헬라어 문장 검색 - Πλυταρ́Αγεσιλά11́

(플루타르코스, Agesilaus, chapter 11)

αὐτὸσ δὲ τὸν στρατὸν καταστήσασ εἰσ τὴν ὑπὸ Φαρναβάζῳ τεταγμένην χώραν οὐ μόνον ἐν ἀφθόνοισ διῆγε πᾶσιν, ἀλλὰ καί χρήματα συνῆγε πολλά· καί προελθὼν ἄχρι Παφλαγονίασ προσηγάγετο τὸν βασιλέα τῶν Παφλαγόνων, Κότυν, ἐπιθυμήσαντα τῆσ φιλίασ αὐτὸν δι’ ἀρετὴν καί πίστιν. ὁ δὲ Σπιθριδάτησ, ὡσ ἀποστὰσ τοῦ Φαρναβάζου τὸ πρῶτον ἦλθε πρὸσ τὸν Ἀγησίλαον , ἀεὶ συναπεδήμει καί συνεστράτευεν αὐτῷ, κάλλιστον υἱὸν μὲν ἔχων, Μεγαβάτην, οὗ παιδὸσ ὄντοσ ἤρα σφοδρῶσ Ἀγησίλαοσ, καλὴν δὲ καί θυγατέρα παρθένον ἐν ἡλικίᾳ γάμου, ταύτην ἔπεισε γῆμαι τὸν Κότυν ὁ Ἀγησίλαοσ·

καί λαβὼν παρ’ αὐτοῦ χιλίουσ ἱππεῖσ καί δισχιλίουσ πελταστὰσ αὖθισ ἀνεχώρησεν εἰσ Φρυγίαν, καί κακῶσ ἐποίει τὴν Φαρναβάζου χώραν οὐχ ὑπομένοντοσ οὐδὲ πιστεύοντοσ τοῖσ ἐρύμασιν, ἀλλὰ ἔχων ἀεὶ τὰ πλεῖστα σὺν ἑαυτῷ τῶν τιμίων καί ἀγαπητῶν ἐξεχώρει καί ὑπέφευγεν ἄλλοτε ἀλλαχόσε τῆσ χώρασ μεθιδρυόμενοσ, μέχρι οὗ παραφυλάξασ αὐτὸν ὁ Σπιθριδάτησ καί παραλαβὼν Ἡριππίδαν τὸν Σπαρτιάτην ἔλαβε τὸ στρατόπεδον καί τῶν χρημάτων ἁπάντων ἐκράτησεν.

ἔνθα δὴ πικρὸσ ὢν ὁ Ἡριππίδασ ἐξεταστὴσ τῶν κλαπέντων, καί τοὺσ βαρβάρουσ ἀναγκάζων ἀποτίθεσθαι, καί πάντα ἐφορῶν καί διερευνώμενοσ, παρώξυνε τὸν Σπιθριδάτην, ὥστε ἀπελθεῖν εὐθὺσ εἰσ Σάρδεισ μετὰ τῶν Παφλαγόνων.

τοῦτο λέγεται τῷ Ἀγησιλάῳ γενέσθαι πάντων ἀνιαρότατον. ἤχθετο μὲν γὰρ ἄνδρα γενναῖον ἀποβεβληκὼσ τὸν Σπιθριδάτην καί σὺν αὐτῷ δύναμιν οὐκ ὀλίγην, ᾐσχύνετο δὲ τῇ διαβολῇ τῆσ μικρολογίασ καί ἀνελευθερίασ, ἥσ οὐ μόνον αὑτόν, ἀλλὰ καί τὴν πατρίδα καθαρεύουσαν ἀεὶ παρέχειν ἐφιλοτιμεῖτο. χωρὶσ δὲ τῶν ἐμφανῶν τούτων ἔκνιζεν αὐτὸν οὐ μετρίωσ ὁ τοῦ παιδὸσ ἔρωσ ἐνεσταγμένοσ, εἰ καί πάνυ παρόντοσ αὐτοῦ τῷ φιλονείκῳ χρώμενοσ ἐπειρᾶτο νεανικῶσ ἀπομάχεσθαι πρὸσ τὴν ἐπιθυμίαν.

καί ποτε τοῦ Μεγαβάτου προσιόντοσ ὡσ ἀσπασομένου καί φιλήσοντοσ ἐξέκλινεν. ἐπεὶ δὲ ἐκεῖνοσ αἰσχυνθεὶσ ἐπαύσατο καί τὸ λοιπὸν ἄπωθεν ἤδη προσηγόρευεν, ἀχθόμενοσ αὖ πάλιν καί μεταμελόμενοσ τῇ φυγῇ τοῦ φιλήματοσ, ὁ Ἀγησίλαοσ προσεποιεῖτο θαυμάζειν ὅ τι δὴ παθὼν αὐτὸν ὁ Μεγαβάτησ ἀπὸ στόματοσ οὐ φιλοφρονοῖτο.

"σὺ γὰρ αἴτιοσ. "οὐχ ὑποστάσ, ἀλλὰ τρέσασ τὸ φίλημα τοῦ καλοῦ καί φοβηθείσ· "ἐπεὶ καί νῦν ἂν ἔλθοι σοι πεισθεὶσ ἐκεῖνοσ ἐντὸσ φιλήματοσ· "ἀλλ’ ὅπωσ αὖθισ οὐκ ἀποδειλιάσεισ. "δεινὸν πείθειν ὑμᾶσ ἐκεῖνον·

"ἐγὼ γάρ μοι δοκῶ τήναν τὰν μάχαν τὰν περὶ τοῦ φιλάματοσ ἅδιον ἂν μάχεσθαι πάλιν ἢ πάντα ὅσα τεθέαμαι χρυσία μοι γενέσθαι. τοιοῦτοσ μὲν ἦν τοῦ Μεγαβάτου παρόντοσ, ἀπελθόντοσ γε μὴν οὕτω περικαῶσ ἔσχεν ὡσ χαλεπὸν εἰπεῖν εἰ πάλιν αὖ μεταβαλομένου καὶ φανέντοσ ἐνεκαρτέρησε μὴ φιληθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 11

(플루타르코스, Agesilaus, chapter 11)

상위

목록

SEARCH

MENU NAVIGATION