Strabo, Geography, Book 11, chapter 13 2:

(스트라본, 지리학, Book 11, chapter 13 2:)

ἡ δὲ Μηδία δίχα διῄρηται· καλοῦσι δὲ τὴν μὲν μεγάλην, ἧσ μητρόπολισ τὰ Ἐκβάτανα, μεγάλη πόλισ καὶ τὸ βασίλειον ἔχουσα τῆσ Μήδων ἀρχῆσ· διατελοῦσι δὲ καὶ νῦν οἱ Παρθυαῖοι τούτῳ χρώμενοι βασιλείῳ, καὶ θερίζουσί γε ἐνταῦθα οἱ βασιλεῖσ· ψυχρὰ γὰρ ἡ Μηδία· τὸ δὲ χειμάδιόν ἐστιν αὐτοῖσ ἐν Σελευκείᾳ τῇ ἐπὶ τῷ Τίγριδι πλησίον Βαβυλῶνοσ. ἡ δ’ ἑτέρα μερίσ ἐστιν ἡ Ἀτροπάτιοσ Μηδία· τοὔνομα δ’ ἔσχεν ἀπὸ τοῦ ἡγεμόνοσ Ἀτροπάτου, ὃσ ἐκώλυσεν ὑπὸ τοῖσ Μακεδόσι γίνεσθαι καὶ ταύτην μέροσ οὖσαν μεγάλησ Μηδίασ· καὶ δὴ καὶ βασιλεὺσ ἀναγορευθεὶσ ἰδίᾳ συνέταξε καθ’ αὑτὴν τὴν χώραν ταύτην, καὶ ἡ διαδοχὴ σώζεται μέχρι νῦν ἐξ ἐκείνου, πρόσ τε τοὺσ Ἀρμενίων βασιλέασ ποιησαμένων ἐπιγαμίασ τῶν ὕστερον καὶ Σύρων καὶ μετὰ ταῦτα Παρθυαίων.

일치하는 문장이 없습니다.

SEARCH

MENU NAVIGATION