헬라어 문장 검색 - ΧενοπήΜεμοραβ́3́12́

(크세노폰, Memorabilia, Ἀπομνημονευμάτων Γ, chapter 12)

Ἐπιγένην δὲ τῶν συνόντων τινὰ νέον τε ὄντα καὶ τὸ σῶμα κακῶσ ἔχοντα ἰδών, ὡσ ἰδιωτικῶσ, ἔφη, τὸ σῶμα ἔχεισ, ὦ Ἐπίγενεσ. καὶ ὅσ, ἰδιώτησ γάρ, ἔφη, εἰμί, ὦ Σώκρατεσ. οὐδέν γε μᾶλλον, ἔφη, τῶν ἐν Ὀλυμπίᾳ μελλόντων ἀγωνίζεσθαι· ἢ δοκεῖ σοι μικρὸσ εἶναι ὁ περὶ τῆσ ψυχῆσ πρὸσ τοὺσ πολεμίουσ ἀγών, ὃν Ἀθηναῖοι θήσουσιν, ὅταν τύχωσι; καὶ μὴν οὐκ ὀλίγοι μὲν διὰ τὴν τοῦ σώματοσ καχεξίαν ἀποθνῄσκουσί τε ἐν τοῖσ πολεμικοῖσ κινδύνοισ καὶ αἰσχρῶσ σῴζονται·

πολλοὶ δὲ δι’ αὐτὸ τοῦτο ζῶντέσ τε ἁλίσκονται καὶ ἁλόντεσ ἤτοι δουλεύουσι τὸν λοιπὸν βίον, ἐὰν οὕτω τύχωσι, τὴν χαλεπωτάτην δουλείαν ἢ εἰσ τὰσ ἀνάγκασ τὰσ ἀλγεινοτάτασ ἐμπεσόντεσ καὶ ἐκτείσαντεσ ἐνίοτε πλείω τῶν ὑπαρχόντων αὐτοῖσ τὸν λοιπὸν βίον ἐνδεεῖσ τῶν ἀναγκαίων ὄντεσ καὶ κακοπαθοῦντεσ διαζῶσι· πολλοὶ δὲ δόξαν αἰσχρὰν κτῶνται διὰ τὴν τοῦ σώματοσ ἀδυναμίαν δοκοῦντεσ ἀποδειλιᾶν. ἢ καταφρονεῖσ τῶν ἐπιτιμίων τῆσ καχεξίασ τούτων, καὶ ῥᾳδίωσ ἂν οἰεί φέρειν τὰ τοιαῦτα;

καὶ μὴν οἶμαί γε πολλῷ ῥᾴω καὶ ἡδίω τούτων εἶναι ἃ δεῖ ὑπομένειν τὸν ἐπιμελόμενον τῆσ τοῦ σώματοσ εὐεξίασ. ἢ ὑγιεινότερόν τε καὶ εἰσ τἆλλα χρησιμώτερον νομίζεισ εἶναι τὴν καχεξίαν τῆσ εὐεξίασ, ἢ τῶν διὰ τὴν εὐεξίαν γιγνομένων καταφρονεῖσ; καὶ μὴν πάντα γε τἀναντία συμβαίνει τοῖσ εὖ τὰ σώματα ἔχουσιν ἢ τοῖσ κακῶσ.

καὶ γὰρ ὑγιαίνουσιν οἱ τὰ σώματα εὖ ἔχοντεσ καὶ ἰσχύουσι· καὶ πολλοὶ μὲν διὰ τοῦτο ἐκ τῶν πολεμικῶν ἀγώνων σῴζονταί τε εὐσχημόνωσ καὶ τὰ δεινὰ πάντα διαφεύγουσι, πολλοὶ δὲ φίλοισ τε βοηθοῦσι καὶ τὴν πατρίδα εὐεργετοῦσι καὶ διὰ ταῦτα χάριτόσ τε ἀξιοῦνται καὶ δόξαν μεγάλην κτῶνται καὶ τιμῶν καλλίστων τυγχάνουσι καὶ διὰ ταῦτα τόν τε λοιπὸν βίον ἥδιον καὶ κάλλιον διαζῶσι καὶ τοῖσ ἑαυτῶν παισὶ καλλίουσ ἀφορμὰσ εἰσ τὸν βίον καταλείπουσιν. οὔτοι χρή, ὅτι οὐκ ἀσκεῖ δημοσίᾳ ἡ πόλισ τὰ πρὸσ τὸν πόλεμον, διὰ τοῦτο καὶ ἰδίᾳ ἀμελεῖν, ἀλλὰ μηδὲν ἧττον ἐπιμελεῖσθαι.

εὖ γὰρ ἴσθι ὅτι οὐδὲ ἐν ἄλλῳ οὐδενὶ ἀγῶνι οὐδὲ ἐν πράξει οὐδεμιᾷ μεῖον ἕξεισ διὰ τὸ βέλτιον τὸ σῶμα παρεσκευάσθαι· πρὸσ πάντα γὰρ ὅσα πράττουσιν ἄνθρωποι χρήσιμον τὸ σῶμά ἐστιν· ἐν πάσαισ δὲ ταῖσ τοῦ σώματοσ χρείαισ πολὺ διαφέρει ὡσ βέλτιστα τὸ σῶμα ἔχειν· ἐπεὶ καὶ ἐν ᾧ δοκεῖ ἐλαχίστη σώματοσ χρεία εἶναι, ἐν τῷ διανοεῖσθαι, τίσ οὐκ οἶδεν ὅτι καὶ ἐν τούτῳ πολλοὶ μεγάλα σφάλλονται διὰ τὸ μὴ ὑγιαίνειν τὸ σῶμα;

καὶ λήθη δὲ καὶ ἀθυμία καὶ δυσκολία καὶ μανία πολλάκισ πολλοῖσ διὰ τὴν τοῦ σώματοσ καχεξίαν εἰσ τὴν διάνοιαν ἐμπίπτουσιν οὕτωσ ὥστε καὶ τὰσ ἐπιστήμασ ἐκβάλλειν. τοῖσ δὲ τὰ σώματα εὖ ἔχουσι πολλὴ ἀσφάλεια καὶ οὐδεὶσ κίνδυνοσ διά γε τὴν τοῦ σώματοσ καχεξίαν τοιοῦτόν τι παθεῖν, εἰκὸσ δὲ μᾶλλον πρὸσ τὰ ἐναντία τῶν διὰ τὴν καχεξίαν γιγνομένων καὶ τὴν εὐεξίαν χρήσιμον εἶναι·

καίτοι τῶν γε τοῖσ εἰρημένοισ ἐναντίων ἕνεκα τί οὐκ ἄν τισ νοῦν ἔχων ὑπομείνειεν; αἰσχρὸν δὲ καὶ τὸ διὰ τὴν ἀμέλειαν γηρᾶναι, πρὶν ἰδεῖν ἑαυτὸν ποῖοσ ἂν κάλλιστοσ καὶ κράτιστοσ τῷ σώματι γένοιτο·

ταῦτα δὲ οὐκ ἔστιν ἰδεῖν ἀμελοῦντα· οὐ γὰρ ἐθέλει αὐτόματα γίγνεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Γ, chapter 12

(크세노폰, Memorabilia, Ἀπομνημονευμάτων Γ, chapter 12)

상위

목록

SEARCH

MENU NAVIGATION