헬라어 문장 검색 - ΠολψβίΗιστορί12́038́

(폴리비오스, Histories, book 12, chapter 25e)

παραπλησίωσ ἐφίενται μὲν ταύτησ πολλοὶ διὰ τὴν προγεγενημένην περὶ αὐτῆσ δόξαν, προσφέρονται δὲ πρὸσ τὴν ἐπιβολὴν οἱ μὲν πλεῖστοι τῶν γραφόντων ἁπλῶσ δίκαιον οὐδὲν πλὴν εὐχέρειαν καὶ τόλμαν καὶ ῥᾳδιουργίαν, παραπλήσιον τοῖσ φαρμακοπώλαισ δοξοκοποῦντεσ καὶ πρὸσ χάριν λέγοντεσ ἀεὶ τὰ πρὸσ τοὺσ καιροὺσ ἕνεκα τοῦ πορίζειν τὸν βίον διὰ τούτων· περὶ ὧν οὐκ ἄξιον πλείω ποιεῖσθαι λόγον.

ἔνιοι δὲ τῶν δοκούντων εὐλόγωσ προσάγειν πρὸσ τὴν ἱστορίαν, καθάπερ οἱ λογικοὶ τῶν ἰατρῶν ἐνδιατρίψαντεσ ταῖσ βυβλιοθήκαισ καὶ καθόλου τὴν ἐκ τῶν ὑπομνημάτων περιποιησάμενοι πολυπειρίαν πείθουσιν αὑτοὺσ ὡσ ὄντεσ ἱκανοὶ πρὸσ τὴν ἐπιβολήν, καὶ τοῖσ ἐκτὸσ ἀρκούντωσ δοκοῦσι προσφέρεσθαι, μέροσ, ὡσ ἐμοὶ δοκεῖ, πρὸσ τὴν πραγματικὴν ἱστορίαν·

τὸ γὰρ ἐποπτεῦσαι τὰ πρότερον ὑπομνήματα πρὸσ μὲν τὸ γνῶναι τὰσ τῶν ἀρχαίων διαλήψεισ καὶ τὰσ ἐννοίασ ἃσ πρὶν εἶχον ὑπὲρ διαθέσεων, τόπων, ἐθνῶν, πολιτειῶν, πράξεων, ἔτι δὲ πρὸσ τὸ συνεῖναι τὰσ ἑκάστων περιστάσεισ καὶ τύχασ, αἷσ κέχρηνται κατὰ τοὺσ ἀνωτέρω χρόνουσ, εὔχρηστόν ἐστι·

συνεφίστησι γὰρ τὰ προγεγονότα πρὸσ τὸ μέλλον ἡμᾶσ οἰκείωσ, ἐάν τισ ὑπὲρ ἑκάστων ἀληθινῶσ ἱστορῇ τὰ παρεληλυθότα·

τό γε μὴν ἀπ’ αὐτῆσ ταύτησ τῆσ δυνάμεωσ ὁρμηθέντα πεπεῖσθαι γράφειν τὰσ ἐπιγινομένασ πράξεισ καλῶσ, ὃ πέπεισται Τίμαιοσ, τελέωσ εὐήθεσ καὶ παραπλήσιον ὡσ ἂν εἴ τισ τὰ τῶν ἀρχαίων ζωγράφων ἔργα θεασάμενοσ ἱκανὸσ οἰοίτο ζωγράφοσ εἶναι καὶ προστάτησ τῆσ τέχνησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 12, chapter 25e

(폴리비오스, Histories, book 12, chapter 25e)

상위

목록

SEARCH

MENU NAVIGATION