαν ὁ Λύσανδροσ οὐκ ἀπεκρύπτετο πρὸσ τοὺσ φίλουσ, ἀλλ’ ἔλεγεν ὡσ δι’ αὐτὸν ἀτιμάζοιντο, καὶ παρεκάλει θεραπεύειν ἰόντασ τὸν βασιλέα καὶ τοὺσ μᾶλλον αὐτοῦ δυναμένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 7

(플루타르코스, Agesilaus, chapter 7)

상위

목록

SEARCH

MENU NAVIGATION