Plutarch, Agesilaus, chapter 25

(플루타르코스, Agesilaus, chapter 25)

εἶχεν οὖν υἱὸν ὁ Σφοδρίασ Κλεώνυμον, οὗ παιδὸσ ὄντοσ ἔτι καὶ καλοῦ τὴν ὄψιν Ἀρχίδαμοσ ὁ Ἀγησιλάου τοῦ βασιλέωσ υἱὸσ ἤρα. καὶ τότε συνηγωνία μὲν ὡσ εἰκὸσ αὐτῷ κινδυνεύοντι περὶ τὸν πατρόσ, συμπράττειν δὲ φανερῶσ καὶ βοηθεῖν οὐκ εἶχεν ἦν γὰρ ὁ Σφοδρίασ ἐκ τῶν διαφόρων τοῦ Ἀγησιλάου, τοῦ δὲ Κλεωνύμου προσελθόντοσ αὐτῷ καὶ μετὰ δεήσεωσ καὶ δακρύων ἐντυχόντοσ, ὅπωσ τὸν Ἀγησίλαον εὔνουν παράσχῃ, μάλιστα γὰρ ἐκεῖνον αὐτοῖσ φοβερὸν εἶναι, τρεῖσ μὲν ἢ τέσσαρασ ἡμέρασ αἰδούμενοσ τὸν πατέρα καὶ δεδιὼσ σιωπῇ παρηκολούθει· τέλοσ δὲ τῆσ κρίσεωσ ἐγγὺσ οὔσησ ἐτόλμησεν εἰπεῖν πρὸσ τὸν Ἀγησίλαον ὅτι Κλεώνυμοσ αὐτοῦ δεηθείη περὶ τοῦ πατρόσ·

ὁ δὲ Ἀγησίλαοσ εἰδὼσ ἐρῶντα τὸν Ἀρχίδαμον οὐκ ἔπαυσεν ἦν γὰρ ὁ Κλεώνυμοσ εὐθὺσ ἐκ παίδων ἐπίδοξοσ, εἴ τισ καὶ ἄλλοσ, ἀνὴρ ἔσεσθαι σπουδαῖοσ.

οὐ μὴν ἐνέδωκέ τι τότε χρηστὸν ἢ φιλάνθρωπον ἐλπίσαι δεομένῳ τῷ παιδί, σκέψεσθαι δὲ φήσασ ὅ τι καλῶσ ἔχοι καὶ πρεπόντωσ, ἀπῆλθεν. αἰδούμενοσ οὖν ὁ Ἀρχίδαμοσ ἐξέλειπε τὸ προσιέναι τῷ Κλεωνύμῳ, καίπερ εἰωθὼσ πολλάκισ τοῦτο τῆσ ἡμέρασ ποιεῖν πρότερον.

ἐκ δὲ τούτου κἀκεῖνοι τὰ κατὰ τὸν Σφοδρίαν μᾶλλον ἀπέγνωσαν, ἄχρι οὗ τῶν Ἀγησιλάου φίλων Ἐτυμοκλῆσ ἔν τινι κοινολογίᾳ πρὸσ αὐτοὺσ ἀπεγύμνωσε τὴν γνώμην τοῦ Ἀγησιλάου· τὸ μὲν γὰρ ἔργον ὡσ ἔνι μάλιστα ψέγειν αὐτόν, ἄλλωσ γε μὴν ἄνδρα τὸν Σφοδρίαν ἀγαθὸν ἡγεῖσθαι καὶ τὴν πόλιν ὁρᾶν τοιούτων στρατιωτῶν δεομένην. τούτουσ γὰρ ὁ Ἀγησίλαοσ ἑκάστοτε τοὺσ λόγουσ ἐποιεῖτο περὶ τῆσ δίκησ, τῷ παιδὶ χαρίζεσθαι βουλόμενοσ, ὥστε καὶ τὸν Κλεώνυμον εὐθὺσ αἰσθάνεσθαι τὴν σπουδὴν τοῦ Ἀρχιδάμου καὶ τοὺσ φίλουσ τοὺσ τοῦ Σφοδρίου θαρροῦντασ ἤδη βοηθεῖν.

ἦν δὲ καὶ φιλότεκνοσ ὁ Ἀγησίλαοσ διαφερόντωσ· καὶ περὶ ἐκείνου τὸ τῆσ παιδιᾶσ λέγουσιν, ὅτι μικροῖσ τοῖσ παιδίοισ οὖσι κάλαμον περιβεβηκὼσ ὥσπερ ἵππον οἴκοι συνέπαιζεν, ὀφθεὶσ δὲ ὑπό τινοσ τῶν φίλων παρεκάλει μηδενὶ φράσαι, πρὶν ἂν καὶ αὐτὸσ πατὴρ παίδων γένηται.

일치하는 문장이 없습니다.

SEARCH

MENU NAVIGATION