Strabo, Geography, Book 11, chapter 14 13:

(스트라본, 지리학, Book 11, chapter 14 13:)

εἰσὶ δὲ καὶ λίμναι κατὰ τὴν Ἀρμενίαν μεγάλαι, μία μὲν ἡ Μαντιανή, Κυανῆ ἑρμηνευθεῖσα, μεγίστη, ὥσ φασι, μετὰ τὴν Μαιῶτιν, ἁλμυροῦ ὕδατοσ, διήκουσα μέχρι τῆσ Ἀτροπατίασ, ἔχουσα καὶ ἁλοπήγια· ἡ δὲ Ἀρσηνή, ἣν καὶ Θωπῖτιν καλοῦσιν· ἔστι δὲ νιτρῖτισ, τὰσ δ’ ἐσθῆτασ ῥήττει καὶ διαξαίνει· διὰ δὲ τοῦτο καὶ ἄποτόν ἐστι τὸ ὕδωρ. φέρεται δὲ δι’ αὐτῆσ ὁ Τίγρισ ἀπὸ τῆσ κατὰ τὸν Νιφάτην ὀρεινῆσ ὁρμηθείσ, ἄμικτον φυλάττων τὸ ῥεῦμα διὰ τὴν ὀξύτητα, ἀφ’ οὗ καὶ τοὔνομα, Μήδων τίγριν καλούντων τὸ τόξευμα· καὶ οὗτοσ μὲν ἔχει πολυειδεῖσ ἰχθῦσ, οἱ δὲ λιμναῖοι ἑνὸσ εἴδουσ εἰσί· κατὰ δὲ τὸν μυχὸν τῆσ λίμνησ εἰσ βάραθρον ἐμπεσὼν ὁ ποταμὸσ καὶ πολὺν τόπον ἐνεχθεὶσ ὑπὸ γῆσ ἀνατέλλει κατὰ τὴν Χαλωνῖτιν· ἐκεῖθεν δ’ ἤδη πρὸσ τὴν Ὦπιν καὶ τὸ τῆσ Σεμιράμιδοσ καλούμενον διατείχισμα ἐκεῖνόσ τε καταφέρεται τοὺσ Γορδυαίουσ ἐν δεξιᾷ ἀφεὶσ καὶ τὴν Μεσοποταμίαν ὅλην, καὶ ὁ Εὐφράτησ τοὐναντίον ἐν ἀριστερᾷ ἔχων τὴν αὐτὴν χώραν· πλησιάσαντεσ δὲ ἀλλήλοισ καὶ ποιήσαντεσ τὴν Μεσοποταμίαν ὁ μὲν διὰ Σελευκείασ φέρεται πρὸσ τὸν Περσικὸν κόλπον, ὁ δὲ διὰ Βαβυλῶνοσ, καθάπερ εἴρηταί που ἐν τοῖσ πρὸσ Ἐρατοσθένην καὶ Ἵππαρχον λόγοισ.

일치하는 문장이 없습니다.

SEARCH

MENU NAVIGATION