Polybius, Histories, book 12, chapter 9

(폴리비오스, Histories, book 12, chapter 9)

Σκεψώμεθα δὴ καὶ τὴν αὐτοῦ τοῦ Τιμαίου προαίρεσιν, καὶ τὰσ ἀποφάσεισ συγκρίνωμεν ἐκ παραθέσεωσ, ἃσ πεποίηται περὶ τῆσ αὐτῆσ ἀποικίασ, ἵνα γνῶμεν πότεροσ ἄξιοσ ἔσται τῆσ τοιαύτησ κατηγορίασ. οὐκέτι κατὰ τὸν αὐτὸν εἰκότα λόγον χρώμενοσ τοῖσ ἐλέγχοισ, ἀλλ’ ἀληθινῶσ αὐτὸσ ἐπιβαλὼν εἰσ τοὺσ κατὰ τὴν Ἑλλάδα Λοκρούσ, ἐξετάζειν τὰ περὶ τῆσ ἀποικίασ.

τοὺσ δὲ πρῶτον μὲν ἐπιδεικνύειν αὐτῷ συνθήκασ ἐγγράπτουσ, ἔτι καὶ νῦν διαμενούσασ, πρὸσ τοὺσ ἐξαπεσταλμένουσ, αἷσ ὑπογεγράφθαι τὴν ἀρχὴν τοιαύτην "ὡσ γονεῦσι πρὸσ τέκνα.

" πρὸσ δὲ τούτοισ εἶναι δόγματα, καθ’ ἃ πολιτείαν ὑπάρχειν ἑκατέροισ παρ’ ἑκατέροισ.

καθόλου διακούοντασ τὴν Ἀριστοτέλουσ ἐξήγησιν περὶ τῆσ ἀποικίασ θαυμάζειν τὴν ἰταμότητα τοῦ συγγραφέωσ. μεταβὰσ δὲ πάλιν ἐπὶ τοὺσ ἐν Ἰταλίᾳ Λοκροὺσ εὑρίσκειν ἀκολούθουσ καὶ τοὺσ νόμουσ φησὶ τοὺσ παρ’ αὐτοῖσ καὶ τοὺσ ἐθισμοὺσ οὐ τῇ τῶν οἰκετῶν ῥᾳδιουργίᾳ, τῇ δὲ τῶν ἐλευθέρων ἀποικίᾳ·

πάντωσ γὰρ καὶ τοῖσ ἀνδραποδισταῖσ ἐπιτίμια τετάχθαι παρ’ αὐτοῖσ, ὁμοίωσ τοῖσ μοιχοῖσ, τοῖσ δραπέταισ·

ὧν οὐδὲν ἂν ὑπάρχειν, εἰ συνῄδεισαν αὑτοῖσ ἐκ τοιούτων πεφυκόσι.

일치하는 문장이 없습니다.

SEARCH

MENU NAVIGATION