헬라어 문장 검색 - Πλυταρ́Αγεσιλά16́

(플루타르코스, Agesilaus, chapter 16)

ὡσ δὲ διαβὰσ τὸν Ἑλλήσποντον ἐβάδιζε διὰ τῆσ Θρᾴκησ, ἐδεήθη μὲν οὐδενὸσ τῶν βαρβάρων, πέμπων δὲ πρὸσ ἑκάστουσ ἐπυνθάνετο πότερον ὡσ φιλίαν ἢ ὡσ πολεμίαν διαπορεύηται τὴν χώραν. οἱ μὲν οὖν ἄλλοι πάντεσ φιλικῶσ ἐδέχοντο καὶ παρέπεμπον, ὡσ ἕκαστοσ δυνάμεωσ εἶχεν οἱ δὲ καλούμενοι Τράλλεισ, οἷσ καὶ Ξέρξησ ἔδωκεν, ὡσ λέγεται, δῶρα, τῆσ διόδου μισθὸν ᾔτουν τὸν Ἀγησίλαον ἑκατὸν ἀργυρίου τάλαντα καὶ τοσαύτασ γυναῖκασ. ὁ δὲ κατειρωνευσάμενοσ αὐτοὺσ καὶ φήσασ·

"τί οὖν οὐκ εὐθὺσ ἦλθον ληψόμενοι; προῆγε, καὶ συμβαλὼν αὐτοῖσ παρατεταγμένοισ ἐτρέψατο καὶ διέφθειρε πολλούσ, τὸ δ’ αὐτὸ καὶ τῷ βασιλεῖ τῶν Μακεδόνων ἐρώτημα προσέπεμψε· "ἡμεῖσ δὲ δὴ πορευόμεθα. Θαυμάσασ οὖν τὴν τόλμαν αὐτοῦ καὶ δείσασ ὁ βασιλεὺσ ἐκέλευσεν ὡσ φίλον προάγειν. τῶν δὲ Θετταλῶν τοῖσ πολεμίοισ συμμαχούντων ἐπόρθει τὴν χώραν.

εἰσ δὲ Λάρισσαν ἔπεμψε Ξενοκλέα καὶ Σκύθην περὶ φιλίασ· συλληφθέντων δὲ τούτων καὶ παραφυλασσομένων οἱ μὲν ἄλλοι βαρέωσ φέροντεσ ᾤοντο δεῖν τὸν Ἀγησίλαον περιστρατοπεδεύσαντα πολιορκεῖν τὴν Λάρισσαν, ὁ δὲ φήσασ οὐκ ἂν ἐθελῆσαι Θεσσαλίαν ὅλην λαβεῖν ἀπολέσασ τῶν ἀνδρῶν τὸν ἕτερον, ὑποσπόνδουσ αὐτοὺσ ἀπέλαβε. τῶν δὲ Φαρσαλίων προσκειμένων αὑτῷ καὶ κακούντων τὸ στράτευμα, πεντακοσίοισ ἱππεῦσιν ἐμβαλεῖν κελεύσασ σὺν αὑτῷ καὶ τρεψάμενοσ ἔστησε τρόπαιον ὑπὸ τῷ Ναρθακίῳ.

καὶ τὴν νίκην ὑπερηγάπησεν ἐκείνην, ὅτι συστησάμενοσ ἱππικὸν αὐτὸσ δι’ ἑαυτοῦ τούτῳ μόνῳ τοὺσ μέγιστον ἐφ’ ἱππικῇ φρονοῦντασ ἐκράτησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 16

(플루타르코스, Agesilaus, chapter 16)

상위

목록

SEARCH

MENU NAVIGATION