Plutarch, Non posse suaviter vivi secundum Epicurum, section 13 10:

οὐκ ἦν δὲ πρὸσ τὸ ἡδέωσ ζῆν ἐπιεικέστερον μύρα καὶ θυμιάματα δυσχεραίνειν ὡσ κάνθαροι καὶ γῦπεσ, ἢ κριτικῶν καὶ μουσικῶν λαλιὰν βδελύττεσθαι καὶ φεύγειν; ποῖοσ γὰρ ἂν αὐλὸσ ἢ κιθάρα διηρμοσμένη πρὸσ ᾠδὴν, ἢ τίσ χορόσ εὐρύοπα κέλαδον ἀκροσόφων ἀγνύμενον διὰ στομάτων φθεγγόμενοσ, οὕτωσ εὔφρανεν Ἐπίκουρον καὶ Μητρόδωρον, ὡσ Ἀριστοτέλη καὶ Θεόφραστον καὶ Δικαίαρχον καὶ Ιἑρώνυμον οἱ περὶ χορῶν λόγοι καὶ διδασκαλιῶν καὶ τὰ δι’ αὐλῶν προβλήματα καὶ ῥυθμῶν καὶ ἁρμονιῶν;