Strabo, Geography, Book 11, chapter 13 8:

(스트라본, 지리학, Book 11, chapter 13 8:)

ὁρίζεται δ’ ἀπὸ μὲν τῆσ ἑώ τῇ τε Παρθυαίᾳ καὶ τοῖσ Κοσσαίων ὄρεσι λῃστρικῶν ἀνθρώπων, οἳ τοξότασ μυρίουσ καὶ τρισχιλίουσ παρέσχοντό ποτε Ἐλυμαίοισ συμμαχοῦντεσ ἐπὶ Σουσίουσ καὶ Βαβυλωνίουσ. Νέαρχοσ δέ φησι τεττάρων ὄντων λῃστρικῶν ἐθνῶν, ὧν Μάρδοι μὲν Πέρσαισ προσεχεῖσ ἦσαν, Οὔξιοι δὲ καὶ Ἐλυμαῖοι τούτοισ τε καὶ Σουσίοισ, Κοσσαῖοι δὲ Μήδοισ, πάντασ μὲν φόρουσ πράττεσθαι τοὺσ βασιλέασ, Κοσσαίουσ δὲ καὶ δῶρα λαμβάνειν, ἡνίκα ὁ βασιλεὺσ θερίσασ ἐν Ἐκβατάνοισ εἰσ τὴν Βαβυλωνίαν καταβαίνοι· καταλῦσαι δ’ αὐτῶν τὴν πολλὴν τόλμαν Ἀλέξανδρον ἐπιθέμενον χειμῶνοσ. τούτοισ τε δὴ ἀφορίζεται πρὸσ ἑώ καὶ ἔτι τοῖσ Παραιτακηνοῖσ, οἳ συνάπτουσι Πέρσαισ ὀρεινοὶ καὶ αὐτοὶ καὶ λῃστρικοί· ἀπὸ δὲ τῶν ἄρκτων τοῖσ ὑπεροικοῦσι τῆσ Ὑρκανίασ θαλάττησ Καδουσίοισ καὶ τοῖσ ἄλλοισ, οὓσ ἄρτι διήλθομεν· πρὸσ νότον δὲ τῇ Ἀπολλωνιάτιδι, ἣν Σιτακηνὴν ἐκάλουν οἱ παλαιοί, καὶ τῷ Ζάγρῳ, καθ’ ὃ ἡ Μασσαβατικὴ κεῖται τῆσ Μηδίασ οὖσα, οἱ δὲ τῆσ Ἐλυμαίασ φασί· πρὸσ δύσιν δὲ τοῖσ Ἀτροπατίοισ καὶ τῶν Ἀρμενίων τισίν. εἰσὶ δὲ καὶ Ἑλληνίδεσ πόλεισ κτίσματα τῶν Μακεδόνων ἐν τῇ Μηδίᾳ, ὧν Λαοδίκειά τε καὶ Ἀπάμεια καὶ ἡ πρὸσ Ῥάγαισ Ἡράκλεια καὶ αὐτὴ Ῥάγα, τὸ τοῦ Νικάτοροσ κτίσμα, ὃ ἐκεῖνοσ μὲν Εὐρωπὸν ὠνόμασε, Πάρθοι δὲ Ἀρσακίαν, νοτιωτέραν οὖσαν τῶν Κασπίων πυλῶν πεντακοσίοισ που σταδίοισ, ὥσ φησιν Ἀπολλόδωροσ Ἀρτεμιτηνόσ.

일치하는 문장이 없습니다.

SEARCH

MENU NAVIGATION