헬라어 문장 검색 - ΣτραβόΓεογραπ́11́08́009́

(스트라본, 지리학, Book 11, chapter 8 9:)

Μασσαγέται δ’ ἐδήλωσαν τὴν σφετέραν ἀρετὴν ἐν τῷ πρὸσ Κῦρον πολέμῳ, περὶ οὗ θρυλοῦσι πολλοί, καὶ δεῖ πυνθάνεσθαι παρ’ ἐκείνων. ἄργυροσ δ’ οὐ γίνεται παρ’ αὐτοῖσ, σίδηροσ δ’ ὀλίγοσ, χαλκὸσ δὲ καὶ χρυσὸσ ἄφθονοσ. λέγεται δὲ καὶ τοιαῦτα περὶ τῶν Μασσαγετῶν, ὅτι κατοικοῦσιν οἱ μὲν ὄρη τινὲσ δ’ αὐτῶν πεδία οἱ δὲ ἕλη ἃ ποιοῦσιν οἱ ποταμοί, οἱ δὲ τὰσ ἐν τοῖσ ἕλεσι νήσουσ. μάλιστα δέ φασι τὸν Ἀράξην ποταμὸν κατακλύζειν τὴν χώραν πολλαχῆ σχιζόμενον, ἐκπίπτοντα δὲ τοῖσ μὲν ἄλλοισ στόμασιν εἰσ τὴν ἄλλην τὴν πρὸσ ἄρκτοισ θάλατταν, ἑνὶ δὲ μόνῳ πρὸσ τὸν κόλπον τὸν Ὑρκάνιον. θεὸν δὲ ἥλιον μόνον ἡγοῦνται, τούτῳ δὲ ἱπποθυτοῦσι· γαμεῖ δ’ ἕκαστοσ μίαν, χρῶνται δὲ καὶ ταῖσ ἀλλήλων οὐκ ἀφανῶσ, ὁ δὲ μιγνύμενοσ τῇ ἀλλοτρίᾳ τὴν φαρέτραν ἐξαρτήσασ ἐκ τῆσ ἁμάξησ φανερῶσ μίγνυται· θάνατοσ δὲ νομίζεται παρ’ αὐτοῖσ ἄριστοσ, ὅταν γηράσαντεσ κατακοπῶσι μετὰ προβατείων κρεῶν καὶ ἀναμὶξ βρωθῶσι· τοὺσ δὲ νόσῳ θανόντασ ῥίπτουσιν ὡσ ἀσεβεῖσ καὶ ἀξίουσ ὑπὸ θηρίων βεβρῶσθαι. ἀγαθοὶ δὲ ἱππόται καὶ πεζοί, τόξοισ δὲ χρῶνται καὶ μαχαίραισ καὶ θώραξι καὶ σαγάρεσι χαλκαῖσ, ζῶναι δὲ αὐτοῖσ εἰσι χρυσαῖ καὶ διαδήματα ἐν ταῖσ μάχαισ· οἵ τε ἵπποι χρυσοχάλινοι, καὶ μασχαλιστῆρεσ δὲ χρυσοῖ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 11, chapter 8 9:

(스트라본, 지리학, Book 11, chapter 8 9:)

상위

목록

SEARCH

MENU NAVIGATION