호흡부호 보기
강세부호 보기
장단부호 보기
작은 Iota 보기
모든 부호 보기
πόλεισ δ’ εἰσὶν τῆσ Ἀρμενίασ Ἀρτάξατά τε ἣν καὶ Ἀρταξιάσατα καλοῦσιν, Ἀννίβα κτίσαντοσ Ἀρταξίᾳ τῷ βασιλεῖ καὶ Ἄρξατα, ἀμφότεραι ἐπὶ τῷ Ἀράξῃ, ἡ μὲν Ἄρξατα πρὸσ τοῖσ ὁρ́οισ τῆσ Ἀτροπατίασ, ἡ δὲ Ἀρτάξατα πρὸσ τῷ Ἀραξηνῷ πεδίῳ συνῳκισμένη καλῶσ καὶ βασίλειον οὖσα τῆσ χώρασ. κεῖται δ’ ἐπὶ χερρονησιάζοντοσ ἀγκῶνοσ τὸ τεῖχοσ ἔχουσα κύκλῳ προβεβλημένον τὸν ποταμὸν πλὴν τοῦ ἰσθμοῦ, τὸν ἰσθμὸν δ’ ἔχει τάφρῳ καὶ χάρακι κεκλεισμένον. οὐ πολὺ δ’ ἄπωθεν τῆσ πόλεώσ ἐστι τὰ Τιγράνου καὶ Ἀρταουάσδου γαζοφυλάκια, φρούρια ἐρυμνά, Βάβυρσά τε καὶ Ὀλανή· ἦν δὲ καὶ ἄλλα ἐπὶ τῷ Εὐφράτῃ. Ἀρτάγειρα δὲ ἀπέστησε μὲν Ἄδων ὁ φρούραρχοσ, ἐξεῖλον δ’ οἱ Καίσαροσ στρατηγοὶ πολιορκήσαντεσ πολὺν χρόνον, καὶ τὰ τείχη περιεῖλον.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기