Strabo, Geography, Book 11, chapter 7 1:

(스트라본, 지리학, Book 11, chapter 7 1:)

τοὺσ δ’ οὖν ἐν ἀριστερᾷ εἰσπλέοντι τὸ Κάσπιον πέλαγοσ παροικοῦντασ νομάδασ Δάασ οἱ νῦν προσαγορεύουσι τοὺσ ἐπονομαζομένουσ Πάρνουσ· εἶτ’ ἔρημοσ πρόκειται μεταξύ, καὶ ἐφεξῆσ ἡ Ὑρκανία, καθ’ ἣν ἤδη πελαγίζει μέχρι τοῦ συνάψαι τοῖσ Μηδικοῖσ ὄρεσι καὶ τοῖσ Ἀρμενίων. τούτων δ’ ἐστὶ μηνοειδὲσ τὸ σχῆμα κατὰ τὰσ ὑπωρείασ, αἳ τελευτῶσαι πρὸσ θάλατταν ποιοῦσι τὸν μυχὸν τοῦ κόλπου. οἰκεῖ δὲ τὴν παρώρειαν ταύτην μέχρι τῶν ἄκρων ἀπὸ θαλάττησ ἀρξαμένοισ ἐπὶ μικρὸν μὲν τῶν Ἀλβανῶν τι μέροσ καὶ τῶν Ἀρμενίων, τὸ δὲ πλέον Γῆλαι καὶ Καδούσιοι καὶ Ἄμαρδοι καὶ Οὐίτιοι καὶ Ἀναριάκαι. φασὶ δὲ Παρρασίων τινὰσ συνοικῆσαι τοῖσ Ἀναριάκαισ, οὓσ καλεῖσθαι νῦν Παρσίουσ· Αἰνιᾶνασ δ’ ἐν τῇ Οὐιτίᾳ τειχίσαι πόλιν ἣν Αἰνιάνα καλεῖσθαι, καὶ δείκνυσθαι ὅπλα τε Ἑλληνικὰ ἐνταῦθα καὶ σκεύη χαλκᾶ καὶ ταφάσ· ἐνταῦθα δὲ καὶ πόλιν Ἀναριάκην, ἐν ᾗ, φασί, δείκνυται μαντεῖον ἐγκοιμωμένων . . . καὶ ἄλλα τινὰ ἔθνη λῃστρικὰ καὶ μάχιμα μᾶλλον ἢ γεωργικά· ποιεῖ δὲ τοῦτο ἡ τραχύτησ τῶν τόπων. τὸ μέντοι πλέον τῆσ περὶ τὴν ὀρεινὴν παραλίασ Καδούσιοι νέμονται, σχεδὸν δέ τι ἐπὶ πεντακισχιλίουσ σταδίουσ, ὥσ φησι Πατροκλῆσ, ὃσ καὶ πάρισον ἡγεῖται τὸ πέλαγοσ τοῦτο τῷ Ποντικῷ. ταῦτα μὲν οὖν τὰ χωρία λυπρά.

일치하는 문장이 없습니다.

SEARCH

MENU NAVIGATION