Polybius, Histories, book 12, chapter 20

(폴리비오스, Histories, book 12, chapter 20)

Μετὰ δὲ ταῦτά φησι μετωπηδὸν ἄγειν τὴν δύναμιν, ἀπέχοντα τῶν πολεμίων περὶ τετταράκοντα σταδίουσ. τούτου δὲ μεῖζον ἀλόγημα δυσχερὲσ ἐπινοῆσαι·

ποῦ γὰρ ἂν εὑρ́οι τισ τοιούτουσ τόπουσ, ἄλλωσ τε καὶ κατὰ Κιλικίαν, ὥστ’ ἐπὶ σταδίουσ εἴκοσι μὲν τὸ πλάτοσ τετταράκοντα δὲ τὸ μῆκοσ μετωπηδὸν ἄγειν φάλαγγα σαρισοφόρον; τοσαῦτα γάρ ἐστιν ἐμπόδια πρὸσ τὴν τοιαύτην τάξιν καὶ χρείαν, ἅ τισ οὐδ’ ἂν ἐξαριθμήσαιτο ῥᾳδίωσ.

ἓν δὲ τῶν ὑπ’ αὐτοῦ Καλλισθένουσ λεγομένων ἱκανὸν ὑπάρχει πρὸσ πίστιν· τοὺσ γὰρ ἀπὸ τῶν ὀρῶν χειμάρρουσ καταφερομένουσ τοσαῦτά φησι ποιεῖν ἐκρήγματα κατὰ τὸ πεδίον ὥστε καὶ τῶν Περσῶν κατὰ τὴν φυγὴν διαφθαρῆναι λέγουσι τοὺσ πλείστουσ ἐν τοῖσ τοιούτοισ κοιλώμασι.

νὴ Δί’, ἀλλ’ ἕτοιμοσ ἐβούλετ’ εἶναι πρὸσ τὴν τῶν πολεμίων ἐπιφάνειαν.

τί δ’ ἀνετοιμότερον φάλαγγοσ ἐν μετώπῳ διαλελυμένησ καὶ διεσταμένησ;

πόσῳ γὰρ ἐκ πορευτικῆσ ἀγωγῆσ ἁρμοζούσησ παρατάξαι ῥᾷον ἢ διαλελυμένην ἐν μετώπῳ καὶ διεσπασμένην δύναμιν ἐπὶ τὴν αὐτὴν εὐθεῖαν ἀγαγεῖν καὶ συστῆσαι πρὸσ μάχην ἐν τόποισ ὑλώδεσι καὶ περικεκλασμένοισ; διόπερ οὐδὲ παρὰ μικρὸν ἦν κρεῖττον ἄγειν διφαλαγγίαν ἢ τετραφαλαγγίαν ἁρμόζουσαν, ᾗ καὶ τόπον πορείασ εὑρεῖν οὐκ ἀδύνατον, καὶ τὸ παρατάξαι ταχέωσ ῥᾴδιόν γε, δυνάμενον διὰ τῶν προδρόμων ἐκ πολλοῦ γινώσκειν τὴν τῶν πολεμίων παρουσίαν.

ὁ δὲ χωρὶσ τῶν ἄλλων οὐδὲ τοὺσ ἱππεῖσ προέθετο, μετωπηδὸν ἄγων τὴν δύναμιν ἐν τόποισ ἐπιπέδοισ, ἀλλ’ ἐξ ἴσου ποιεῖ τοῖσ πεζοῖσ.

일치하는 문장이 없습니다.

SEARCH

MENU NAVIGATION