헬라어 문장 검색 - Πλυταρ́Αγεσιλά03́

(플루타르코스, Agesilaus, chapter 3)

βασιλεύοντοσ δὲ Ἄγιδοσ ἧκεν Ἀλκιβιάδησ ἐκ Σικελίασ φυγὰσ εἰσ Λακεδαίμονα· καὶ χρόνον οὔπω πολὺν ἐν τῇ πόλει διάγων, αἰ,τίαν ἔσχε τῇ γυναικὶ τὸν βασιλέωσ, Τιμαίᾳ, συνεῖναι. καὶ τὸ γεννηθὲν ἐξ αὐτῆσ παιδάριον οὐκ ἔφη γινώσκειν ὁ Ἆγισ, ἀλλ’ ἐξ Ἀλκιβιάδου γεγονέναι. τοῦτο δὲ οὐ πάνυ δυσκόλωσ τὴν Τιμαίαν ἐνεγκεῖν φησι Δοῦρισ, ἀλλὰ καὶ ψιθυρίζουσαν οἴκοι πρὸσ τὰσ εἱλωτίδασ Ἀλκιβιάδην τὸ παιδίον, οὐ Λεωτυχίδην, καλεῖν καὶ μέντοι καὶ τὸν Ἀλκιβιάδην αὐτὸν οὐ πρὸσ ὕβριν τῇ Τιμαίᾳ φάναι πλησιάζειν, ἀλλὰ φιλοτιμούμενον βασιλεύεσθαι Σπαρτιάτασ ὑπὸ τῶν ἐξ ἑαυτοῦ γεγονότων. διὰ ταῦτα μὲν τῆσ Λακεδαίμονοσ Ἀλκιβιάδησ ὑπεξῆλθε, φοβηθεὶσ τὸν Ἆγιν ὁ δὲ παῖσ τὸν μὲν ἄλλον χρόνον ὕποπτοσ ἦν τῷ Ἄγιδι, καὶ γνησίου τιμὴν οὐκ εἶχε παρ’ αὐτῷ, νοσοῦντι δὲ προσπεσὼν καὶ δακρύων ἔπεισεν υἱὸν ἀποφῆναι πολλῶν ἐναντίον.

οὐ μὴν ἀλλὰ τελευτήσαντοσ τοῦ Ἄγιδοσ ὁ Λύσανδροσ, ἤδη κατανεναυμαχηκὼσ Ἀθηναίουσ καὶ μέγιστον ἐν Σπάρτῃ δυνάμενοσ, τὸν Ἀγησίλαον ἐπὶ τὴν βασιλείαν προῆγεν, ὡσ οὐ προσήκουσαν ὄντι νόθῳ τῷ Λεωτυχίδῃ.

πολλοὶ δὲ καὶ τῶν ἄλλων πολιτῶν, διὰ τὴν ἀρετὴν τοῦ Ἀγησιλάου καὶ τὸ συντετράφθαι καὶ μετεσχηκέναι τῆσ ἀγωγῆσ, ἐφιλοτιμοῦντο καὶ συνέπραττον αὐτῷ προθύμωσ. ἦν δὲ Διοπείθησ ἀνὴρ χρησμολόγοσ ἐν Σπάρτῃ, μαντειῶν τε παλαιῶν ὑπόπλεωσ καὶ δοκῶν περὶ τὰ θεῖα σοφὸσ εἶναι καὶ περιττόσ. οὗτοσ οὐκ ἔφη θεμιτὸν εἶναι χωλὸν γενέσθαι τῆσ Λακεδαίμονοσ βασιλέα, καὶ χρησμὸν ἐν τῇ δίκῃ;

τοιοῦτον ἀνεγίνωσκε· φράζεο δή, Σπάρτη, καίπερ μεγάλαυχοσ ἐοῦσα, μὴ σέθεν ἀρτίποδοσ βλάστῃ χωλὴ βασιλεία δηρὸν γὰρ νοῦσοί σε κατασχήσουσιν ἀέλπτοι φθισιβρότου τ’ ἐπὶ κῦμα κυλινδόμενον πολέμοιο. πρὸσ ταῦτα Λύσανδροσ ἔλεγεν ὡσ, εἰ πάνυ φοβοῖντο τὸν χρησμὸν οἱ Σπαρτιᾶται, φυλακτέον αὐτοῖσ εἰή τὸν Λεωτυχίδην οὐ γὰρ εἰ προσπταίσασ τισ τὸν πόδα βασιλεύοι, τῷ θεῷ διαφέρειν, ἀλλ’ εἰ μὴ γνήσιοσ ὢν μηδὲ Ἡρακλείδησ, τοῦτο τὴν χωλὴν εἶναι βασιλείαν.

ὁ δὲ Ἀγησίλαοσ ἔφη καὶ τὸν Ποσειδῶ καταμαρτυρεῖν τοῦ Λεωτυχίδου τὴν νοθείαν, ἐκβαλόντα σεισμῷ τοῦ θαλάμου τὸν Ἆγιν ἀπ’ ἐκείνου δὲ πλέον ἢ δέκα μηνῶν διελθόντων γενέσθαι τὸν Λεωτυχίδην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 3

(플루타르코스, Agesilaus, chapter 3)

상위

목록

SEARCH

MENU NAVIGATION