헬라어 문장 검색 - ΠολψβίΗιστορί12́037́

(폴리비오스, Histories, book 12, chapter 25d)

Τῷ δὲ Τιμαίῳ καὶ ἕτερόν τι χωρὶσ τῶν προγεγραμμένων συμβέβηκεν· ἀποκαθίσασ γὰρ Ἀθήνησι σχεδὸν ἔτη πεντήκοντα καὶ πρὸσ τοῖσ τῶν προγεγονότων ὑπομνήμασι γενόμενοσ ὑπέλαβε τὰσ μεγίστασ ἀφορμὰσ ἔχειν πρὸσ τὴν ἱστορίαν, ἀγνοῶν, ὥσ γ’ ἐμοὶ δοκεῖ. ἐχούσησ γάρ τι παραπλήσιον τῆσ ἱστορίασ καὶ τῆσ ἰατρικῆσ διὰ τὸ κατὰ τὰσ ὁλοσχερεῖσ διαφορὰσ ἑκατέραν αὐτῶν ὑπάρχειν τριμερῆ, παραπλησίουσ εἶναι συμβαίνει καὶ τὰσ τῶν ἐπιβαλλομένων ἐπ’ αὐτὰσ διαθέσεισ·

οἱο͂ν εὐθέωσ τῆσ ἰατρικῆσ, ἑνὸσ μὲν μέρουσ αὐτῆσ ὑπάρχοντοσ λογικοῦ, τοῦ δ’ ἑξῆσ διαιτητικοῦ, τοῦ δὲ τρίτου χειρουργικοῦ καὶ φαρμακευτικοῦ, γένουσ ὁλοσχερῶσ.

τὸ δὲ λογικόν, ὃ δὴ πλεῖστον ἀπὸ τῆσ Ἀλεξανδρείασ ἄρχεται παρὰ τῶν Ἡροφιλείων καὶ Καλλιμαχείων ἐκεῖ προσαγορευομένων, τοῦτο μέροσ μέν τι κατέχει τῆσ ἰατρικῆσ, κατὰ δὲ τὴν ἐπίφασιν καὶ τὴν ἐπαγγελίαν τοιαύτην ἐφέλκεται φαντασίαν ὥστε δοκεῖν μηδένα τῶν ἄλλων κρατεῖν τοῦ πράγματοσ·

οὓσ ὅταν ἐπὶ τὴν ἀλήθειαν ἀπαγαγὼν ἄρρωστον ἐγχειρίσῃσ, τοσοῦτον ἀπέχοντεσ εὑρίσκονται τῆσ χρείασ ὅσον [καὶ] οἱ μηδὲν ἀνεγνωκότεσ ἁπλῶσ ἰατρικὸν ὑπόμνημα·

οἷσ ἤδη τινὲσ τῶν ἀρρώστων ἐπιτρέψαντεσ αὑτοὺσ διὰ τὴν ἐν λόγῳ δύναμιν οὐδὲν ἔχοντεσ δεινὸν τοῖσ ὅλοισ πολλάκισ ἐκινδύνευσαν. εἰσὶ γὰρ ἀληθῶσ ὅμοιοι τοῖσ ἐκ βυβλίου κυβερνῶσιν·

ἀλλ’ ὅμωσ οὗτοι μετὰ φαντασίασ ἐπιπορευόμενοι τὰσ πόλεισ, ἐπειδὰν ἁθροίσωσι τοὺσ ὄχλουσ ἐπ’ ὀνόματοσ, τοὺσ ἐπ’ αὐτῶν τῶν ἔργων ἀληθινὴν πεῖραν δεδωκότασ αὑτῶν εἰσ τὴν ἐσχάτην ἄγουσιν ἀπορίαν καὶ καταφρόνησιν παρὰ τοῖσ ἀκούουσι, τῆσ τοῦ λόγου πιθανότητοσ καταγωνιζομένησ πολλάκισ τὴν ἐπ’ αὐτῶν τῶν ἔργων δοκιμασίαν. τὸ δὲ τρίτον, τὸ τὴν ἀληθινὴν προσφερόμενον ἕξιν ἐν ἑκάστοισ τῶν ἐπιτηδευμάτων, οὐ μόνον ὑπάρχει σπάνιον, ἀλλὰ καὶ πολλάκισ ὑπὸ τῆσ στωμυλίασ καὶ τόλμησ ἐπισκοτεῖται διὰ τὴν τῶν πολλῶν ἀκρισίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 12, chapter 25d

(폴리비오스, Histories, book 12, chapter 25d)

상위

목록

SEARCH

MENU NAVIGATION