헬라어 문장 검색 - ΠολψβίΗιστορί12́025́

(폴리비오스, Histories, book 12, v. de callisthenis imperitia in narrandis rebus militaribus)

Ἵνα δὲ μὴ δόξωμεν τῶν τηλικούτων ἀνδρῶν καταξιοπιστεῖσθαι, μνησθησόμεθα μιᾶσ παρατάξεωσ, ἣν ἅμα μὲν οἱάν ἐπιφανεστάτην εἶναι συμβέβηκεν, ἅμα δὲ τοῖσ καιροῖσ οὐ μακρὰν ἀπηρτῆσθαι, τὸ δὲ μέγιστον, παρατετευχέναι τὸν Καλλισθένη. λέγω δὲ περὶ τῆσ ἐν Κιλικίᾳ γενομένησ Ἀλεξάνδρῳ πρὸσ Δαρεῖον, ἐν ᾗ φησὶ μὲν Ἀλέξανδρον ἤδη διαπεπορεῦσθαι τὰ στενὰ καὶ τὰσ λεγομένασ ἐν τῇ Κιλικίᾳ Πύλασ, Δαρεῖον δὲ χρησάμενον τῇ διὰ τῶν Ἀμανίδων λεγομένων Πυλῶν πορείᾳ κατᾶραι μετὰ τῆσ δυνάμεωσ εἰσ Κιλικίαν·

πυθόμενον δὲ παρὰ τῶν ἐγχωρίων προάγειν τὸν Ἀλέξανδρον ὡσ ἐπὶ Συρίαν, ἀκολουθεῖν, καὶ συνεγγίσαντα τοῖσ στενοῖσ στρατοπεδεῦσαι παρὰ τὸν Πίναρον ποταμόν.

εἶναι δὲ τοῦ μὲν τόπου τὸ διάστημ’ οὐ πλείω τῶν τεττάρων καὶ δέκα σταδίων ἀπὸ θαλάττησ ἑώσ πρὸσ τὴν παρώρειαν·

διὰ δὲ τούτου φέρεσθαι τὸν προειρημένον ποταμὸν ἐπικάρσιον, ἀπὸ μὲν τῶν ὀρῶν εὐθέωσ ἐκρήγματα τῶν πλευρῶν, διὰ δὲ τῶν ἐπιπέδων ἑώσ εἰσ θάλατταν ἀποτόμουσ ἔχοντα καὶ δυσβάτουσ λόφουσ.

ταῦτα δ’ ὑποθέμενοσ, ἐπεὶ συνεγγίζοιεν οἱ περὶ τὸν Ἀλέξανδρον ἐξ ὑποστροφῆσ ἐπ’ αὐτοὺσ ἀναχωροῦντεσ, κρῖναί φησι Δαρεῖον καὶ τοὺσ ἡγεμόνασ τὴν μὲν φάλαγγα τάξαι πᾶσαν ἐν αὐτῇ τῇ στρατοπεδείᾳ, καθάπερ ἐξ ἀρχῆσ εἶχε, χρήσασθαι δὲ τῷ ποταμῷ προβλήματι διὰ τὸ παρ’ αὐτὴν ῥεῖν τὴν στρατοπεδείαν.

μετὰ δὲ ταῦτά φησι τοὺσ μὲν ἱππεῖσ τάξαι παρὰ θάλατταν, τοὺσ δὲ μισθοφόρουσ ἑξῆσ τούτοισ παρ’ αὐτὸν τὸν ποταμόν, ἐχομένουσ τούτων τοὺσ πελταστὰσ συνάπτοντασ τοῖσ ὄρεσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 12, v. de callisthenis imperitia in narrandis rebus militaribus

(폴리비오스, Histories, book 12, v. de callisthenis imperitia in narrandis rebus militaribus)

상위

목록

SEARCH

MENU NAVIGATION