헬라어 문장 검색 - ΠολψβίΗιστορί12́051́

(폴리비오스, Histories, book 12, chapter 28)

Δοκεῖ δέ μοι καὶ τὸ τῆσ ἱστορίασ πρόσχημα τοιοῦτον ἄνδρα ζητεῖν. ὁ μὲν οὖν Πλάτων φησὶ τότε τἀνθρώπεια καλῶσ ἕξειν, ὅταν ἢ οἱ φιλόσοφοι βασιλεύσωσιν ἢ οἱ βασιλεῖσ φιλοσοφήσωσι·

μὴ καθάπερ νῦν παρέργωσ, νομίσαντεσ δὲ καὶ τοῦτ’ εἶναι σφίσι τῶν ἀναγκαιοτάτων καὶ καλλίστων, ἀπερίσπαστοι παράσχωνται πρὸσ τοῦτο τὸ μέροσ κατὰ τὸν βίον, ἢ οἱ γράφειν ἐπιβαλλόμενοι τὴν ἐξ αὐτῶν τῶν πραγμάτων ἕξιν ἀναγκαίαν ἡγήσωνται πρὸσ τὴν ἱστορίαν.

πρότερον δ’ οὐκ ἔσται παῦλα τῆσ τῶν ἱστοριογράφων ἀγνοίασ.

ἀλλὰ καταβιώσασ ἐν ἑνὶ τόπῳ ξενιτεύων, καὶ σχεδὸν ὡσ εἰ κατὰ πρόθεσιν ἀπειπάμενοσ καὶ τὴν ἐνεργητικὴν τὴν περὶ τὰσ πολεμικὰσ καὶ πολιτικὰσ πράξεισ καὶ τὴν ἐκ τῆσ πλάνησ καὶ θέασ αὐτοπάθειαν, οὐκ οἶδ’ ὅπωσ ἐκφέρεται δόξαν ὡσ ἕλκων τὴν τοῦ συγγραφέωσ προστασίαν.

καὶ διότι τοιοῦτόσ ἐστιν αὐτὸν ἀνθομολογούμενον εὐχερὲσ παραστῆσαι τὸν Τίμαιον.

κατὰ γὰρ τὸ προοίμιον τῆσ ἕκτησ βύβλου φησί τινασ ὑπολαμβάνειν διότι τινὸσ μείζονοσ δεῖται φύσεωσ καὶ φιλοπονίασ καὶ παρασκευῆσ τὸ τῶν ἐπιδεικτικῶν λόγων γένοσ ἢ τὸ τῆσ ἱστορίασ·

οὐ δυνηθέντοσ δ’ ἱκανῶσ ἐκείνου πρὸσ τοὺσ ταῦτα λέγοντασ ἀπαντῆσαι, πειρᾶται συγκρίνειν αὐτὸσ ἐκ παραβολῆσ τὴν ἱστορίαν τοῖσ ἐπιδεικτικοῖσ λόγοισ, πρᾶγμα ποιῶν πάντων ἀτοπώτατον, πρῶτον μὲν τὸ καταψεύσασθαι τοῦ συγγραφέωσ.

ὁ γὰρ Ἔφοροσ παρ’ ὅλην τὴν πραγματείαν θαυμάσιοσ ὢν καὶ κατὰ τὴν φράσιν καὶ κατὰ τὸν χειρισμὸν καὶ κατὰ τὴν ἐπίνοιαν τῶν λημμάτων, δεινότατόσ ἐστιν ἐν ταῖσ παρεκβάσεσι καὶ ταῖσ ἀφ’ αὑτοῦ γνωμολογίαισ, καὶ συλλήβδην ὅταν που τὸν ἐπιμετροῦντα λόγον διατίθηται·

κατὰ δέ τινα συντυχίαν εὐχαριστότατα καὶ πιθανώτατα περὶ τῆσ συγκρίσεωσ εἴρηκε τῆσ τῶν ἱστοριογράφων καὶ λογογράφων.

ὁ δ’ ἵνα μὴ δόξῃ κατακολουθεῖν Ἐφόρῳ, πρὸσ τῷ κατεψεῦσθαι ’κείνου καὶ τῶν λοιπῶν ἅμα κατέγνωκε·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 12, chapter 28

(폴리비오스, Histories, book 12, chapter 28)

상위

목록

SEARCH

MENU NAVIGATION