헬라어 문장 검색 - Πλυταρ́Αγεσιλά15́

(플루타르코스, Agesilaus, chapter 15)

κινουμένησ δὲ τ̣ ῆσ; Ἀσίασ καὶ πολλαχοῦ πρὸσ ἀπόστασιν ὑπεικούσησ, ἁρμοσάμενοσ τὰσ αὐτόθι πόλεισ, καὶ ταῖσ πολιτείαισ δίχα φόνου καὶ φυγῆσ ἀνθρώπων ἀποδοὺσ τὸν προσήκοντα κόσμον, ἐγνώκει πρόσω χωρεῖν, καὶ τὸν πόλεμον διάρασ ἀπὸ τῆσ Ἑλληνικῆσ θαλάττησ, περὶ τὸν σώματοσ βασιλεῖ καὶ τῆσ ἐν Ἐκβατάνοισ καὶ Σούσοισ εὐδαιμονίασ διαμάχεσθαι, καὶ περισπάσαι πρῶτον αὐτοῦ τὴν σχολήν, ὡσ μὴ καθέζοιτο τοὺσ πολέμουσ βραβεύων τοῖσ Ἕλλησι καὶ διαφθείρων τοὺσ δημαγωγούσ, ἐν τούτῳ δὲ ἀφικνεῖται πρὸσ αὐτὸν Ἐπικυδίδασ ὁ Σπαρτιάτησ, ἀπαγγέλλων ὅτι πολὺσ περιέστηκε τὴν Σπάρτην πόλεμοσ Ἑλληνικόσ, καὶ καλοῦσιν ἐκεῖνον οἱ ἔφοροι καὶ κελεύουσι τοῖσ οἴκοι βοηθεῖν. ὦ βάρβαρ’ ἐξευρόντεσ Ἕλληνεσ κακά· τί γὰρ ἄν τισ ἄλλο τὸν φθόνον ἐκεῖνον προσείποι καὶ τὴν τότε σύστασιν καὶ σύνταξιν ἐφ’ ἑαυτοὺσ τῶν Ἑλλήνων;

οὐ γὰρ ἔγωγε συμφέρομαι τῷ Κορινθίῳ Δημαράτῳ μεγάλησ ἡδονῆσ ἀπολελεῖφθαι φήσαντι τοὺσ μὴ θεασαμένουσ Ἕλληνασ Ἀλέξανδρον ἐν τῷ Δαρείου θρόνῳ καθήμενον, ἀλλ’ εἰκότωσ ἄν οἶμαι δακρῦσαι, συννοήσαντασ ὅτι ταῦτἈλεξάνδρῳ καὶ Μακεδόσιν ἀπέλιπον οἳ τότε τοὺσ τῶν Ἑλλήνων στρατηγοὺσ περὶ Λεῦκτρα καὶ Κορώνειαν καὶ Κόρινθον καὶ Ἀρκαδίαν κατανήλωσαν.

Ἀγησιλάῳ μέντοι οὐδὲν κρεῖσσον ἢ μεῖζόν ἐστι τῆσ ἀναχωρήσεωσ ἐκείνησ διαπεπραγμένον, οὐδὲ γέγονε παράδειγμα πειθαρχίασ καὶ δικαιοσύνησ ἕτερον κάλλιον.

ὅπου γὰρ Ἀννίβασ ἤδη κακῶσ πράττων καὶ περιωθούμενοσ ἐκ τῆσ Ἰταλίασ μάλα μόλισ ὑπήκουσε τοῖσ ἐπὶ τὸν οἴκοι πόλεμον καλοῦσιν, Ἀλέξανδροσ δὲ καὶ προσεπέσκωψε πυθόμενοσ τὴν πρὸσ Ἆγιν Ἀντιπάτρου μάχην, εἰπών· "ἐοίκεν, ὦ ἄνδρεσ, ὅτε Δαρεῖον ἡμεῖσ ἐνικῶμεν μὲν ἐνταῦθα, ἐκεῖ τισ ἐν Ἀρκαδίᾳ γεγονέναι μυομαχία" πῶσ οὐκ ἦν ἄξιον τὴν Σπάρτην μακαρίσαι τῆσ Ἀγησιλάου τιμῆσ πρὸσ ταύτην καὶ πρὸσ τοὺσ νόμουσ τῆσ εὐλαβείασ; πολὺν ἑαυτοῦ πόθον τοῖσ συμμάχοισ ἀπολιπών, καὶ μάλιστα δὴ τὸν Ἐρασιστράτου τοῦ Φαίακοσ ἐλέγξασ λόγον, εἰπόντοσ ὡσ εἰσὶ δημοσίᾳ μὲν Λακεδαιμόνιοι βελτίονεσ, ἰδίᾳ δὲ Ἀθηναῖοι.

βασιλέα γὰρ ἑαυτὸν καὶ στρατηγὸν ἄριστον ἐπιδειξάμενοσ, ἔτι βελτίονα καὶ ἡδίονα τοῖσ χρωμένοισ ἰδίᾳ φίλον καὶ συνήθη παρέσχε, τοῦ δὲ Περσικοῦ νομίσματοσ χάραγμα τοξότην ἔχοντοσ, ἀναζευγνύων ἔφη μυρίοισ τοξόταισ ὑπὸ βασιλέωσ ἐξελαύνεσθαι τῆσ Ἀσίασ·

τοσούτων γὰρ εἰσ Ἀθήνασ καὶ Θήβασ κομισθέντων καὶ διαδοθέντων τοῖσ δημαγωγοῖσ, ἐξεπολεμώθησαν οἱ δῆμοι πρὸσ τοὺσ Σπαρτιάτασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 15

(플루타르코스, Agesilaus, chapter 15)

상위

목록

SEARCH

MENU NAVIGATION