헬라어 문장 검색 - ΧενοπήΜεμοραβ́3́14́

(크세노폰, Memorabilia, Ἀπομνημονευμάτων Γ, chapter 14)

ὁπότε δὲ τῶν συνιόντων ἐπὶ δεῖπνον οἱ μὲν μικρὸν ὄψον, οἱ δὲ πολὺ φέροιεν, ἐκέλευεν ὁ Σωκράτησ τὸν παῖδα τὸ μικρὸν ἢ εἰσ τὸ κοινὸν τιθέναι ἢ διανέμειν ἑκάστῳ τὸ μέροσ. οἱ οὖν τὸ πολὺ φέροντεσ ᾐσχύνοντο <τό> τε μὴ κοινωνεῖν τοῦ εἰσ τὸ κοινὸν τιθεμένου καὶ τὸ μὴ ἀντιτιθέναι τὸ ἑαυτῶν· ἐτίθεσαν οὖν καὶ τὸ ἑαυτῶν εἰσ τὸ κοινόν. καὶ ἐπεὶ οὐδὲν πλέον εἶχον τῶν μικρὸν φερομένων, ἐπαύοντο πολλοῦ ὀψωνοῦντεσ. καταμαθὼν δέ ποτε τῶν συνδειπνούντων τινὰ τοῦ μὲν σίτου πεπαυμένον, τὸ δὲ ὄψον αὐτὸ καθ’ αὑτὸ ἐσθίοντα, λόγου ὄντοσ περὶ ὀνομάτων, ἐφ’ οἱῴ ἔργῳ ἕκαστον εἰή, ἔχοιμεν ἄν, ἔφη, ὦ ἄνδρεσ, εἰπεῖν, ἐπὶ ποίῳ ποτὲ ἔργῳ ἄνθρωποσ ὀψοφάγοσ καλεῖται;

ἐσθίουσι μὲν γὰρ δὴ πάντεσ ἐπὶ τῷ σίτῳ ὄψον, ὅταν παρῇ· ἀλλ’ οὐκ οἶμαί πω ἐπὶ τούτῳ γε ὀψοφάγοι καλοῦνται. οὐ γὰρ οὖν, ἔφη τισ τῶν παρόντων. τί γάρ;

ἔφη, ἐάν τισ ἄνευ τοῦ σίτου τὸ ὄψον αὐτὸ ἐσθίῃ, μὴ ἀσκήσεωσ, ἀλλ’ ἡδονῆσ ἕνεκα, πότερον ὀψοφάγοσ εἶναι δοκεῖ ἢ οὔ; σχολῇ γ’ ἄν, ἔφη, ἄλλοσ τισ ὀψοφάγοσ εἰή. καί τισ ἄλλοσ τῶν παρόντων, ὁ δὲ μικρῷ σίτῳ, ἔφη, πολὺ ὄψον ἐπεσθίων; ἐμοὶ μέν, ἔφη ὁ Σωκράτησ, καὶ οὗτοσ δοκεῖ δικαίωσ ἂν ὀψοφάγοσ καλεῖσθαι· καὶ ὅταν γε οἱ ἄλλοι ἄνθρωποι τοῖσ θεοῖσ εὔχωνται πολυκαρπίαν, εἰκότωσ ἂν οὗτοσ πολυοψίαν εὔχοιτο. ταῦτα δὲ τοῦ Σωκράτουσ εἰπόντοσ, νομίσασ ὁ νεανίσκοσ εἰσ αὑτὸν εἰρῆσθαι τὰ λεχθέντα τὸ μὲν ὄψον οὐκ ἐπαύσατο ἐσθίων, ἄρτον δὲ προσέλαβε.

καὶ ὁ Σωκράτησ καταμαθών, παρατηρεῖτ’, ἔφη, τοῦτον οἱ πλησίον, ὁπότερα τῷ σίτῳ ὄψῳ ἢ τῷ ὄψῳ σίτῳ χρήσεται. ἄλλον δέ ποτε τῶν συνδείπνων ἰδὼν ἐπὶ τῷ ἑνὶ ψωμῷ πλειόνων ὄψων γευόμενον, ἆρα γένοιτ’ ἄν, ἔφη, πολυτελεστέρα ὀψοποιία ἢ μᾶλλον τὰ ὄψα λυμαινομένη, ἢ ἣν ὀψοποιεῖται ὁ ἅμα πολλὰ ἐσθίων καὶ ἅμα παντοδαπὰ ἡδύσματα εἰσ τὸ στόμα λαμβάνων;

πλείω μέν γε τῶν ὀψοποιῶν συμμιγνύων πολυτελέστερα ποιεῖ· ἃ δὲ ἐκεῖνοι μὴ συμμιγνύουσιν, ὡσ οὐχ ἁρμόττοντα, ὁ συμμιγνύων, εἴπερ ἐκεῖνοι ὀρθῶσ ποιοῦσιν, ἁμαρτάνει τε καὶ καταλύει τὴν τέχνην αὐτῶν. καίτοι πῶσ οὐ γελοῖόν ἐστι παρασκευάζεσθαι μὲν ὀψοποιοὺσ τοὺσ ἄριστα ἐπισταμένουσ, αὐτὸν δὲ μηδ’ ἀντιποιούμενον τῆσ τέχνησ ταύτησ τὰ ὑπ’ ἐκείνων ποιούμενα μετατιθέναι;

καὶ ἄλλο δέ τι προσγίγνεται τῷ ἅμα πολλὰ ἐσθίειν ἐθισθέντι· μὴ παρόντων γὰρ πολλῶν μειονεκτεῖν ἄν τι δοκοίη ποθῶν τὸ σύνηθεσ· ὁ δὲ συνεθισθεὶσ τὸν ἕνα ψωμὸν ἑνὶ ὄψῳ προπέμπειν, ὅτε μὴ παρείη πολλά, δύναιτ’ ἂν ἀλύπωσ τῷ ἑνὶ χρῆσθαι. ἔλεγε δὲ καὶ ὡσ τὸ εὐωχεῖσθαι ἐν τῇ Ἀθηναίων γλώττῃ ἐσθίειν καλοῖτο·

τὸ δὲ εὖ προσκεῖσθαι ἔφη ἐπὶ τῷ ταῦτα ἐσθίειν, ἃ μήτε τὴν ψυχὴν μήτε τὸ σῶμα λυποίη μηδὲ δυσεύρετα εἰή· ὥστε καὶ τὸ εὐωχεῖσθαι τοῖσ κοσμίωσ διαιτωμένοισ ἀνετίθει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Γ, chapter 14

(크세노폰, Memorabilia, Ἀπομνημονευμάτων Γ, chapter 14)

상위

목록

SEARCH

MENU NAVIGATION