헬라어 문장 검색 - ΠολψβίΗιστορί12́052́

(폴리비오스, Histories, book 12, chapter 28a)

ζώντων ὑπέλαβε τοῦτο παρατηρήσειν. οὐ μὴν ἀλλὰ βουλόμενοσ αὔξειν τὴν ἱστορίαν πρῶτον μὲν τηλικαύτην εἶναί φησι διαφορὰν τῆσ ἱστορίασ πρὸσ τοὺσ ἐπιδεικτικοὺσ λόγουσ, ἡλίκην ἔχει τὰ κατ’ ἀλήθειαν ᾠκοδομημένα καὶ κατεσκευασμένα τῶν ἐν ταῖσ σκηνογραφίαισ φαινομένων τόπων καὶ διαθέσεων· δεύτερον αὐτὸ τὸ συναθροῖσαί φησι τὴν παρασκευὴν τὴν πρὸσ τὴν ἱστορίαν μεῖζον ἔργον εἶναι τῆσ ὅλησ πραγματείασ τῆσ περὶ τοὺσ ἐπιδεικτικοὺσ λόγουσ·

αὐτὸσ γοῦν τηλικαύτην ὑπομεμενηκέναι δαπάνην καὶ κακοπάθειαν τοῦ συναγαγεῖν τὰ παρὰ Κυρνίων ὑπομνήματα καὶ πολυπραγμονῆσαι τὰ Λιγύων ἔθη καὶ Κελτῶν, ἅμα δὲ τούτοισ Ἰβήρων, ὥστε μήτ’ ἂν αὐτὸσ ἐλπίσαι μήτ’ ἂν ἑτέρουσ ἐξηγουμένουσ πιστευθῆναι περὶ τούτων.

ἡδέωσ δέ τισ ἂν ἔροιτο τὸν συγγραφέα πότερον ὑπολαμβάνει μείζονοσ δεῖσθαι δαπάνησ καὶ κακοπαθείασ τὸ καθήμενον ἐν ἄστει συνάγειν ὑπομνήματα καὶ πολυπραγμονεῖν τὰ Λιγύων ἔθη καὶ Κελτῶν ἢ τὸ πειραθῆναι τῶν πλείστων ἐθνῶν καὶ τόπων αὐτόπτην γενέσθαι.

τί δ’ αὖ τὸ πυνθάνεσθαι τὰσ παρατάξεισ καὶ πολιορκίασ, ἔτι δὲ ναυμαχίασ, τῶν παρατετυχηκότων τοῖσ κινδύνοισ, ἢ τὸ πεῖραν λαβεῖν τῶν δεινῶν καὶ τῶν ἅμα τούτοισ συμβαινόντων ἐπ’ αὐτῶν τῶν ἔργων;

ἐγὼ μὲν γὰρ οὐκ οἰόμαι τηλικαύτην διαφορὰν ἔχειν τὰ κατ’ ἀλήθειαν οἰκοδομήματα τῶν ἐν ταῖσ σκηνογραφίαισ τόπων, οὐδὲ τὴν ἱστορίαν τῶν ἐπιδεικτικῶν λόγων, ἡλίκην ἐπὶ πασῶν τῶν συντάξεων τὴν ἐξ αὐτουργίασ καὶ τὴν ἐξ αὐτοπαθείασ ἀπόφασιν τῶν ἐξ ἀκοῆσ καὶ διηγήματοσ γραφομένων·

ἧσ εἰσ τέλοσ ἄπειροσ ὢν εἰκότωσ ὑπέλαβε τὸ πάντων ἐλάχιστον καὶ ῥᾷστον εἶναι μέγιστον καὶ χαλεπώτατον τοῖσ πραγματευομένοισ τὴν ἱστορίαν, λέγω δὲ τὸ συνάγειν ὑπομνήματα καὶ πυνθάνεσθαι παρὰ τῶν εἰδότων ἕκαστα τῶν πραγμάτων.

καίτοι γε περὶ τοῦτο τὸ μέροσ ἀνάγκη μεγάλα διαψεύδεσθαι τοὺσ ἀπείρουσ·

πῶσ γὰρ οἱο͂́ν τε καλῶσ ἀνακρῖναι περὶ παρατάξεωσ ἢ πολιορκίασ ἢ ναυμαχίασ; πῶσ δὲ συνεῖναι τῶν ἐξηγουμένων τὰ κατὰ μέροσ ἀνεννόητον ὄντα τῶν προειρημένων; οὐ γὰρ ἔλαττον ὁ πυνθανόμενοσ τῶν ἀπαγγελλόντων συμβάλλεται πρὸσ τὴν ἐξήγησιν·

ἡ γὰρ τῶν παρεπομένων τοῖσ πράγμασιν ὑπόμνησισ αὐτὴ χειραγωγεῖ τὸν ἐξηγούμενον ἐφ’ ἕκαστα τῶν συμβεβηκότων· ὑπὲρ ὧν ὁ μὲν ἄπειροσ οὔτ’ ἀνακρῖναι τοὺσ παραγεγονότασ ἱκανόσ ἐστιν οὔτε συμπαρὼν γνῶναι τὸ γινόμενον, ἀλλὰ κἂν παρῇ, τρόπον τινὰ παρὼν οὐ πάρεστιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 12, chapter 28a

(폴리비오스, Histories, book 12, chapter 28a)

상위

목록

SEARCH

MENU NAVIGATION