헬라어 문장 검색 - Πλυταρ́Αγεσιλά06́

(플루타르코스, Agesilaus, chapter 6)

τοῦ δὲ Ἀγησιλάου τὴν βασιλείαν νεωστὶ παρειληφότοσ, ἀπήγγελλόν τινεσ ἐξ Ἀσίασ ἥκοντεσ ὡσ ὁ Περσῶν βασιλεὺσ παρασκευάζοιτο μεγάλῳ στόλῳ Λακεδαιμονίουσ ἐκβαλεῖν τῆσ θαλάσσησ. ὁ δὲ Λύσανδροσ ἐπιθυμῶν αὖθισ εἰσ Ἀσίαν ἀποσταλῆναι καὶ βοηθῆσαι τοῖσ φίλοισ, οὓσ αὐτὸσ μὲν ἄρχοντασ καὶ κυρίουσ τῶν πόλεων ἀπέλιπε, κακῶσ δὲ χρώμενοι καὶ βιαίωσ τοῖσ πράγμασιν ἐξέπιπτον ὑπὸ τῶν πολιτῶν καὶ ἀπέθνησκον, ἀνέπεισε τὸν Ἀγησίλαον ἐπιθέσθαι τῇ στρατείᾳ καὶ προπολεμῆσαι τῆσ Ἑλλάδοσ, ἀπωτάτω διαβάντα καὶ φθάσαντα τὴν τοῦ βαρβάρου παρασκευήν. ἅμα δὲ τοῖσ ἐν Ἀσίᾳ φίλοισ ἐπέστελλε πέμπειν εἰσ Λακεδαίμονα καὶ στρατηγὸν Ἀγησίλαον αἰτεῖσθαι.

παρελθὼν οὖν εἰσ τὸ πλῆθοσ Ἀγησίλαοσ ἀνεδέξατο τὸν πόλεμον, εἰ δοῖεν αὐτῷ τριάκοντα μὲν ἡγεμόνασ καὶ συμβούλουσ Σπαρτιάτασ, νεοδαμώδεισ δὲ λογάδασ δισχιλίουσ, τὴν δὲ συμμαχικὴν εἰσ ἑξακισχιλίουσ δύναμιν. συμπράττοντοσ δὲ τοῦ Λυσάνδρου πάντα προθύμωσ ἐψηφίσαντο, καὶ τὸν Ἀγησίλαον ἐξέπεμπον εὐθὺσ ἔχοντα τοὺσ τριάκοντα Σπαρτιατασ, ὧν ὁ Λύσανδροσ ἦν πρῶτοσ, οὐ διὰ τὴν ἑαυτοῦ δόξαν καὶ δύναμιν μόνον, ἀλλὰ καὶ διὰ τὴν Ἀγησιλάου φιλίαν, ᾧ μεῖζον ἐδόκει τῆσ βασιλείασ ἀγαθὸν διαπεπρᾶχθαι τὴν στρατηγίαν ἐκείνην.

ἀθροιζομένησ δὲ τῆσ δυνάμεωσ εἰσ Γεραιστόν, αὐτὸσ εἰσ Αὐλίδα κατελθὼν μετὰ τῶν φίλων καὶ νυκτερεύσασ ἔδοξε κατὰ τοὺσ ὕπνουσ εἰπεῖν τινα πρὸσ αὐτόν·

"ὦ βασιλεῦ Λακεδαιμονίων, ὅτι μὲν οὐδεὶσ τῆσ Ἑλλάδοσ ὁμοῦ συμπάσησ ἀπεδείχθη στρατηγὸσ ἢ πρότερον Ἀγαμέμνων καὶ σὺ νῦν μετ’ ἐκεῖνον, ἐννοεῖσ δήπουθεν ἐπεὶ δὲ τῶν μὲν αὐτῶν ἄρχεισ ἐκείνῳ, τοῖσ δὲ αὐτοῖσ πολεμεῖσ, ἀπὸ δὲ τῶν αὐτῶν τόπων ὁρμᾷσ ἐπὶ τὸν πόλεμον, εἰκόσ ἐστι καὶ θῦσαί σε τῇ θεῷ θυσίαν ἣν ἐκεῖνοσ ἐνταῦθα θύσασ ἐξέπλευσεν. ἅμα δέ πωσ ὑπῆλθε τὸν Ἀγησίλαον ὁ τῆσ κόρησ σφαγιασμόσ, ἣν ὁ πατὴρ ἔσφαξε πεισθεὶσ τοῖσ μάντεσιν.

ἀκούσαντεσ οὖν οἱ βοιωτάρχαι πρὸσ ὀργὴν κινηθέντεσ ἔπεμψαν ὑπηρέτασ, ἀπαγορεύοντεσ τῷ Ἀγησιλάῳ μὴ θύειν παρὰ τοὺσ νόμουσ καὶ τὰ πάτρια Βοιωτῶν, οἱ δὲ καὶ ταῦτα ἀπήγγειλαν καὶ τὰ μηρία διέρριψαν ἀπὸ τοῦ βωμοῦ, χαλεπῶσ οὖν ἔχων ὁ Ἀγησίλαοσ ἀπέπλει, τοῖσ τε Θηβαίοισ διωργισμένοσ καὶ γεγονὼσ δύσελπισ διὰ τὸν οἰωνόν, ὡσ ἀτελῶν αὐτῷ τῶν πράξεων γενησομένων καὶ τῆσ στρατείασ ἐπὶ τὸ προσῆκον οὐκ ἀφιξομένησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 6

(플루타르코스, Agesilaus, chapter 6)

상위

목록

SEARCH

MENU NAVIGATION