헬라어 문장 검색 - ΠολψβίΗιστορί12́039́

(폴리비오스, Histories, book 12, chapter 25f)

Δῆλον δ’ ἔσται τὸ λεγόμενον ἔτι μᾶλλον ἐκ τῶν ἐπιφερομένων, οἱο͂ν εὐθέωσ ἐκ τῶν συμβεβηκότων Ἐφόρῳ κατὰ τόπουσ τινὰσ τῆσ ἱστορίασ. ἐκεῖνοσ γὰρ ἐν τοῖσ πολεμικοῖσ τῶν μὲν κατὰ θάλατταν ἔργων ἐπὶ ποσὸν ὑπόνοιαν ἐσχηκέναι μοι δοκεῖ, τῶν δὲ κατὰ γῆν ἀγώνων ἄπειροσ εἶναι τελέωσ. τοιγαροῦν ὅταν μὲν πρὸσ τὰσ περὶ Κύπρον ναυμαχίασ καὶ τὰσ περὶ Κνίδον ἀτενίσῃ τισ, αἷσ ἐχρήσανθ’ οἱ βασιλέωσ στρατηγοὶ πρὸσ Εὐαγόραν τὸν Σαλαμίνιον καὶ πάλιν πρὸσ Λακεδαιμονίουσ θαυμάζειν τὸν συγγραφέα καὶ κατὰ τὴν δύναμιν καὶ κατὰ τὴν ἐμπειρίαν εἰκὸσ καὶ πολλὰ τῶν χρησίμων ἀπενέγκασθαι πρὸσ τὰσ ὁμοίασ περιστάσεισ·

ὅταν δὲ τὴν περὶ Λεῦκτρα μάχην ἐξηγῆται Θηβαίων καὶ Λακεδαιμονίων ἢ τὴν ἐν Μαντινείᾳ πάλιν τῶν αὐτῶν τούτων, ἐν ᾗ καὶ μετήλλαξε τὸν βίον Ἐπαμινώνδασ, ἐν τούτοισ ἐὰν ἐπὶ τὰ κατὰ μέροσ ἐπιστήσασ τισ θεωρῇ τὰσ ἐκτάξεισ καὶ μετατάξεισ τὰσ κατ’ αὐτοὺσ τοὺσ κινδύνουσ, γελοῖοσ φαίνεται καὶ παντελῶσ ἄπειροσ καὶ ἀόρατοσ τῶν τοιούτων ὤν.

ὁ μὲν οὖν ἐν τοῖσ Λεύκτροισ κίνδυνοσ ἁπλοῦσ γεγονὼσ καὶ καθ’ ἕν τι μέροσ τῆσ δυνάμεωσ οὐ λίαν ἐκφανῆ ποιεῖ τὴν τοῦ συγγραφέωσ ἀπειρίαν·

ὁ δὲ περὶ τὴν Μαντίνειαν τὴν μὲν ἔμφασιν ἔχει ποικίλην καὶ στρατηγικήν, ἔστι δ’ ἀνυπόστατοσ καὶ τελέωσ ἀδιανόητοσ τῷ συγγραφεῖ. ἐάν τισ τοὺσ τόπουσ ὑποθέμενοσ ἀληθινῶσ ἐπιμετρῇ τὰσ κινήσεισ τὰσ ὑπ’ αὐτοῦ δηλουμένασ.

τὸ δ’ αὐτὸ συμβαίνει καὶ Θεοπόμπῳ καὶ μάλιστα Τιμαίῳ, περὶ οὗ νῦν ὁ λόγοσ·

οὗ μὲν γὰρ ἂν ὑπὲρ τῶν τοιούτων κεφαλαιώδη ποιήσωνται τὴν ὑπόθεσιν, διαλανθάνουσιν, οὗ δ’ ἂν βουληθῶσι διαθέσθαι καὶ συνυποδεῖξαί τι τῶν κατὰ μέροσ, τοιοῦτοι φαίνονται καὶ πάντωσ οἱο͂σ Ἔφοροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 12, chapter 25f

(폴리비오스, Histories, book 12, chapter 25f)

상위

목록

SEARCH

MENU NAVIGATION