헬라어 문장 검색 - Πλυταρ́Αγεσιλά36́

(플루타르코스, Agesilaus, chapter 36)

ἔτι δὲ μᾶλλον ἠδόξησε Τάχῳ τῷ Αἰγυπτίῳ στρατηγὸν ἐπιδοὺσ ἑαυτόν· οὐ γὰρ ἠξίουν ἄνδρα τῆσ Ἑλλάδοσ ἄριστον κεκριμένον καὶ δόξησ ἐμπεπληκότα τὴν οἰκουμένην, ἀποστάτῃ βασιλέωσ, ἀνθρώπῳ βαρβάρῳ, χρῆσαι τὸ σῶμα καὶ τοὔνομα καὶ τὴν δόξαν ἀποδόσθαι χρημάτων, ἔργα μισθοφόρου καὶ ξεναγοῦ διαπραττόμενον. κεἰ γὰρ ὑπὲρ ὀγδοήκοντα γεγονὼσ ἔτη καὶ πᾶν ὑπὸ τραυμάτων τὸ σῶμα κατακεκομμένοσ ἐκείνην αὖθισ ἀνεδέξατο τὴν καλὴν καὶ περίβλεπτον ἡγεμονίαν ὑπὲρ τῆσ τῶν Ἑλλήνων ἐλευθερίασ, οὐ πάμπαν ἄμεμπτον εἶναι τὴν φιλοτιμίαν·

τοῦ γὰρ καλοῦ καιρὸν οἰκεῖον εἶναι καὶ ὡρ́αν, μᾶλλον δὲ ὅλωσ τὰ καλὰ τῶν αἰσχρῶν τῷ μετρίῳ διαφέρειν. οὐ μὴν ἐφρόντιζε τούτων ὁ Ἀγησίλαοσ, οὐδὲ ᾤετο παρ’ ἀξίαν εἶναι λειτούργημα δημόσιον οὐδέν, ἀλλὰ μᾶλλον ἀνάξιον ἑαυτοῦ τὸ ζῆν ἄπρακτον ἐν τῇ πόλει καὶ καθῆσθαι περιμένοντα τὸν θάνατον, ὅθεν ἀθροίσασ μισθοφόρουσ ἀφ’ ὧν ὁ Τάχωσ αὐτῷ χρημάτων ἔπεμψε, καὶ πλοῖα πληρώσασ, ἀνήχθη, τριάκοντα συμβούλουσ ἔχων μεθ’ ἑαυτοῦ Σπαρτιάτασ, ὡσ πρότερον.

ἐπεὶ δὲ κατέπλευσεν εἰσ τὴν Αἴγυπτον, εὐθὺσ οἱ πρῶτοι τῶν βασιλικῶν ἡγεμόνων καὶ διοικητῶν ἐβάδιζον ἐπὶ ναῦν θεραπεύοντεσ αὐτόν, ἦν δὲ καὶ τῶν ἄλλων Αἰγυπτίων σπουδή τε μεγάλη καὶ προσδοκία διὰ τοὔνομα καὶ τὴν δόξαν τοῦ Ἀγησιλάου, καὶ συνετρόχαζον ἅπαντεσ ἐπὶ τὴν θέαν.

ὡσ δὲ ἑώρων λαμπρότητα μὲν καὶ κατασκευὴν οὐδεμίαν, ἄνθρωπον δὲ πρεσβύτην κατακείμενον ἔν τινι πόᾳ παρὰ τὴν θάλασσαν, εὐτελῆ καὶ μικρὸν τὸ σῶμα, τραχὺ καὶ φαῦλον ἱμάτιον ἀμπεχόμενον, σκώπτειν αὐτοῖσ καὶ γελωτοποιεῖν ἐπῄει, καὶ λέγειν ὅτι τοῦτο ἦν τὸ μυθολογούμενον ὠδίνειν ὄροσ, εἶτα μῦν ἀποτεκεῖν.

ἔτι δὲ μᾶλλον αὐτὸν τὴν ἀτοπίαν ἐθαύμασαν, ὅτε ξενίων προσκομισθέντων καὶ προσαχθέντων ἄλευρα μὲν καὶ μόσχουσ καὶ χῆνασ ἔλαβε, τραγήματα δὲ καὶ πέμματα καὶ μύρα διωθεῖτο, καὶ βιαζομένων λαβεῖν καὶ λιπαρούντων ἐκέλευσε τοῖσ εἵλωσι διδόναι κομίζοντασ.

τῇ μέντοι στεφανωτρίδι βύβλῳ φησὶν αὐτὸν ἡσθέντα Θεόφραστοσ διὰ τὴν λιτότητα καὶ καθαριότητα τῶν στεφάνων αἰτήσασθαι καὶ λαβεῖν, ὅτε ἀπέπλει, παρὰ τοῦ βασιλέωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 36

(플루타르코스, Agesilaus, chapter 36)

상위

목록

SEARCH

MENU NAVIGATION