Strabo, Geography, Book 11, chapter 9 3:

(스트라본, 지리학, Book 11, chapter 9 3:)

νεωτερισθέντων δὲ τῶν ἔξω τοῦ Ταύρου διὰ τὸ πρὸσ ἄλλοισ εἶναι τοὺσ τῆσ Συρίασ καὶ τῆσ Μηδίασ βασιλέασ τοὺσ ἔχοντασ καὶ ταῦτα, πρῶτον μὲν τὴν Βακτριανὴν ἀπέστησαν οἱ πεπιστευμένοι καὶ τὴν ἐγγὺσ αὐτῆσ πᾶσαν, οἱ περὶ Εὐθύδημον. ἔπειτ’ Ἀρσάκησ ἀνὴρ Σκύθησ τῶν Δαῶν τινασ ἔχων τοὺσ Πάρνουσ καλουμένουσ νομάδασ παροικοῦντασ τὸν Ὦχον, ἐπῆλθεν ἐπὶ τὴν Παρθυαίαν καὶ ἐκράτησεν αὐτῆσ. κατ’ ἀρχὰσ μὲν οὖν ἀσθενὴσ ἦν διαπολεμῶν πρὸσ τοὺσ ἀφαιρεθέντασ τὴν χώραν καὶ αὐτὸσ καὶ οἱ διαδεξάμενοι ἐκεῖνον, ἔπειθ’ οὕτωσ ἴσχυσαν ἀφαιρούμενοι τὴν πλησίον ἀεὶ διὰ τὰσ ἐν τοῖσ πολέμοισ κατορθώσεισ ὥστε τελευτῶντεσ ἁπάσησ τῆσ ἐντὸσ Εὐφράτου κύριοι κατέστησαν. ἀφείλοντο δὲ καὶ τῆσ Βακτριανῆσ μέροσ βιασάμενοι τοὺσ Σκύθασ καὶ ἔτι πρότερον τοὺσ περὶ Εὐκρατίδαν, καὶ νῦν ἐπάρχουσι τοσαύτησ γῆσ καὶ τοσούτων ἐθνῶν ὥστε ἀντίπαλοι τοῖσ Ῥωμαίοισ τρόπον τινὰ γεγόνασι κατὰ μέγεθοσ τῆσ ἀρχῆσ. αἴτιοσ δ’ ὁ βίοσ αὐτῶν καὶ τὰ ἔθη τὰ ἔχοντα πολὺ μὲν τὸ βάρβαρον καὶ τὸ Σκυθικόν, πλέον μέντοι τὸ χρήσιμον πρὸσ ἡγεμονίαν καὶ τὴν ἐν τοῖσ πολέμοισ κατόρθωσιν.

일치하는 문장이 없습니다.

SEARCH

MENU NAVIGATION