헬라어 문장 검색 - Πλυταρ́Αγεσιλά34́

(플루타르코스, Agesilaus, chapter 34)

οἰκιζομένησ δὲ Μεσσήνησ ὑπὸ τῶν περὶ τὸν Ἐπαμεινώνδαν, καὶ τῶν ἀρχαίων πολιτῶν πανταχόθεν εἰσ αὐτὴν συμπορευομένων, διαμάχεσθαι μὲν οὐκ ἐτόλμων οὐδὲ κωλύειν ἐδύναντο, χαλεπῶσ δὲ καὶ βαρέωσ πρὸσ τὸν Ἀγησίλαον εἶχον, ὅτι χώραν οὔτε πλήθει τῆσ Λακωνικῆσ ἐλάττονα καὶ πρωτεύουσαν ἀρετῇ τῆσ Ἑλληνικῆσ ἔχοντεσ καὶ καρπούμενοι χρόνον τοσοῦτον ἐπὶ τῆσ ἐκείνου βασιλείασ ἀπολωλέκασι. διὸ καὶ προτεινομένην ὑπὸ τῶν Θηβαίων τὴν εἰρήνην ὁ Ἀγησίλαοσ οὐκ ἐδέξατο.

μὴ βουλόμενοσ δὲ τῷ λόγῳ προέσθαι τοῖσ ἔργῳ κρατοῦσι τὴν χώραν, ἀλλὰ φιλονεικῶν, ἐκείνην μὲν οὐκ ἀπέλαβε, μικροῦ δὲ τὴν Σπάρτην προσαπέβαλε καταστρατηγηθείσ. ἐπεὶ γὰρ οἱ Μαντινεῖσ αὖθισ ἀπέστησαν τῶν Θηβαίων καὶ μετεπέμποντο τοὺσ Λακεδαιμονίουσ, αἰσθόμενοσ ὁ Ἐπαμεινώνδασ τὸν Ἀγησίλαον ἐξεστρατευμένον μετὰ τῆσ δυνάμεωσ καὶ προσιόντα, λαθὼν τοὺσ Μαντινεῖσ ἀνέζευξε νυκτὸσ ἐκ Τεγέασ ἄγων ἐπ’ αὐτὴν τὴν Λακεδαίμονα τὸ στράτευμα, καὶ μικρὸν ἐδέησε παραλλάξασ τὸν Ἀγησίλαον ἔρημον ἐξαίφνησ καταλαβεῖν τὴν πόλιν.

Εὐθύνου δὲ Θεσπιέωσ, ὡσ Καλλισθένησ φησίν, ὡσ δὲ Ξενοφῶν, Κρητόσ τινοσ, ἐξαγγείλαντοσ τῷ Ἀγησιλάῳ, ταχὺ προπέμψασ ἱππέα τοῖσ ἐν τῇ πόλει φράσοντα, μετ’ οὐ πολὺ καὶ αὐτὸσ παρῆλθεν εἰσ τὴν Σπάρτην.

ὀλίγῳ δὲ ὕστερον οἱ Θηβαῖοι διέβαινον τὸν Εὐρώταν καὶ προσέβαλλον τῇ πόλει, μάλα ἐρρωμένωσ τοῦ Ἀγησιλάου καὶ παρ’ ἡλικίαν ἐπαμύνοντοσ. οὐ γὰρ, ὡσ πρότερον, ἀσφαλείασ ἑώρα τὸν καιρὸν ὄντα καὶ φυλακῆσ, ἀλλὰ μᾶλλον ἀπονοίασ καὶ τόλμησ, οἷσ τὸν ἄλλον χρόνον οὐδέποτε πιστεύσασ οὐδὲ χρησάμενοσ, τότε μόνοισ ἀπεώσατο τὸν κίνδυνον, ἐκ τῶν χειρῶν τοῦ Ἐπαμεινώνδου τὴν πόλιν ἐξαρπάσασ, καὶ στήσασ τρόπαιον, καὶ τοῖσ παισὶ καὶ ταῖσ γυναιξὶν ἐπιδείξασ τὰ κάλλιστα τροφεῖα τῇ πατρίδι τοὺσ Λακεδαιμονίουσ ἀποδιδόντασ, ἐν δὲ πρώτοισ τὸν Ἀρχίδαμον ἀγωνιζόμενον ὑπερηφάνωσ τῇ τε ῥώμῃ τῆσ ψυχῆσ καὶ τῇ κουφότητι τοῦ σώματοσ, ὀξέωσ ἐπὶ τὰ θλιβόμενα τῆσ μάχησ διαθέοντα διὰ τῶν στενωπῶν καὶ πανταχοῦ μετ’ ὀλίγων ἀντερείδοντα τοῖσ πολεμίοισ·

Ἰσίδαν δὲ δοκῶ, τὸν Φοιβίδου υἱόν, οὐ τοῖσ πολίταισ μόνον, ἀλλὰ καὶ τοῖσ πολεμίοισ θέαμα φανῆναι καινὸν καὶ ἀγαστόν.

ἦν μὲν γὰρ ἐκπρεπὴσ τὸ εἶδοσ καὶ τὸ μέγεθοσ τοῦ σώματοσ, ὡρ́αν δὲ ἐν ᾗ τὸ ἥδιστον ἀνθοῦσιν ἄνθρωποι παριόντεσ εἰσ ἄνδρασ ἐκ παίδων εἶχε, γυμνὸσ δὲ καὶ ὅπλων τῶν σκεπὸν τῶν καὶ ἱματίων, λίπα χρισάμενοσ τὸ σῶμα, καὶ τῇ μὲν ἔχων χειρὶ λόγχην, τῇ δὲ ξίφοσ, ἐξήλατο τῆσ οἰκίασ, καὶ διὰ μέσων τῶν μαχομένων ὠσάμενοσ ἐν τοῖσ πολεμίοισ ἀνεστρέφετο, παίων τὸν προστυχόντα καὶ καταβάλλων, ἐτρώθη δὲ ὑπ’ οὐδενόσ, εἴτε θεοῦ δι’ ἀρετὴν φυλάττοντοσ αὐτόν, εἴτε μεῖζόν τι καὶ κρεῖττον ἀνθρώπου φανεὶσ τοῖσ ἐναντίοισ.

ἐπὶ τούτῳ δὲ λέγεται τοὺσ ἐφόρουσ στεφανώσαντασ αὐτὸν εἶτα χιλίων δραχμῶν ἐπιβαλεῖν ζημίαν, ὅτι χωρὶσ ὅπλων διακινδυνεύειν ἐτόλμησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 34

(플루타르코스, Agesilaus, chapter 34)

상위

목록

SEARCH

MENU NAVIGATION