헬라어 문장 검색 - ΣτραβόΓεογραπ́11́08́011́

(스트라본, 지리학, Book 11, chapter 8 11:)

τοῦ δὲ τῶν Μασσαγετῶν καὶ τῶν Σακῶν ἔθνουσ καὶ οἱ Ἀττάσιοι καὶ οἱ Χωράσμιοι, εἰσ οὓσ ἀπὸ τῶν Βακτριανῶν καὶ τῶν Σογδιανῶν ἔφυγε Σπιταμένησ, εἷσ ἐκ τῶν ἀποδράντων Περσῶν τὸν Ἀλέξανδρον, καθάπερ καὶ Βῆσσοσ· καὶ ὕστερον δὲ Ἀρσάκησ τὸν Καλλίνικον φεύγων Σέλευκον εἰσ τοὺσ Ἀπασιάκασ ἐχώρησε. φησὶ δ’ Ἐρατοσθένησ τοὺσ Ἀραχωτοὺσ καὶ Μασσαγέτασ τοῖσ Βακτρίοισ παρακεῖσθαι πρὸσ δύσιν παρὰ τὸν Ὦξον, καὶ Σάκασ μὲν καὶ Σογδιανοὺσ τοῖσ ὅλοισ ἐδάφεσιν ἀντικεῖσθαι τῇ Ἰνδικῇ, Βακτρίουσ δ’ ἐπ’ ὀλίγον· τὸ γὰρ πλέον τῷ Παροπαμισῷ παρακεῖσθαι· διείργειν δὲ Σάκασ μὲν καὶ Σογδιανοὺσ τὸν Ιἀξάρτην, καὶ Σογδιανοὺσ δὲ καὶ Βακτριανοὺσ τὸν Ὦξον, μεταξὺ δὲ Ὑρκανῶν καὶ Ἀρίων Ταπύρουσ οἰκεῖν· κύκλῳ δὲ περὶ τὴν θάλατταν μετὰ τοὺσ Ὑρκανοὺσ Ἀμάρδουσ τε καὶ Ἀναριάκασ καὶ Καδουσίουσ καὶ Ἀλβανοὺσ καὶ Κασπίουσ καὶ Οὐιτίουσ, τάχα δὲ καὶ ἑτέρουσ μέχρι Σκυθῶν, ἐπὶ θάτερα δὲ μέρη τῶν Ὑρκανῶν Δέρβικασ, τοὺσ δὲ Καδουσίουσ συμψαύειν Μήδων καὶ Ματιανῶν ὑπὸ τὸν Παραχοάθραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 11, chapter 8 11:

(스트라본, 지리학, Book 11, chapter 8 11:)

상위

목록

SEARCH

MENU NAVIGATION