호흡부호 보기
강세부호 보기
장단부호 보기
작은 Iota 보기
모든 부호 보기
στέλλουσι δὲ μείζω τῆσ Ἰβήρων στρατιάν. ὁπλίζουσι γὰρ καὶ ἓξ μυριάδασ πεζῶν, ἱππέασ δὲ μυρίουσ καὶ δισχιλίουσ, ὅσοισ πρὸσ Πομπήιον διεκινδύνευσαν. καὶ τούτοισ δὲ συμπολεμοῦσιν οἱ νομάδεσ πρὸσ τοὺσ ἔξωθεν, ὥσπερ τοῖσ Ἴβηρσι, κατὰ τὰσ αὐτὰσ αἰτίασ. ἄλλωσ δ’ ἐπιχειροῦσι τοῖσ ἀνθρώποισ πολλάκισ ὥστε καὶ γεωργεῖν κωλύουσιν. ἀκοντισταὶ δέ εἰσι καὶ τοξόται, θώρακασ ἔχοντεσ καὶ θυρεούσ, περίκρανα δὲ θήρεια παραπλησίωσ τοῖσ Ἴβηρσιν. Ἔστι δὲ τῆσ Ἀλβανῶν χώρασ καὶ ἡ Κασπιανή, τοῦ Κασπίου ἔθνουσ ἐπώνυμοσ, οὗπερ καὶ ἡ θάλαττα, ἀφανοῦσ ὄντοσ νυνί. ἡ δ’ ἐκ τῆσ Ἰβηρίασ εἰσ τὴν Ἀλβανίαν εἰσβολὴ διὰ τῆσ Καμβυσηνῆσ ἀνύδρου τε καὶ τραχείασ ἐπὶ τὸν Ἀλαζόνιον ποταμόν. Θηρευτικοὶ δὲ καὶ αὐτοὶ καὶ οἱ κύνεσ αὐτῶν εἰσ ὑπερβολήν, οὐ τέχνῃ μᾶλλον ἢ σπουδῇ τῇ περὶ τοῦτο.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기