Strabo, Geography, Book 11, chapter 13 10:

(스트라본, 지리학, Book 11, chapter 13 10:)

ἡ πολλὴ μὲν οὖν ὑψηλή ἐστι καὶ ψυχρά· τοιαῦτα δὲ καὶ τὰ ὑπερκείμενα τῶν Ἐκβατάνων ὄρη καὶ τὰ περὶ τὰσ Ῥάγασ καὶ τὰσ Κασπίουσ πύλασ καὶ καθόλου τὰ προσάρκτια μέρη τὰ ἐντεῦθεν μέχρι πρὸσ τὴν Ματιανὴν καὶ τὴν Ἀρμενίαν. ἡ δ’ ὑπὸ ταῖσ Κασπίοισ πύλαισ ἐν ταπεινοῖσ ἐδάφεσι καὶ κοίλοισ οὖσα εὐδαίμων σφόδρα ἐστὶ καὶ πάμφοροσ πλὴν ἐλαίασ· εἰ δὲ καὶ φύεταί που, ἀλιπήσ τέ ἐστι καὶ ξηρά· ἱππόβοτοσ δὲ καὶ αὕτη ἐστὶ διαφερόντωσ καὶ ἡ Ἀρμενία· καλεῖται δέ τισ καὶ λειμὼν ἱππόβοτοσ, ὃν καὶ διεξίασιν οἱ ἐκ τῆσ Περσίδοσ καὶ Βαβυλῶνοσ εἰσ Κασπίουσ πύλασ ὁδεύοντεσ, ἐν ᾧ πέντε μυριάδασ ἵππων θηλείων νέμεσθαί φασιν ἐπὶ τῶν Περσῶν, εἶναι δὲ τὰσ ἀγέλασ ταύτασ βασιλικάσ. τοὺσ δὲ Νησαίουσ ἵππουσ, οἷσ ἐχρῶντο οἱ βασιλεῖσ ἀρίστοισ οὖσι καὶ μεγίστοισ, οἱ μὲν ἐνθένδε λέγουσι τὸ γένοσ, οἱ δ’ ἐξ Ἀρμενίασ· ἰδιόμορφοι δέ εἰσιν, ὥσπερ καὶ οἱ Παρθικοὶ λεγόμενοι νῦν, παρὰ τοὺσ Ἑλλαδικοὺσ καὶ τοὺσ ἄλλουσ τοὺσ παρ’ ἡμῖν. καὶ τὴν βοτάνην δὲ τὴν μάλιστα τρέφουσαν τοὺσ ἵππουσ ἀπὸ τοῦ πλεονάζειν ἐνταῦθα ἰδίωσ μηδίκην καλοῦμεν. φέρει δὲ καὶ σίλφιον ἡ χώρα, ἀφ’ οὗ ὁ Μηδικὸσ καλούμενοσ ὀπόσ, πολὺ λειπόμενοσ τοῦ Κυρηναϊκοῦ· ἔστι δ’ ὅτε καὶ διαφέρων ἐκείνου, εἴτε παρὰ τὰσ τῶν τόπων διαφορὰσ εἴτε τοῦ φυτοῦ κατ’ εἶδοσ ἐξαλλάττοντοσ, εἴτε καὶ παρὰ τοὺσ ὀπίζοντασ καὶ σκευάζοντασ ὥστε συμμένειν πρὸσ τὴν ἀπόθεσιν καὶ τὴν χρείαν.

일치하는 문장이 없습니다.

SEARCH

MENU NAVIGATION